ඥානසාර හිමි නෑ කියයි

වටරැක විජිත යන පිස්සු චරිතය පිළිබඳව තමන්වහන්සේට කිසිදු දෙයක් ප්‍රකාශ කිරීමට අවශ්‍යතාවක් නොමැති බවත්, මේ සිදුවීමට තමන් හෝ තම සංවිධානයේ කිසිවකුගේ සම්බන්ධතාවක් නොමැති බවත් බොදු බල සේනා සංවිධානයේ මහලේකම් ගලගොඩඅත්තේ ඥානසාර හිමියෝ පවසති.
අලුත්ගම සිද්ධියට හා මේ පහරදීමට අෑ¼දා ගනිමින් තමන්වහන්සේ නීතිමය තත්ත්වයකට වට කිරීමට කුමන්ත්‍රණයක් ක්‍රියාත්මක වෙමින් තිබෙන බව උන්වහන්සේ පැවැසූහ.


බොදු බල සේනා සංවිධානය අපහසුතාවට පත් කරමින් වටරැක විජිත නමැති නාටකය තවදුරටත් ක්‍රියාත්මක වන්නේ එම කුමන්ත්‍රණයේ කොටසක් ලෙස පැවැසූ උන්වහන්සේ තමන් අත්අඩංගුවට ගෙන බොදු බල සේනා සංවිධානයේ ඉදිරි වැඩපිළිවෙළ අඩාල කිරීමට යම් පිරිසක් උත්සාහ දරන බව කීහ.
කෙසේ වුවත් තමන්වහන්සේ මේ පහරදීමේ සිද්ධියට කිසිදු සම්බන්ධතාවක් නොමැති බව යළිත් අවධාරණය කළ උන්වහන්සේ, මේ සිදුවීම තමන්වහන්සේ දැනගත්තේද මාධ්‍ය මඟින් බව කීහ.