ඒ... කිසිම ළමයෙක්‌ ගුටි කනවා දකින්න එයා කැමැති නැති නිසයි.....
ඇමරිකාවේ ජීවත්වන මයුර සාරංග දිසානායක ගැන අද රටක්‌ ආඩම්බර වන්නේ නන්නාඳුනන වැයික්‌කියකදී අසාධාරණයට එරෙහිව වැඩකිඩ පෙන්වා රටට ද කීර්තියක්‌ ගෙනදුන් ලාංකීය පුත්‍රයකු වීම හේතුවෙනි. සොර මුළක්‌ ඉදිරියෙහි නිර්භීතව සටන් කර තම ස්‌වාමිපුත්‍රයාත් ඔහුගේ මුදල් මල්ලත් බේරාගත් මයුර ගේ නිර්භීත ක්‍රියාව ගැන පසුගියදා ඇමරිකානු මාධ්‍ය ආයතන ඉහළ තැනක්‌ දී කතා කර තිබිණි.
මේ ලාංකික තරුණයා ඇමරිකාවේ හුස්‌ටන් සවුත්වේ ප්‍රදේශයේ පදිංචිව සිටින්නෙකි. මයුර තවමත් විසිහතර හැවිරිදි තරුණයෙකි. ගෑස්‌ පිරවුම්හලකට අනුබද්ධව ඇති සුපර් මාර්කට්‌ වෙළෙඳසලක ගබඩා ලිපිකරුවකු ලෙස සේවය කරන ඔහු ඇමරිකාවට සංක්‍රමණය වී ඇත්තේ මීට වසර දෙකකට ඉහතදීය. පසුගිය දහවැනිදා ද ඔහුට රාජකාරි දිනයකි. එදින ඔහු මුදල් අයකැමි ලෙස වෙළෙඳසැලේ සේවය කර ඇත්තේ වෙළෙඳසැලේ අයිතිකරු බැංකු කටයුත්තකට බැහැරව යැම හේතුවෙනි. අදාළ කටයුත්ත නිමා කළ අයිතිකරු මුදල් මල්ලත් රැගෙන පෙරළා වෙළෙඳසැල වෙත පැමිණ ඇත.
නමුත් ඔවුන් රථයෙන් බසිනවාත් සමඟම ඔවුන් ඉදිරියෙහි නතර කළ සුචි වර්ගයේ රථයකින් බැසගත් පුද්ගලයන් තිදෙනෙක්‌ වෙළෙඳසල් හිමිකරුව බිම පෙරළා පහර දී ඔහුගේ මුදල් මල්ල කොල්ලකෑමට උත්සාහ කර තිබේ. මෙය දකින මයුර ඇසිල්ලකින් සොරුන් වෙත කඩාපනින්නේ සිනමාපටයක සටන් ජවනිකාවක උද්වේගකර දසුනක්‌ විලසිනි. ඔහු එම් ඒ එස්‌ හෙවත් මික්‌ස්‌ මාෂල් ආට්‌ සටන් කලාවෙන් දැත් දෙපා මනස ශක්‌තිමත් කරගත්තෙකි. ස්‌ථානෝචිතව ක්‍රියා කිරීමේ නුවණ ද එඩිතරකම ද ඒ කලාව ඇසුරෙන් මයුර ප්‍රගුණ කර තිබේ. ඔහු ඉදිරියේ දාමරික විලාසයෙන් තම ස්‌වාමියා බිම පෙරළාගෙන සිටින සොරු ඒ බව නොදනිති. මයුර පැමිණි වේගයෙන්ම ස්‌වාමියා ග්‍රහණයට ගෙන සිටින පුද්ගලයාට පහරවල් දෙක තුනකින් සංග්‍රහ කරතිs. එය දරාගත නොහැකිව මයුරටත් වඩා ශරීර කූඩුවෙන් විශාල සුදු ජාතික පුද්ගලයා විසිවී ඇදවැටෙයි. මයුරගේ පහරදීම හමුවේ අනෙක්‌ සොරුන් දෙදෙනා ද අන්දමන්ද වුවන් සේ පසුබසින්නේ විනාඩියක්‌ තරම් සුළු කාලයකිනි. මයුරගේ එඩිතරකම හමුවේ ඒ වන විට වෙළෙඳසැල් හිමියාගේ පුත්‍රයා ද ඔහුගේ සහායට පැමිණෙයි. අවසානයේ සොරුන් තිදෙනා මයුර ඉදිරියේ කොතරම් පරාජය වීද යත් තමන් සමඟ එකට සොරකමේ පැමිණි එක්‌ පුද්ගලයකු හැර දමා අනෙක්‌ දෙදෙනා පලායති.
හැරදමා ගිය පුද්ගලයා මේ වන විට සිටින්නේ පොලිස්‌ කූඩුවේය. පහරදීම නිසා අඩපණව අසරණ වූ ඔහු අල්ලා පොලිසියට බාරදී ඇත්තේ ද මයුරය. මයුර කර ඇති හපන්කමේ තරම පෙනෙන්නෙ දැන් පොලිස්‌ බාරයේ සිටින සොරාගේ වත ගොත ඇමරිකානු පොලිසිය ප්‍රසිද්ධ කිරීමෙන් පසුවය. තිස්‌තුන් හැවිරිදි ඔඩෙල් මැතිස්‌ නම් ඔහු මෙවැනි සොරකම් සම්බන්ධව නම් දරා සිටින පොලිසියට අවශ්‍යව සිටි දාමරිකයෙකි.
මේ නිසා ඇමරිකානු මාධ්‍යයට ද මයුර සැබෑම වීර චරිතයක්‌ විය. මේ සිද්ධිය සැණකින් ඔවුහු ලොව පුරා ප්‍රචාරය කළහ. එහෙත් රටට ද ආඩම්බරයක්‌ වන මේ තරුණයා හැදූ දෙමාපියන් මේ සිද්ධිය ගැන දැනගන්නේ ෙµaස්‌බුක්‌ සමාජ වෙබ් අඩවිය මගිනි. ඒ ගැන මෙන්ම ඔවුන් මයුරගේ ජීවිතයේ වටපිටාව හා සබැඳි තොරතුරු ගැන කී කතාවද හරි අපූරුය.
'මේ සිද්ධිය දැනගත්ත ගමන් මට ටිකක්‌ බය හිතුණා. මම දන්නවා එයා කොහේ ගියත් බේරිලා ඉන්න දන්නවා කියලා. ඒත් ඊට පස්‌සෙ වෙන දේ ගැන පියෙක්‌ ලෙස මට බයක්‌ දැනුණා. ඒ නිසා මම පුතා එක්‌ක කතා කළා. පස්‌සෙ මට තේරුණා එයා කරල තියෙන්නෙ කරන්න ඕන හරි දේ කියලා' ඔහුගේ පියාගේ කතාවයි.
"පුංචි කාලේ ඉඳලම එයා එහෙම තමයි. මට පුත්තු තුන්දෙනෙක්‌ ඉන්නවා. මයුර තමයි දෙවැනියා. මයුර මාෂල් ආට්‌ ක්‍රීඩාවට යොමුවෙන්නෙ එයාගේ අයියා රසික ප්‍රියංග නිසා. රසිකට රික්‌ස්‌ මාෂල් ආර්ට්‌වලින් දකුණු ආසියානු රන් පදක්‌කමක්‌ තියෙනවා. බාල පුතා චතුරංග දිලංග. එයා බොඩිබිල්ඩින්වලින් ජාතික ශූරයෙක්‌. එයා දැන් ඉන්නෙ ඩුබායිවල. මයුරයි මගේ ලොකු පුතා රසිකයි ඉන්නේ ඇමරිකාවේ. මේ දෙන්නම ඇමරිකාවෙ ගියෙත් මික්‌ස්‌ මාෂල් ආර්ට්‌ වැඩිදුර ඉගෙනගන්න. ඒ අවස්‌ථාව ලැබෙන්නෙ ඉන්දියාවෙ ටූනමන්ට්‌ එකකට ගිහින් ඉන්නකොට මේ දෙන්නගෙ දක්‍ෂතාව දැකපු ඇමරිකානු ජාතික පුහුණුකරුවෙක්‌ නිසා. ඔහු තමයි ඇමරිකාවේ ක්‍රීඩා සමාජයකට මේ දෙන්නට ආරාධනා කරලා ඒ රටට එක්‌ක ගියේ. ඒ වෙනකල් පුතාලා දෙන්නම මේ ක්‍රීඩාව ඉගෙන ගත්තෙ ප්‍රසන්න ජයවීරගෙන්. තාත්ත කෙනෙක්‌ විදියට මට අද ලොකු ආඩම්බරයක්‌ දැනෙනවා."
මේ වගේ හොඳ දරුවන් හදන්න පුළුවන් වුණු එක ගැන එයාලගෙ අම්මා ප්‍රියන්තිත් මේ දරුවෝ ගැන සතුටු වෙනවා. ඒක තමයි දරුවන්ට දෙමාපියන්ට දෙන්න පුළුවන් ලොකුම තෑග්ග. පුතා ඉගෙන ගත්ත දෙමටගොඩ වේළුවන හා ඩී. එස්‌. විද්‍යාලයටත් අද ආඩම්බර වෙන්න පුළුවන්. හැබැයි කවුරුත් නොදන්න දෙයක්‌ කියන්නම්. මයුරගෙ අම්මා කවදාවත් පුතා ඉන්න මීට්‌ එකක්‌ බලන්න ගිහින් නෑ. ඒ තරගෙදිවත් කිසිම දරුවෙක්‌ ගුටි කනවා එයාට බලන්න බැරි නිසා.
එසේ කීවේ මයුරගේ පියා වන උපාලි දිසානායකය. අද ඔහු ජීවිතයේ සැඳෑ සමය ගෙවන්නෙ දැයට රත්තරං වටිනා පුතුන් තිදෙනකු දායාද කළ වාසනාවන්ත පියකු ලෙසය.
මයුරට මේ සිද්ධියත් සමඟ දැන් ඇමරිකාවේ විශාල ප්‍රසිද්ධියක්‌ ලැබී ඇත. මේ නිසා විවිධ ක්‍රීඩා සමාජවලට ආරාධනා කරමින් ලැබෙන දුරකථන ඇමතුම්වලින් ඔහුට මේ දිනවල අඩුවක්‌ නැත.
* තිස්‌ස ගුණතිලක
ඡායාරූප - පින්සිරි ආරියරත්න
.jpg)
.jpg)
0 comments:
Post a Comment