මල්ෂා දුව කලා නම් ඒක හොරකමක්ම නෙමෙයි – රන්ජන් මාමා

ඇමති ජීවන් කුමාරතුංගගේ දියණි මල්ෂා කුමාරතුංග විසින් ඇගේ පියාගේ ඇමති බලතල භාවිතා කරමින් කර ඇතැයි කියන මැතිවරණ ප‍්‍රචාරක කටයුතු කෙහෙල් කැන හොරකමක් වගේ හරිම පොඩි දෙයක් යයි ඇගේ මාමාද වන එ.ජා.ප පාර්ලිමේන්තු මන්ත‍්‍රී රංජන් රාමනායක පවසයි.

‘මේ දේ ඇත්තටම මගේ ඥාති දියණිය මල්ෂා කළා නම් ඒ ගැන මම ඇත්තටම කණගාටු වෙනවා. මේ පිළිබදව තවමත් පරීක්ෂණ පවත්වා නැති නිසා මට හරියට
මුකුත් කියන්න බැහැ. නමුත් නීතිය දන්න නීතිවේදිනියක් විදිහට ඇය එය කළා නම් මම ඒ ගැන දුක් වෙනවා. සන්ධානයේ සමහර අය කුඩු මුදල්, එතනෝල් මුදල්, කප්පම් මුදල්, රාජ්‍ය වාහන, පෙට්රල්, දේපොළ ඉතා විශාල වශයෙන් පරිහරණය කරමින් මැතිවරණ නීති උල්ලංඝණය කරද්දී මල්ෂා දුව  ඕක කළා නම් ඒක හරියට අර කෙහෙල් කැන් හොරකමක් වගේ සුළු දෙයක්’ යයිද මන්ත‍්‍රිවරයා සඳහන් කරයි.