මෙලෙස රක්ෂිත බන්ධනාගාර ගත කෙරුණේ නුගේගොඩ, ඇඹුල්දෙණිය ප්‍රදේශයේ පදිංචි තරුණයෙකි.
මිරිහාන මූලස්‌ථාන පොලිසියේ රථවාහන විමර්ශන අංශයේ නිලධාරීහු පිරිසක්‌ පෙරේදා (28 වැනිදා) අලුයම මිරිහාන ප්‍රදේශයේ රථවාහන සෝදිසි මෙහෙයුමක නිරතව සිට ඇත. එසේ සිටියදී සැක සහිත අයුරින් පැමිණෙමින් තිබූ යතුරුපැදියක්‌ එක්‌වරම නවත්වා තබා එහි සිටි යතුරු පැදිකරු හා පිටුපස ගමන්ගත් අය පලාගොස්‌ තිබේ.
පසුව එම නිලධාරීහු යතුරුපැදිය මිරිහාන මූලස්‌ථාන පොලිසියට රැගෙන ගොස්‌ එම යතුරුපැදිය සම්බන්ධයෙන් විමර්ශන සිදුකරමින් සිට ඇත.
පසුව මිරිහාන මූලස්‌ථාන පොලීසියේ ස්‌ථානාධිපතිවරයාට, තමන් පොලිස්‌ මාධ්‍ය ප්‍රකාශක බවත්, පොලිසිය තුළ ඇති යතුරු පැදිය මුදාහරින ලෙසත් පවසමින් අවස්‌ථා දෙකකදී ඇමතුම් 2 ක්‌ ලැබී තිබේ. පසුව එම දුරකථන ඇමතුම් පිළිබඳ විමර්ශන සිදුකර සැකකාර තරුණයා ඇඹුල්දෙණිය ප්‍රදේශයේදී අත්අඩංගුවට ගත් බවත්, ඔහුගෙන් කරන ලද ප්‍රශ්න කිරීම්වලින් පසු ඔහුගේ මිතුරාද අත්අඩංගුවට ගත් බවත් පොලිසිය කියයි.
මෙහිදී අදහස්‌ දැක්‌වූ පොලිස්‌ මාධ්‍ය ප්‍රකාශක ජ්‍යෙෂ්ඨ පොලිස්‌ අධිකාරී අජිත් රෝහණ මහතා මෙසේ පැවැසීය.
පොලිසිවලට විතරක්‌ නෙමෙයි පොලිස්‌ හදිසි ඇමතුම් අංක 119 අංකවලටද මගේ නම භාවිත කරලා ව්‍යාජ ඇමතුම් ලබාදෙන බවට වාර්තාවෙලා තියෙනවා. ඒ දුරකථන අංක සියල්ල විමර්ශනය කර අදාළ සැකකරුවන් අත්අඩංගුවට ගන්නවා.
.jpg)
.jpg)
0 comments:
Post a Comment