අවුරුදු 15 පෙම්වතා සමඟ වයස අවුරුදු 40 දරුවන් දෙදෙනකුගේ මවක් පෙම්සුව විඳින්නට ගොස් මාට්ටු

වයස අවුරුදු පහළොවේ බාල වයස්කාර පෙම්වතා සමඟ වයස අවුරුදු හතළිහක පුරුෂයා හැරගිය දරුවන් දෙදෙනකුගේ මවක සමඟ පෙම්සුව විඳින්නට මාතර අකුරැස්සේ සිට ගාල්ල ඉඳුරුව තානායමකට යමින් සිටියදී පොලිසියට ලද තොරතුරු මත ගාල්ල කොස්ගොඩ පොලිසිය මඟින් මෙම දෙදෙනා අත්අඩංගුවට ගෙන තිබේ.

මෙම බාලවයස්කාර වයස අවුරුදු 15ක පාසල් වියේ පසුවූ පෙම්වතා හා වයස අවුරුදු හතළිහේ පුරුෂයා අතහැර ගිය කාන්තාව අකුරැස්ස ප්‍රදේශයේ කේක් අලෙවි කරන වෙළෙඳසලක සේවය කරමින් සිට
තිබේ. මෙහිදී ඇතිකර ගත් ආදර සම්බන්ධතාවක් මත මේ ආකාරයට පෙම්සුව විඳින්නට අකුරැස්ස ප්‍රදේශයේ සිට ඉඳුරුවට ගමන් කරමින් සිට ඇත.

මෙම කාන්තාව හා බාලවයස්කාර තැනැත්තා කොස්ගොඩ පොලිසිය මඟින් අත්අඩංගුවට ගෙන බළපිටිය අධිකරණයට ඉදිරිපත් කිරීමෙන් පසුව, කාන්තාව ගාල්ල බන්ධනාගාරයටද, වයස අවුරුදු 15 සැකකරුවා හල්පාතොට ළමා නිවාසයටද භාරදෙන ලෙස බළපිටිය මහෙස්ත්‍රාත් අසංක බෝදරගම මහතා පසුගිය 18 වැනිදා නියෝග කළේය. ගාල්ල කොස්ගොඩ පොලිසියේ ළමා හා කාන්තා කාර්යාංශයේ නිලධාරීන් මෙම පෙම්වතුන් අධිකරණයට ඉදිරිපත් කර තිබිණි.