පොලිස් මාධ්ය ප්රකාශක ජ්යෙෂ්ඨ පොලිස් අධිකාරී අජිත් රෝහණ මහතා 16 දා හවස කොළඹ පොලිස් මූලස්ථානයේදී හදිසි මාධ්ය හමුවක් කැඳවමින් මේ බව ප්රකාශ කළේය.
'' මෙම විරෝධතාකරුවන් පලවා හැරීමට පොලීසිය යොදා ගත්තේ කඳුළු වායුව හා ජල ප්රහාර පමණයි. එහෙත් කිසිදු ආකාරයක ප්රහාරයක් දියත් කරේ නැහැ.ජිනීවා හි මානව හිමිකම්
සැසිය පැවැත්වෙන අවස්ථාවක මෙවැනි සිදුවීම් ඇතිකර රජයත් ජනතාවත් රටත් අපහසුතාවයට පත් කරලීමට විවිධ කොටස් ක්රියා කරනවා. ජනතාව මෙවැනි උසිගැන්වීම්වලට නොරැවටිය යුතුයි.'' යයි ද ඔහු අවධාරණය කළේය.
සිද්ධිය පිළිබඳ විමර්ශන සිදු කිරීමට අපරාධ පරීක්ෂණ දෙපාර්තමේන්තුවේ විශේෂ කණ්ඩායමක් පත්කර ඇති බව එහිදී ඔහු කියා සිටියේ ය.
එම කටයුතු පොලිස්පති එන්.කේ ඉලංගකෝන් මහතාගේ පූර්ණ අධීක්ෂණය යටතේ සිදුකරන බවද ඔහු ප්රකාශ කළේය.
මෙම ඝාතනය හා ඊට සම්බන්ධ ප්රචණ්ඩකාරී සිදුවීම් ගම්වැසියන් විසින් හුදකලාව සිදුකළ ඒවා නොවන බවත් මේ සිද්ධි පිටුපස සංවිධානාත්මක කණ්ඩායමක් සිටින බවත් දැනට සිදුකළ පරීක්ෂණවලදී හෙළිදරව් වී ඇති බවද අජිත් රෝහණ මහතා ප්රකාශ කළේය.
පොලිස් ස්ථානාධිපතිවරයා මත පතිත වූ රබර් ගස අර්ධ ලෙස කපා දමා අවශ්ය වේලාවකදී තල්ලු කර දැමීමට සැලසුම් කර තිබූ බවටත් දැනට අනාවරණය වී ඇති බව ද අජිත් රෝහණ මහතා සඳහන් කළේය.
පසුගිය කාලයේ ඇති වු සිද්ධීන් රැසකදීම පොලිස් මාධ්ය ප්රකාශකවරයා වශයෙන් අජිත් රෝහණ මහතා සිය තනතුරේ සීමාවන් උල්ලංඝණය කර ඇති බැවින් ඔහුව එම තනතුරෙන් ඉවත් කල යුතුබවට එක්සත් ජාතික පක්ෂය ඔහුට චෝදනා කර තිබුනා. ඔවුන් චෝදනා කලේ ස්වාධීන තනතුරක් උවද අජිත් රෝහන මහතා ආණ්ඩුවට පක්ෂග්රාහීව කටයුතු කරන බවයි. හෙල්මට් දමාගෙන සිදුකල මංකොල්ලයකදී ඔහු සිදුකල ප්රකාශයන්ද පසුගිය කාලයේ ආන්දෝලනාත්මක වූවා.
.jpg)
0 comments:
Post a Comment