ඊයේ (28 වැනිදා) පෙරවරු 8.50 ට පමණ මෙම සිදුවීම වාර්තා වූ අතර කොල්ලකරුවන්ට ව්‍යාපාරිකයා සතුව තිබූ මුදල් කොල්ල කෑමට හැකිවී නැත. ව්‍යාපාරිකයාගේ බිරිඳ කොල්ලකරුවන් සමග පොර බදා රුපියල් ලක්‍ෂ දෙකහමාරක මුදල් සහිත පාර්සලය බේරාගෙන ඇත.
මෙම ප්‍රහාරයෙන් මියගොස්‌ ඇත්තේ ජා-ඇල පදිංචිකරුවකු වන 72 හැවිරිදි අයිලෙක්‌ස්‌ පෙරේරා මහතාය. මෙම අවස්‌ථාවේ කොල්ලකරුවන්ගෙන් මුදල් බේරාගත් ව්‍යාපාරිකයාගේ බිරිඳ වන එලිසබත් පෙරේරා මහත්මියට වාසනාවකට මෙන් කිසිදු අනතුරක්‌ සිදුවී නැත.
ව්‍යාපාරයක්‌ පවත්වාගෙන යන අයිලෙක්‌ස්‌ පෙරේරා මහතා ඊයේ පෙරවරුවේ ජාඇල පිහිටි බැංකුවක මුදල් තැන්පත් කිරීමට ගොස්‌ ඇත්තේ සිය බිරිඳ සමග ඔවුන්ගේ කුඩා යතුරුපැදියෙනි.
ජා-ඇල තුඩැල්ල රුක්‌මණී දේවි පිළිරුව ආසන්නයේදී යතුරුපැදි දෙකකින් පන්නාගෙන පැමිණි සන්නද්ධ කොල්ලකරුවන් සිව් දෙනෙකු ව්‍යාපාරිකයා ගමන්ගත් යතුරුපැදියට මග හරස්‌ කර මුදල් කොල්ලකෑමට උත්සාහ කර තිබේ.
ඒ අවස්‌ථාවේ ව්‍යාපාරිකයා කොල්ලකරුවන් දෙදෙනා සමග පොර බදා මුදල් බේරා ගැනීමට උත්සාහ කර ඇත. ව්‍යාපාරිකයාගේ බිරිඳද මේ අවස්‌ථාවේදී මුදල් සහිත බෑගය කොල්ලකරුවන්ගෙන් බේරා ගැනීමට දැඩි උත්සාහය නිරත වී තිබේ.
මුදල් කොල්ලය වැරදී ගිය පසු කොල්ලකරුවන් ව්‍යාපාරිකයාට වෙඩි තබා යතුරුපැදියේ නැගී පලාගොස්‌ ඇත්තේ ඉන් අනතුරුවය.
වෙඩි ප්‍රහාරයට ලක්‌වූ ව්‍යාපාරිකයා රාගම රෝහලට ඇතුළත් කිරීමෙන් පසු මියගොස්‌ තිබේ.
නාවික හමුදාවේ විශ්‍රාමිකයකු වන අයිලෙක්‌ස්‌ පෙරේරා මහතා ජා-ඇල දඬුගම ප්‍රදේශයේ ව්‍යාපාරයක්‌ පවත්වාගෙන ගොස්‌ සිටි අයෙකි. සති අන්ත නිවාඩු දින දෙකේදී එකතුවූ මුදල් බැංකුවේ තැන්පත් කිරීමට රැගෙන යද්දී මෙම අවාසනාවන්ත සිද්ධියට වැඩිහිටි යුවළ මුහුණ දී ඇත.
ව්‍යාපාරිකයා ඝාතනය කර පලා ගිය කොල්ලකරුවන් සෙවීම සඳහා විශේෂ පොලිස්‌ කණ්‌ඩායම් දෙකක්‌ යොදවා ඇති අතර බස්‌නාහිර උතුර භාර නියෝජ්‍ය පොලිස්‌පති එල්. ජී. කුලරත්න මහතාගේ උපදෙස්‌ මත වැඩිදුර පරීක්‍ෂණ පැවැත්වේ.
මෙම සිද්ධිය ඇසින් දුටු ජා-ඇල ඇන්ටනි පෙරේරා මහතා ඒ පිළිබඳව මෙසේ විස්‌තර කළේය.
උදේ 8.30 ට විතර පාරේ බයික්‌ තුනක්‌ ආවා. සිද්ධිය වූ ස්‌ථානයේ ලොකු කලබලයක්‌ වගේ පෙනුණා. මම හිතුවේ ඇක්‌සිඩන්ට්‌ එකක්‌ වෙලා කියලා. බයික්‌ එකේ හිටියේ බීම කොම්පැණි මහත්තයයි එයාගේ නෝනයි. මහත්තයා දෙන්නෙක්‌ එක්‌ක පොර බදනවා මං දැක්‌කා. මුදල් බෑග් එක තිබුණේ නෝන ළඟ. ඒ අයට ඒක ගන්න බැරුව ගියා.
ඒත් එක්‌කම වෙඩි තුන හතරක්‌ තිබ්බා. මහත්තයා ලේ පෙරාගෙන දඟලනවා දැක්‌කා. බයික්‌ දෙකේ ආව අය ජා-ඇල ටවුන් එක පැත්තට වේගයෙන් ගියා යෑයිද ඇන්ටනි පෙරේරා මහතා කීවේය.
.jpg)
.jpg)
0 comments:
Post a Comment