සත්ව ලෝකයේ දීර්ඝතම මතකයක් හිමි සත්වයා

සෑම ඩොල්ෆින් මත්ස්‍යයෙකුටම තමන්ටම ආවේණික වූ සිවුරුහන් නාදයක් තිබෙන අතර සමාජීය වශයෙන් එකිනෙකා අතර ඉතාමත් සමීප බැඳීමක් ඇතිකර ගැනීමට එම සිවුරුහන් නාදය ඔවුනට උපකාරී වේ. ඇමෙරිකාවේ චිකාගෝ විශ්වවිද්‍යාලයේ අධ්‍යාපන විද්‍යාඥ ජේසන් බෘෘක් විසින් සිදුකළ මෙම පරීක්ෂණයෙන් හෙළිවූයේ මිනිසුන්  හැරුණු කොට මිහිපිට වාසය කරන සත්වයින් අතරින් දීර්ඝතම
මතකයක් තිබෙන්නේ ඩොල්ෆින් මත්ස්‍යාට බවයි. ඒ වගේම අලින්ට හා චිම්පන්සියන්ට ද ඒ හා සමාන වෙනත් හැකියාවන් තිබෙන බවද
සොයාගෙන තිබේ.
ජේසන් විසින් බෝතල් නාස් තිබෙන ඩොල්ෆින් මත්ස්‍යයන් 43 දෙනෙකු පමණ යොදාගෙන ඇත්තේ ඩොල්ෆින් මත්ස්‍යයන්ගේ පවතින ඉතාමත් වැදගත් සමාජීය අනේ‍යාන්‍ය බැඳීම පදනම් කරගෙනය. වර්ගයා බෝ කිරීම සඳහා කාලයක්  එකට තැබූ ඩොල්ෆින් මත්ස්‍යයන් දෙදෙනකු අවුරුදු 10ක කාලයක් තිස්සේ එකිනෙකාගෙන් වෙන් කර ඔවුන් නැවත එකතු කිරීමේදී අවුරුදු 10ක් එකිනෙකාගෙන් වෙන් වී සිටියත් තම සහකරුවාගේ මතකයන් තවමත් ඔවුන් සතුව පවතින බව මෙම පරීක්ෂණය මගින් හෙළි වී තිබේ.
ජේසන් විසින් පළමුව
සිදුකර තිබෙන්නේ හුරුපුරුදු නැති ඩොල්ෆින් මත්ස්‍යයන්ගේ පටිගත කරන ලද සිවුරුහන් නාදයන් ඇසීමට සැලැස්වීමයි. නමුත් එවැනි හුරුපුරුදු නැති සිවුරුහන් නාදයන්ට සැලකිය යුතු තරම් ප්‍රතිචාරයක් ඩොල්ෆින් මත්ස්‍යයන් විසින් දක්වා නොමැත. නමුත් අවුරුදු 10කට පමණ පෙර ඔවුන්ගෙන් වෙන් වූ පැරණි මිතුරන්ගේ සිවුරුහන් නාදයන් ඇසීමත් සමග ඔවුනොවුන් යම්කිසි සිවුරුහන් නාදයක් නිකුත් කර පැරණි මිතුරාගෙන් ප්‍රතිචාරයක් ලැබෙනතුරු  නොඉවසිලිමත්ව හැසිරී තිබෙන ආකාරය ජේසන් විසින් කරන ලද පරීක්ෂණයෙන් සනාථ වී තිබේ.
හසිත දර්ශන