ජනපතිගෙන් ඩිලාන්ට 'විමල් හරහා' කනේ පහරක්

උෟව පළාත් සභා මැතිවරණ ප්‍රචාරක කටයුතුවලදී ජනතා විමුක්ති පෙරමුණේ අතීත ක්‍රියාකාරීත්වය විවේචනය කළ යුතු බවට ඩිලාන් පෙරේරා ඇමැතිවරයා කළ යෝජනාවක් ජනාධිපතිවරයා විසින් එකවරම ප්‍රතික්ෂේප කර තිබේ.
පසුගිය බ්‍රහස්පතින්දා අරලියගහ මන්දිරයේදී පැවැති රැස්වීමකදී ඩිලාන් පෙරේරා ඇමැතිවරයා පවසා ඇත්තේ ජනතා විමුක්ති පෙරමුණ විසින් 88-89 අඳුරු යුගයේදී සිදු කළ ඝාතන පිළිබඳ දිගින්-දිගටම කතා කිරීමෙන් ජනතාව තුළ ජවිපෙ පිළිබඳ කලකිරීමක් ඇති කරවිය හැකි බවයි.
මෙහිදී ජනාධිපතිවරයා පවසා ඇත්තේ එහිදී විමල් වීරවංශ ඇමැතිවරයාගේ එදා ක්‍රියාකාරීත්වයටද යම් පහරක් එල්ල වන බවත් එම නිසා එය නොකළ යුත්තක් බවත්ය. මෙහිදී විමල් වීරවංශ ඇමැතිවරයා සිනාසෙමින් පවසා ඇත්තේ 'මමත් බලාගෙන හිටියෙ ඩිලාන් මොකක්ද මේ කියන්න හදන්නේ' යනුවෙනි.