බද්දේගම සම වැලිවිටිය දිවිතුරු ප‍්‍රාදේශීය සභා බලප‍්‍රදේශයන්හි කුඩා දරුවන් දෙදෙනෙකු ඉකුත් මියගියා. ඉන් එක් දරුවෙකු වයස අවුරුදු 4 යි මාස 8 ක් වන අතර අනෙක් දරුවාගේ වයස අවුරුදු 5 යි මාස 5 ක් වනවා. කුඩා දරුවන් දෙදෙනෙකු හදිසියේ මියයාමත් සමග ප‍්‍රදේශය පුරා කටකතා පැතිරයාම හේතුවෙන් සියලූ පෙර පාසල් තාවකාලිකව වසා දැමීමට තීරණය කළ බවයි බද්දේගම ප‍්‍රාදේශීය සභා සභාපති අනුර නාරංගොඩ මහතා සදහන් කළේ.
සභා බලප‍්‍රදේශයේ ඇති සභාවට අයත් පෙර පාසල් 7ක් වසා දැමීමට අපි තීරණය කළා. පෞද්ගලික පාලිකාවන් විසින් කරගෙන යන පෙර පාසල් 3ක්ද වසා දැමීමට එම පාලිකාවන් විසින් කටයුතු කර තිබෙනවා. ප‍්‍රාදේශීය මහජන සෞඛ්‍ය නිලධාරීවරයාගෙන් වාර්තාවක් ගැනීමට මම තීරණය කළා. එසේම මේ සම්බන්ධයෙන් සොයා බැලීමට පොලීසියද දැනුවත් කළා. බලප‍්‍රදේශයේ ඇති සියලූම පෙර පාසල් සහ ප‍්‍රදේශයේ තිබෙන පාසල්වල පොඩි පන්ති වසා දැමීමට කටයුතු කරනවා. ප‍්‍රදේශයේ සෞඛ්‍ය බලධාරියා ලෙස මට ඒ සඳහා පනතින් බලතල තිබෙනවා.
මේ සම්බන්ධයෙන් නෙත් නිවුස් බද්දේගම ප‍්‍රාදේශීය සෞඛ්‍ය කාර්යාලයේ වැඩබලන පරිපාලන මහජන සෞඛ්‍ය පරීක්‍ෂක කේ පී නවරත්න මහතාගෙන් විමසීමක් කළා. ඔහු පැවසුවේ ප‍්‍රාදේශීය වසංගත රෝග විද්‍යා අංශය සමග එක්ව මේ සම්බන්ධයෙන් පරීක්‍ෂණ ආරම්භ කර ඇති බවයි. මියගිය දරුවන් අධ්‍යාපනය ලැබූ පෙර පාසල් දෙකෙන්ම ජල සාම්පල් ලබාගෙන ඒවා විශේෂ පරීක්‍ෂණයක් සදහා යොමුකර ඇති බවද ඒ මහතා කියාසිටියා.
.jpg)
0 comments:
Post a Comment