එකට මැරෙන්නට ගොස් දුම්රිය දැක තරුණිය දුවයි

දුම්රියකට පැන මියයන්නට තැත්කල අහංගම ප්‍රදේශයේ යුවලකගේ ජීවිතය අනූනවයෙන් බේරුණු පුවතක් වාර්තා වේ. මෙසේ ඔවුන් බේරී ඇත්තේ එම අවස්ථාවේදී කාන්තාව දුම්රිය මගෙන් ඉවත්වීම නිසාය.

එක්දරු මවක හා තිදරු පියෙකු වන මොවුන් දෙදෙනා කලක පටන් අනියම් සම්බන්ධතාවයක් පවත්වාගෙන ගොස් ඇති අතර ඔවුන්ගේ නිවෙස් වලින් හා සමාජයෙන්‍ දෙදෙනාට එක්වන්නට, එකම වහලක් යටට එන්නට නොහැකි වීම හේතුකොට ගෙන මේ ආකාරයෙන් දිවිනසාගන්නට තීරණය කොට ඇත.

ඒ අනුව උදෑසනම අහංගම දුම්රිය ස්ථානයට ගොස් ඇති මේ යුවල එහි හඬමින් වැළපෙමින් සිට ඇති අතර ගාලු කුමාරී දුම්රිය එනු දැක එයට පනින්නට සිතාගෙන දෙදෙනාම රේල් පාර වෙත දිවගොස් ඇත.

කෙසේ නමුත් දුම්රිය ඔවුන් අසලටම එනතෙක් එකට දෑත් අල්ලාගෙන සිටියත් ක්ෂණිකව ඇති වූ ජීවිතය පිළිබඳවු ආශාව නිසා අදලා තරුණිය රේල් පාරෙන් ඉවතට පැන ඇත. කෙසේ නමුත් තරුණයා දුම්රිය මගේ මැද දිගා වී ඇති අතර එම නිසා ඔහුට කිසිදු හානියක්ද වී නොමැත.

දුම්රියේ රියදුරුද මෙම සිදුවීම දැක ඇති නමුත් ඔහුට එම අවස්ථාවේදී දුම්රිය නතර කරගැනීමට හැකියාවක් ලැබී නැති අතර තරුණයා පසුකර යාමෙන් පසු දුම්රිය නවතා ඇත.

කෙසේ නමුත් දුම්රියේ සිටි පුද්ගලයන් හා ප්‍රදේශවාසීන්ද දිවගොස් ඇත්තේ තරුණයාගේ ජීවිතය පිළිබඳ බලාපොරොත්තු අත්හැරගනිමිනි. සියලු දෙනාම විශ්මයට පත්කරමින් තරුණයා රේල් පාර මැදින් නැගිට ඇති අතර ඔහුට සුලු සීරීම් තුවාල පමණක් සිදුව ඇත. ඔහු දුම්රිය මගේ හරි මැද බිම දිගා වී සිටිය නිසාවෙන් ජීවිතය බේරී ඇත.

කෙසේ නමුත් ජීවිතය පිළිබඳ ආශාවෙන් දුම්රිය එනු දැක පැණගිය කාන්තාවද පසෙකට වී හඩමින් සිට ඇති අතර කෝප වූ පිරිසක් තරුණයාට පහරදීමට ගොස් ඇත. අසල ස්ථානයේ සිටි අයගේ බැණුම් හා අවවාද කිරීම් මැද දෙදෙනාම රේල් පාරෙන් පිටව ගොස් ඇත.

සාජන්ට් ගැහුවේ මොල් අමාරුව තදවෙලා...........රත්නපුරේ ගුටි කෑ ස්ත්‍රීය ඇත්තම කියයි

තමාට පොලිස් සැරයන්වරයා විසින් අමානුෂික ලෙස පහරදෙනු ලැබුවේ ඔහුත් සමග යහන්ගතවීමට නොගිය නිසා බව රත්නපුර නගරයේදී පහරකෑමට ලක්වූ ස්ත්‍රීය පවසයි.

රත්නපුර,කනාදොළ ප්‍රදේශයේ පදිංචි ඇය කියා සිටියේ දින කිහිපයකට ඉහතදී මෙම පොලිස් නිලධාරියා තමාට අයුතු ලෙස අනවශ්‍ය තැනකට යාමට යෝජනා කළ නමුත් තමන් විසින් එකී යෝජනාව ප්‍රතික්ෂේප කළ බවයි.

අසරණකමට දරුවන්ට කෑම බීම ලබාදීම සඳහා තමන් යම් මුදලක් සොයාගැනීමට පිරිමින් සමග ගියද තමන් පිළිබඳ වැරදි ලෙස නොසිතන ලෙස ඒ මොහොතේ පොලිස් නිලධාරියාගෙන් ඉල්ලා සිටි බවද ඇය කියා සිටියි.

එහෙත් ඊට දින කිහිපයකට පසුව දෙවෙනි හා තුන්වෙනි වරටද තමන්ට එම පොලිස් නිලධාරියා අයුතු යෝජනා කළද තමන් දැඩි සේ ප්‍රතික්ෂේප කළ බැවින් තමන් සමග වෛර බැඳගෙන සිටි බව ඇය අවධාරණය කළාය.

ඒ නිසාම ගංගා නම් තවත් කාන්තාවකට කතා කොට තමන් සමග ගැටුමක් ඇති කරගන්නා ලෙස එම පොලිස් නිලධාරියා උපදෙස් දී තිබුණු බැවින් එකී ගංගා තමන් සමග රණ්ඩුවකට පැටළුණු බවත්, ඒ ගැටුම යන අතරවාරයේ ඇය විසින් පොලිස් නිලධාරියාට කතා කොට තමාට පහරදෙන ලෙස ඉල්ලා සිටි බවත් මෙම ස්ත්‍රීය පවසයි.

ඒ අනුව වහා එතනට පැමිණි පොලිස් නිලධාරියා තමාට අසභ්‍ය වචනයෙන් බැණවැදී වයරයකින් පහරදුන් බවත්, අනතුරුව බිම දමාගෙන පයින් පහරදුන් බවත් ඇය කියා සිටියි.

අවසානයේ තමන් එම පහරදීම පිළිබඳ පැමිණිල්ලක් කිරීමට පොලීසියට ගියද ඒ මොහොතේ මූලස්ථාන පොලිස් පරීක්ෂකවරයා නොසිටි බැවින් තමන් ආපසු හැරී පැමිණි බවත්, ඉන් පසු ඒ පිළිබඳ වැඩිදුර ක්‍රියා මාර්ගයක් ගැනීමට තමන් කල්පනා නොකළ බවත් ඇය අද දෙරණට සඳහන් කළාය.

මෙම පහරදීම සිදුවූයේ රත්නපුර බස්නැවතුමේ කෝප් සිටි ඉදිරිපිට බවත්, මේවන විට සිද්ධියට දින 8ක් පමණ ගතවී ඇති බවත් පහරකෑමට ලක්වුණු ස්ත්‍රීයගේ සැමියා පවසයි.

තම බිරිඳ වැඩිපුර ගැවසෙන්නේ බස්නැවතුම ආශ්‍රිතව බවත්, එදිනද තමන් සමග නගරයට ගොස් තමන් කල්වේලා ඇතිව තමන් පැමිණිය නමුත් ඇය බස් නැවතුම්පළේ නැවතුණු බවත් ඔහු සිහිපත් කරයි.

කෙසේ නමුත් මෙම පහරදීමෙන් පසු ඇයගේ පපු පෙදෙස රිදෙන බව නිතර කියා සිටින බවත්,විටෙන් විට වමනය යන බවත්, ඒ අවස්ථාවේදී වමනය සමග ලේ පිටවන බවත් සැමියා සඳහන් කළේය.

ඒ නිසාම ඇය මේවන විට සිටින්නේ වේදනාවෙන් වුවත්, පහරදෙනු ලැබුවේ පොලිසියේ මහත්තයෙක් නිසා ලජ්ජාවටත්, බියටත් ප්‍රතිකාර ලබා ගැනීම සඳහා රෝහල්ගතවීමට කල්පනා නොකරන බවත් ඔහු වැඩිදුරටත් කියා සිටියේය.

රත්නපුර නගරයේදී පොලිස් නිලධාරියෙකු විසින් ස්ත්‍රීයකට පහරදෙන දර්ශනයක් ඇතුළත් වීඩියෝ දර්ශනය මාධ්‍ය මගින් ප්‍රචාරය වීමෙන් පසුව රත්නපුර සහකාර පොලිස් අධිකාරීවරයා විසින් ඒ පිළිබඳ කරන ලද පරීක්ෂණයකට අනුව මේවන විට අදාළ පොලිස් සැරයන්වරයා හඳුනාගෙන වැඩතහනමට ලක්කර ඇති බව පොලිස් මාධ්‍ය ප්‍රකාශක,ජ්‍යෙෂ්ඨ පොලිස් අධිකාරී අජිත් රෝහණ මහතා පවසයි.

සිද්ධිය සම්බන්ධයෙන් තව දුරටත් පොලිස් පරීක්ෂණ සිදුකෙරෙන බවත්, අදාළ කාන්තාව මේවන විට ප්‍රදේශයේ නොමැති නිසා ඇය සොයා විශේෂ පොලිස් කණ්ඩායමක් යොදවා ඇති බවත්, ඇය සොයා ගැනීමෙන් පසු ඇයගෙන් සාක්ෂි ලබා ගැනීමට අපේක්ෂා කරන බවත් පොලිස් මාධ්‍ය ප්‍රකාශකවරයා කියා සිටියේය.

සිද්ධිය ඇසින් දුටුවන්ගේ සාක්ෂි මේවන ලබාගනිමින් සිටින බවත්, සිද්ධිය සම්බන්ධයෙන් පරීක්ෂණ පැවැත්වීමෙන් පසු විනය ක්‍රියාමාර්ග ගැනීමට අමතරව අදාළ පොලිස් නිලධාරියාට අපරාධයක් සිදුකර ඇත්නම් අපරාධ නීතිය අනුවද අධිකරණ ක්‍රියාමාර්ග ගැනීමට කිසිසේත්ම පසුබට නොවන බව අජිත් රෝහණ මහතා වැඩිදුරටත් සඳහන් කළේය.

adaderana -

ශ්‍රී ලංකාව පාකිස්තාන් සරණාගතයන් පිටුවහල් කිරීම අධිකරණයට මැදිහත් වීමට හැකියාවක් නොමැත

දේශපාලන රැකවරණ පතා ශ්‍රී ලංකාවට පැමිණ සිටින පාකිස්තාන් ජාතිකයන් පිටුවහල් කිරීම රජයේ ප්‍රතිපත්තිමය තීරණයක් බැවින් ඊට මැදිහත් වීමට අධිකරණයට හැකියාවක් නොමැති බව ශ්‍රේෂ්ඨාධිකරණය ප්‍රකාශ කළේය.
ඉහත කී පාකිස්තාන් ජාතිකයන් පිටුවහල් කිරීම තහනම් කරන මෙන් ඉල්ලා නිමල්කා ප්‍රනාන්දු ඇතුළු මානව හිමිකම් ක්‍රියාකාරීන් පිරිසක් ඉදිරිපත් කළ පෙත්සමක් ප්‍රතික්ෂේප කරමින් ශ්‍රේෂ්ඨාධිකරණය මේ බව ප්‍රකාශ කර සිටියේය.
පෙත්සම්කාර පාර්ශවය අධිකරණය හමුවේ කියා සිටියේ මෙම සරණාගතයන් පාකිස්තානයට පිටුවහල් කිරීම මගින් ඔවුන්ගේ ජීවිත වලට තර්ජන එල්ල විය හැකි බවයි.
එම අවස්ථාවේ රජයේ නීතිඥයා ඉදිරිපත් කළ කරුණු සලකා බැලූ අධිකරණය පෙත්සම ප්‍රතික්ෂේප කිරීමට තීන්දු කළ බව පෙත්සම්කාර පාර්ශවයේ නීතිඥ ලක්ෂාන් ඩයස් කියා සිටියේය.
ඉල්ලීමක්
‘දේශපාලන සරණාගතයින් පිළිබඳ අපේ රටේ පැහැදිලි නීති රාමුවක් නැහැ. පූර්වාදර්ශ ලබා ගත හැකි නඩු තීන්දු පවා අපේ රටේ අධිකරණ වලින් ප්‍රකාශයටපත් වී නැහැ. ඉතින් මෙවැනි ඉල්ලීමක් අධිකරණය හමුවේ තහවුරු කිරීම පහසුයි.කෙසේ වෙතත් අපි ඉල්ලීමක් කළා මෙම පුද්ගලයින්ට වෙනත් රටක දේශපාලන රැකවරණ ලැබෙන තුරු ඔවුන් පිටුවහල් නොකර මෙරට රැඳවුම් කඳවුරක හෝ රඳවා තබන ලෙස’ යනුවෙන් නීතිඥ ලක්ෂාන් ඩයස් පැවසුවේය.

නමුත් එම ඉල්ලීමට විරෝධය පල කළ රජයේ නීතිඥයා ශ්‍රී ලංකාව එක්සත් ජාතීන්ගේ සරණාගතයින් පිළිබඳ ප්‍රඥප්තියට අත්සන් කර නොමැති නිසා දේශපාලන රැකවරණ පතන පුද්ගලයන් සම්බන්ධයෙන් කටයුතු කිරීමට ශ්‍රී ලංකා රජය බැඳී නොමැති බව කියා සිටියේය.
එම පාකිස්තානු ජාතිකයන් වලංගු වීසා බලපත්‍ර නොමැතිව ශ්‍රී ලංකාවේ රැඳී සිටින බැවින් ඔවුන් අත් අඩංගුවට ගෙන පිටුවහල් කිරීමට රජයට හැකියාවක් පවතින බවයි රජයේ නීතිවේදියා වැඩි දුරටත් පැවසුවේ.
පාකිස්තාන් ජාතිකයන් පිටුවහල් කිරීම තහනම් කරන මෙන් ඉල්ලා අභියාචනාධිකරණය හමුවේ ගොනු කළ තවත් පෙත්සමක් පසු ගියදා ප්‍රතික්ෂේප විය.
දේශපාලන රැකවරණ පතා පාකිස්තාන් සහ ඇෆ්ගනිස්තාන් ජාතිකයන් දෙදහසක් පමණ ශ්‍රී ලංකාව තුළ රැඳී සිටින බව නඩු විභාගයේදී අනාවරණය වී තිබේ.

ඇමති ජනක බණ්ඩාරයි පුතයි දෙන්නම හොරු

ඇමති ජනක බණ්ඩාර තෙන්නකෝන් සහ ඔහුගේ පුත් මධ්‍යම පළාත් ඇමති ප්‍රමිත බණ්ඩාර තෙන්නකෝන් මහතා එක්සත් ජාතික පක්‍ෂ රජයක් යටතේ අනිවර්යෙන්ම සිර භාරයට ගන්නා බව මධ්‍යම පළාත් සභාවේ විපක්ෂ නායක රංජිත් අලුවිහාරේ මහතා පවසයි.

ඔවුන් දෙදෙනා තමන් සොරකම් කර ඇතැයි චෝදනා කරන බව පවසන අලූවිහාරේ මහතා දැනට පවතින රජයෙන් හැකිනම් තමා අත් අඩංගුවට ගන්නැයිද අභියෝග කරයි.

සිසුවියන් හත්දෙනෙක්‌ අපයෝජනය කළ ෆේස්‌ බුක්‌ අනංගයා

මුහුණ පොත නොහොත් ෆේස්‌බුක්‌ යනු හොඳ හා නරක එකට කැටිවූ පොතක්‌ බඳු දෙයකි. එය මිනිසුන් අතර කොතරම් ජනප්‍රිය වූවාද කිවහොත් වර්තමානයේදී වයස්‌ භේදයකින් තොරව ලොකු කුඩා බොහෝ දෙනකු ෆේස්‌බුක්‌ වෙබ් අඩවිය භාවිත කරති. එම නිසා ෆේස්‌බුක්‌ වෙබ් අඩවිය උගතුන්ගේ මෙන්ම නූගතුන්ගේ ද පාරාදීසයක්‌ බවට පත්වී හමාරය. එම තත්ත්වය උඩ ෆේස්‌බුක්‌ හරහා සිදුවන අපරාධ සංඛ්‍යාවද වැඩිවෙමින් පවතී. පසුගිය දිනකද අපට අසන්නට ලැබුණේ එවැනිම පුවතකි. එනම් ෆේස්‌බුක්‌ සමාජ වෙබ් අඩවිය හරහා පාසල් සිසුවියන් රවටා ඔවුන් ලැගුම්හල් වෙත රැගෙන ගොස්‌ අතවර කොට නිරුවත් ඡායාරූප ලබාගන්නා තරුණයකු පිළිබඳවයි. සිද්ධිය සැකවින් මෙසේය.

ඔස්‌ටේ්‍රලියාවේ අධ්‍යාපනය හදාරමින් සිටි තරුණියක පසුගිය මාසයේ ලංකාවට පැමිණියේ ඇයගේ විවාහ උත්සවයට සූදානම් වීම සඳහාය. ලංකාවට පැමිණ දින කිහිපයකට පසු ඇයගේ ෆේස්‌බුක්‌ ගිණුමට කෙටි පණිවිඩ (එස්‌.එම්.එස්‌) කිහිපයක්‌ එවා තිබුණි. එයින් කියා තිබුණේ කප්පම් මුදල් හා තමන් ඉල්ලන දේවල් ලබා නොදුන්නොත් ඇයගේ නිරුවත් ඡායාරූප අන්තර්ජාලයට මුදාහරින බවයි.

මෙම කෙටි පණිවුඩ දැකීමෙන් ඇය අන්දමන්ද වූවාය. සිදුවන්නට යන්නේ කුමක්‌ද කියා ඇයට සිතා ගැනීමට බැරි වූවාය. මෙවැනි කෙටි පණිවුඩ එවන්නේ කවුරුන්දැයි සිතා ගැනීමට බැරිව ඇය දැඩි ලෙස බියටත් කම්පාවටත් පත්වූවාය. මෙම සිද්ධිය සම්බන්ධයෙන් එක්‌වරම කරන්නේ කුමක්‌ද කියා ඇයට සිතා ගැනීමට පවා නොහැකි වූවාය. පසුව ඇය මෙම සිද්ධිය තම දෙමාපියන්ට පැවසුවාය. ඉන්පසු ඔවුන් කළේ මේ සිද්ධිය සම්බන්ධයෙන් අපරාධ පරීක්‍ෂණ දෙපාර්තමේන්තුවට පැමිණිලි කිරීමයි.

ඉන්පසු අපරාධ පරීක්‍ෂණ දෙපාර්තමේන්තුවේ නිලධාරීන් මෙම සිදුවීම සම්බන්ධයෙන් පරීක්‍ෂණ ආරම්භ කළේය. එහිදී ඔවුන් එම තරුණියට කෙටි පණිවුඩ එවූ ෆේස්‌බුක්‌ ගිණුම හිමි අය සමග ෆේස්‌බුක්‌ හරහා උපක්‍රමශීලීව යහළු විය. ඒ අනුව පොලිස්‌ උපාය දූතයන්ට මොහුගේ දුරකථන අංකයද ඉක්‌මණින්ම ලබා ගැනීමට හැකි විය.

ඉන් පසු මොහුට සැක නොසිතෙන අයුරින් කාන්තා පොලිස්‌ නිලධාරිනියක්‌ නිතරම ජංගම දුරකථනයෙන් මෙම තරුණයා සමග තොරතුරු හුවමාරු කරගත්තේය. අවසානයේ ඔවුන් දෙදෙනා හමුවීමට දිනයක්‌ සහ ස්‌ථානයක්‌ යොදා ගත්තේය. ඒ අනුව සැකකරු අදාළ ස්‌ථානයට පැමිණි පසු අපරාධ පරීක්‍ෂණ දෙපාර්තමේන්තුවේ නිලධාරීන් ඔහුව අත්අඩංගුවට ගෙන ප්‍රශ්න කළේය.

එහිදී අනාවරණය වූයේ මෙම සැකකරු කලක සිට ෆේස්‌බුක්‌ සමාජ වෙබ් අඩවිය හරහා පාසල් සිසුවියන් රවටා අතවර කර නිරුවත් ඡායාරූප ලබාගෙන ඇති බවයි.

සැකකාර තරුණයා පානදුර ප්‍රදේශයේ පදිංචි 22 හැවිරිදි තරුණයෙකි. මොහු අධ්‍යාපනය හදාරා ඇත්තේ අ.පො.ස. සාමාන්‍ය පෙළ දක්‌වා පමණි. පවුලේ එකම පිරිමි ළමයා වන්නේද මොහුය.

සැකකාර තරුණයාට ඔහුගේ පියා වයස අවුරුදු 17 දී රුපියල් 60,000 ක්‌ පමණ වටිනා ජංගම දුරකථනයක්‌ ලබාදී තිබේ. ඉන්පසු මෙම සැකකරු ලැප්ටොප් පරිගණකයක්‌ ඉල්ලූ පසු ඉඩමක්‌ විකුණා ලබාගත් මුදලින් කොටසක්‌ වියදම් කර සැකකරුගේ පියා වටිනා ලැප්ටොප් පරිගණකයක්‌ද මිලදී ගෙන දී තිබේ.

ඉන්පසු සැකකරු දවසේ වැඩිපුරම කාලයක්‌ වෙන්කර ඇත්තේ අන්තර්ජාලයේ සැරිසැරීමටයි. ඒ අනුව මොහු ෆේස්‌බුක්‌ සමාජ වෙබ් අඩවිය හරහා පාසල් සිසුවියන් රවටා ඔවුන් සමග යහළුවී තිබේ. පසුව මෙම සැකකරු එම පාසල් ශිෂ්‍යාවන්ව ලැගුම්හල් වෙත රැගෙන ගොස්‌ ඔවුන් සමග ලිංගිකව සම්බන්ධකම් පවත්වා ඒවා ඡායාරූප ගතකොට තිබේ. ඇතැම් පාසල් සිසුවියන්ගේ නිල ඇඳුම් පිටින්ම ඔහු ඡායාරූප ලබාගෙන තිබේ.

සැකකරු ළඟ තිබූ දත්ත රඳවනයේ (පෙන් ඩ්‍රයිව්) කොළඹ ප්‍රධාන පෙළේ බාලිකා පාසල් කිහිපයක ශිෂ්‍යාවන් හත් දෙනකුගේ නිරුවත් පිංතූර හා අසභ්‍ය දර්ශන තිබී ඇත. මොහු මෙලෙස මේවා ළඟ තබාගෙන ඇත්තේ එම සිසුවියන්ව නැවත බියගන්වා තමන්ට අවශ්‍ය දේවල් ඔවුන්ගෙන් ලබා ගැනීම සඳහායි.

මෙම සැකකරු එම සිසුවියන්ගේ නිරුවත් ඡායාරූප ගත්තේ හොර රහසේද යන්න පිළිබඳව සොයා බැලීමටද අපරාධ පරීක්‍ෂණ දෙපාර්තමේන්තුව පරීක්‍ෂණ සිදුකරයි. එම ඡායාරූපවල පෙනී සිටින සිසුවියන්ගේ නිල ඇඳුම්වලින් ඔවුන් හඳුනා ගැනීමටද කටයුතු කරන බව පොලිසිය පවසයි.

අධිකරණය වෙත සැකකාර තරුණයාව ඉදිරිපත් කළ අවස්‌ථාවේ මහෙස්‌ත්‍රාත්වරයා ප්‍රකාශ කර ඇත්තේ මෙම සිද්ධිය සුළුවෙන් තැකිය හැකි සිද්ධියක්‌ නොවන බවටයි. ඒ අනුව මේ පිළිබඳව පුළුල් පරීක්‍ෂණයක්‌ පවත්වන ලෙසත් ඔහු එම පොලිස්‌ නිලධාරීන්ට නියෝග කර තිබේ. සැකකාර තරුණයාව ලබන 29 වැනිදා දක්‌වා රක්‍ෂිත බන්ධනාගාර ගත කරන ලෙසටද මහෙස්‌ත්‍රාත්වරයා නියෝග කළේය.

ෆේස්‌බුක්‌ සමාජ වෙබ් අඩවිය භාවිත කරන තරුණ තරුණියන් සම්බන්ධයෙන් මාපියන් විශේෂ සැලකිල්ලක්‌ දැක්‌විය යුතුය. ඒ වගේම මුහුණු පොතින් හඳුනා ගන්නා නාඳුනන පුද්ගලයන්ටද තොරතුරු දීමේදී ප්‍රවේශම් විය යුතුය. මිතුරු වෙසින් වංචනිකයන්, අපරාධකාරයන්, කාම අපරාධකරුවන් සිටිය හැකියි. ඒ නිසා ඔවුන්ගෙන් ප්‍රවේශම්වීමට අප වගබලා ගත යුතුයි.

ගයාන් සමරසිංහ

විරතු හිමියන් වැඩම කළ බොදුබල සේනාවේ මහා සඟ සමුළුව (ඡායාරූප)

බොදු බල සේනා සංවිධානයේ ‘‘දැය නඟන මඟ” මහ සඟ සමුළුව අද සවස සුගතදාස ගෘහස්ථ ක්‍රීඩාංගණයේදී ආරම්භ විය.
දුටුගැමුණු රජුගේ සිට ඉංග්‍රීසි ආක්‍රමණ දක්වා රට බේරාගත් විරුවන් සහ වර්තමානයේ කොටි ත්‍රස්තවාදීන්ගෙන් රට මුදාගත් රණවිරුවන් සිහිපත් කරමින් විනාඩියක නිශ්ශබ්දතාවයක් රැකීමද මෙහිදී සිදුවිය.
මියන්මාරයේ සිට පැමිණි අශින් විරතු හිමිගේ ප්‍රධාන ආරාධිතයා ලෙස උත්සවය ඇමතූහ. අන්තවාදීන්ගේ තර්ජන මැද තමන්ට ශ්‍රී ලංකාවට වැඩම කිරීමට අවස්ථාව සලසා දුන් ජනාධිපති මහින්ද රාජපක්ෂ මහතාට ස්තූතිවන්ත වන බවත් බොදු බල සේනා සංවිධානයේ සමුළුවට තමන්වහන්සේට සහභාගීවීමට ලැබීම ගෞරවයක් බවත් කියා සිටියහ.
බොදු බල සේනා සංවිධානයේ කලා ශිල්පීන්ගේ කලා අංගද මෙම එක්කොට තිබූණි. විරතු හිමියන් ඇතුළු දෙස් විදෙස් ගිහි පැවිදි විශාල පිරිසක් මීට එක්ව සිටියහ. හින්දු බැතිමතුන්ගේ නියෝජනයද මෙම අවස්ථාවට එක්ව තිබීම විශේෂත්වයක් විය.

රත්නපුරේ කාන්තාවට බිම දමා පහර දුන් කොච්චි පැටියා හඳුනා ගැනේ........මාධ්‍ය ප්‍රකාශක මරු කතාවක් කියයි

රත්නපුර ප්‍රධාන බස් නැවතුම්පළ ඉදිරිපිටදී කාන්තාවකට බිම දමාගෙන පහර දුන් පොලිස් නිලධාරියා සීමාව ඉක්මවා බලය පාවිච්චි කර තිබේ නම් ඔහුට විරුද්ධව කටයුතු කරන බව පොලිස් මාධ්‍ය ප්‍රකාශක අජිත් රෝහණ පැවසුවේය.
සමාජ වෙබ් අඩවි තුළ පළ වී ඇති මෙම වීඩියෝ පටයේ සටහන්ව ඇත්තේ සම්පුර්ණ සිදුවීමෙන් අඩක් පමණක් බවයි පොලිස් මාධ්‍ය ප්‍රකාශකවරයා සංදේශයට කියා සිටියේ.
පරුෂ වචන
පහර කෑ කාන්තාව තවත් කාන්තාවක් සමග පරුෂ වචන කියමින් ගුටිබැට හුවමාරු කර ගනිමින් සිටියදී පහර දීම සිදු කළ පොලිස් නිලධාරියා එම ස්ථානයට පැමිණ ඇති බව ජ්‍යෙෂ්ඨ පොලිස් අධිකාරී මාධ්‍ය ප්‍රකාශක අජිත් රෝහණ සංදේශයට කියා සිටියේය.
පහර කෑ කාන්තාව හඳුනා ගැනීමටත් පහර දීම සිදු වූ අවස්ථාවේ ඒ අසල සිටි පුද්ගලයන්ගෙන් සාක්ෂි සටහන් කිරීමටත් බලාපොරොත්තු වන බව ඔහු වැඩි දුරටත් පැවසුවේය.
පහර දීම සිදු කරන පොලිස් නිලධාරියා හඳුනා ගෙන ඇති අතර අහිංසක නිරායුධ කාන්තාවකට මේ ආකාරයෙන් පහර දුන්නේ නම් එය පොලිස් දෙපාර්තමේන්තුව කිසිසේත් අනුමත නොකරන බවයි පොලිස් මාධ්‍ය ප්‍රකාශකවරයා කියා සිටියේ.

ක්‍රිකට් පොඩ්ඩන්ට එරෙහිව 'කුමන්ත්‍රණයක්'

ලෝක කුසලානය අත ළඟ තිබියදී ජගත් ක්‍රිකට් කවුන්සිලය පන්දු යවන්නන්ගේ ඉරියව් සම්බන්ධයෙන් මෑතකදී ගනු ලැබූ ක්‍රියාමාර්ග පිළිබඳ සැකයක් මතු වන බව ශ්‍රී ලංකා ක්‍රිකට් කණ්ඩායමේ හිටපු නායක පාර්ලිමේන්තු මන්ත්‍රී අර්ජුන රණතුංග පැවසුවේය.
‘මේ ක්‍රීඩකයෝ අද ඊයේ ක්‍රීඩා කරපු අය නෙමෙයි. සචිත්‍ර සේනානායක අවුරුදු පහක හයක ඉඳන් ක්‍රීඩා කරනවා. අජ්මාල් වගේ ක්‍රීඩකයෝ අවුරුදු දහයක් පමණ ක්‍රීඩා කරනවා. ඇයි මේ ලෝක කුසලාන තරගාවලියකට ඉස්සෙල්ලා පන්දු යැවීම ගැන කතා කරනවා, පන්දු යැවීම තහනම් කරනවා’ යනුවෙන් හිටපු ක්‍රිකට් කණ්ඩායමේ නායකයා කියා සිටියේය.
දීර්ඝ කාලයක සිට ලෝක කුසලානය ඉලක්ක කර පුහුණු කරවන මෙවැනි ක්‍රීඩකයන්ට එල්ල වන චෝදනා හේතුවෙන් එම ක්‍රීඩකයන් නියෝජනය කරන රට වල තේරීම් කමිටු දැඩි අසීරුතාවකට පත් වන බව අර්ජුන රණතුංග පෙන්වා දෙයි.
ශ්‍රී ලංකාවේ සහ පාකිස්තාන ක්‍රීඩකයන්ගේ පන්දු යැවීමේ ඉරියව් සම්බන්ධයෙන් ක්‍රියා කළ තරග තීරකයන් වසර ගණනාවක් වෘත්තියේ යෙදුනු පළපුරුදු විනිශ්චයකරුවන් වන අතර ඔවුන් ලෝක කුසලානය අත ළඟ තිබියදී මේ ආකාරයෙන් ක්‍රියා කිරීම උචිත නැති බවයි හිටපු නායකයා කියා සිටියේ.
නමුත් ජගත් ක්‍රිකට් කවුන්සිලය එම ක්‍රීඩකයන්ගේ පන්දු යැවීම සම්බන්ධයෙන් නිසි ක්‍රියා පටිපාටියකට අනුව කටයුතු කළා නොවේද යන්න සංදේශයේ සරෝජ් පතිරණ අර්ජුන රණතුංගට යොමු කළ ප්‍රශ්නයක්.
‘ලෝක කුසලානයක් කටේ තිබියදී, මේකෙ ලස්සනම දේ තමයි ඉන්දියාව, ඔස්ට්‍රේලියාව, සහ එංගලන්තය ලෝක ක්‍රිකට් ආයතන වල බලවතුන් වෙලා ඉන්න මේ රටවල් වල ක්‍රීඩකයන්ට ඇඟිල්ලක් දික් වෙන්නේ නැහැ’ යනුවෙන් ඔහු ඊට පිළිතුරු දෙමින් කියා සිටියේය.
නව සංශෝධනත් සමග ලෝක ක්‍රිකට් කවුන්සිලය විසින් ගනු ලබන තීරණ මෙම රටවල් තුනේ සභාපතිවරුන්ගේ මූලිකත්වයෙන් සිදු කෙරෙන නිසා ක්‍රිකට් ක්‍රීඩාව අවිනිශ්චිත තත්වයකට මුහුණ දී ඇති බව අර්ජුන රණතුංග ක්‍රිකට් කණ්ඩායමේ හිටපු නායකයා සංදේශයට ප්‍රකාශ කළේය.
ලෝක කුසලානයට කෙටි කලක් තිබියදී සචිත්‍ර සේනානායක වැනි ක්‍රීඩකයෙකුව කණ්ඩායමෙන් ඉවත් කිරීමට සිදු වුවොත් මාස කිහිපයක් ඇතුලත නවක ක්‍රීඩකයකු එම තත්වයට ගෙන ඒමට හැකියාවක් ඇත්දැයි අර්ජුන රණතුංග ප්‍රශ්න කර සිටියේය.
'අජ්මාල් වැනි ක්‍රීඩකයෙක් පාකිස්තාන් කණ්ඩායමෙන් එලියට ගියොත් පාකිස්තානෙට පුලුවන්ද අජ්මාල් ගානට නැතුව බාගෙටවත් හොද ක්‍රීඩකයෙක් හදා ගන්න’ යනුවෙන් ඔහු වැඩි දුරටත් පැවසීය.
මේ පිළිබඳ ජගත් ක්‍රිකට් කවුන්සිලයෙන් සංදේශය කළ විමසීමකදී ඔවුන් කියා සිටියේ එම චෝදනා සම්බන්ධයෙන් කිසිවක් ප්‍රකාශ කළ නොහැකි බවයි.

ආණ්‌ඩුවේ සිංහල බෞද්ධ ඡන්ද පදනම බිඳවැටීම ඇරඹිලා

අපේ රටේ ප්‍රධාන පක්‌ෂ තුනම පසුගියදා පැවති ඌව පළාත් සභා මැතිවරණයට මුහුණ දුන්නේ මීළඟ ජනාධිපතිවරණයට සිදුකරන පෙරහුරුවක්‌ ලෙසටය. එක්‌ එක්‌ පක්‌ෂ ලබාගත් ප්‍රතිඵල අනුව අපේ රටේ දේශපාලන ප්‍රවාහයේ ඉදිරි ගමන් මග පිළිබඳ ආචාර්ය දයාන් ජයතිලකයන් කරන විග්‍රහයකි මේ.

ඌව පළාත් සභා මැතිවරණයේ තම තමන් ලැබූ ප්‍රතිඵල විග්‍රහ කරන ප්‍රධාන පක්‌ෂ තුනම පවසන්නේ තමන් මෙම මැතිවරණයෙන් ජයග්‍රහණය කළ බවයි. මෙම විග්‍රහයන් තුළ ඇති තාර්කික - අතාර්කික බව ඔබ දකින්නෙ කොහොමද?

පළමුවෙන්ම සත්‍යය සත්‍යවශයෙන් හඳුනා ගත යුතුයි. ආණ්‌ඩුව ඌව පළාත් සභා මැතිවරණය ජයග්‍රහණය කළා. විපක්‌ෂය පැරදුනා. 2010 ජනාධිපතිවරණයේදී ජෙනරල් සරත් ෆොන්සේකා පොදු අපේක්‌ෂකයා ලෙස සියයට 44 ක ඡන්ද ප්‍රතිශතයක්‌ ගත්තා. නමුත් ඔහු පැරදුනා. දැන් ඒ සියයට 44 පවා අමතකයි. ඌවේදී එජාපය සියයට 40 ක ඡන්ද ප්‍රමාණයක්‌ ගත්තා. එය ජයග්‍රාහී ඡන්ද ප්‍රතිශතයක්‌ නෙමෙයි.

ආණ්‌ඩුව මේ ඡන්දයෙන් දිනුව බව ඇත්ත. නමුත් සදාචාරාත්මකව ආණ්‌ඩුව මේ ඡන්දයෙන් පරාද වූ බව තේරුම් ගන්න ඕන. මේ ඡන්ද ව්‍යාපාරය තිබෙද්දීම ශ්‍රී ල.නි.ප. ය සමුළුව පැවැත්වූවා. ඒ සමුළුව අමතමින් ජනාධිපතිතුමා මේ ජන්දය ලක්‌ෂ දෙක හමාරකින් ජයග්‍රහණය කරන බව කිව්ව. නමුත් ඡන්ද ප්‍රතිඵලවලට අනුව ආණ්‌ඩුව ජයග්‍රහණය කරල තියෙන්නෙ ඡන්ද හැට හැත්තෑදාහකින්. ඡන්ද දෙලක්‌ෂ පනස්‌දාහකින් දිනන්න හිතුවත් දිනුවෙ ඡන්ද පනස්‌දාහකට ටිකක්‌ වැඩියෙන්. එනම් මේ ඡන්දය පිළිබඳ ආණ්‌ඩුව තිබ්බ අපේක්‌ෂාවලින් සාක්‌ෂාත් වුණේ අවමයයි. එනම් කොහොමහරි ජයග්‍රහණය කිරීම. ජයග්‍රහණය නම් කළා. නමුත් ඉතාම ඉහළින් මේ ඡන්දෙ ජයග්‍රහණය කරල ඊළඟ ජනාධිපතිවරණයට හොඳ පිම්මක්‌ ගන්නව කියල ආණ්‌ඩුවේ තිබුණු අපේක්‌ෂාව බොල් වුණා. ආණ්‌ඩුවේ ආධිපත්‍යයේ විශාල ගරාවැටීමක්‌ සිදුවෙලා තිබෙන බව මේ ප්‍රතිඵල අනුව ආණ්‌ඩුව තේරුම් ගන්න ඕන.

ජනතාව අතර ආණ්‌ඩුව සිටි ඉහළම තැන දැන් ගිලිහෙමින් යන බවද මේ ප්‍රතිඵල කියාපාන්නෙ?

ආණ්‌ඩුවේ උච්චම අවස්‌ථාව තිබුණෙ 2009 අවුරුද්දේ. ඒ අවුරුද්දේ ආණ්‌ඩුව විශාල ජයග්‍රහණ තුනක්‌ ලැබුවා. එක නන්දකඩාල් කලපුවේදී යුද ජයග්‍රහණය. දෙක ජිනීවාහි මානව හිමිකම් සමුළුවේදී ලද ජයග්‍රහණය. තුන මැතිවරණ ජයග්‍රහණය 2009 දෙසැම්බර් - 2010 ජනවාරි ජනාධිපතිවරණය. මේ උච්චතම අවස්‌ථාවේ ඉඳන් පසුගිය අවුරුදු 5 තුළදී ආණ්‌ඩුව විශාල ගරාවැටීමක්‌ සිදුවෙලා තියෙනවා. ඒ ගරාවැටීම ආරම්භ වුණේ ජාත්‍යන්තරයෙන්. ඒ 2012 ජිනීවාවලදී. ආණ්‌ඩුව එතනදි පිට පිට තුන් සැරයක්‌ ජන්දයෙන් පැරදුනා. 2009 දී ආණ්‌ඩුවට තිබුණු ජාත්‍යන්තර ඡන්ද පදනම 2012 වන විට ආණ්‌ඩුව විසින්ම නොපිට පෙරළගෙන තිබුණා. ආණ්‌ඩුවේ දෙවැනි පරාජය සනිටුහන් වුණේ උතුරු පළාත් සභා ඡන්දෙදී. එහිදී ආණ්‌ඩුවට විරුද්ධව සියයට 80 ක තරම් ඡන්ද ප්‍රතිශතයක්‌ ටී.එන්.ඒ. සංවිධානයට ලබාගත හැකි වුණා. ජිනීවා ත්‍රිත්ව පරාජය සහ උතුරේදී ලද පරාජයත් නොතකා ආණ්‌ඩුව සිතාගෙන සිටියේ සිංහල බෞද්ධ බහුතරයක්‌ සිටින විශේෂයෙන්ම ගැමි ජනතාව බහුතරයක්‌ ඉන්න රටේ හදවත වැනි පළාත්වලදී කවදාවත් ආණ්‌ඩුව පරාජයට පත්වෙන්නෙ නැහැයි කියලයි. නමුත් දකුණු පළාතේදී ආණ්‌ඩුවේ ඡන්දවල සංකෝචනයක්‌ අපි දැක්‌කා. ඌව ඡන්ද ප්‍රතිඵලයෙන් පැහැදිලිවම පෙනෙන සත්‍යතාව වන්නේ වතුකරයේ දමිළ කම්කරු ඡන්ද නොවන්නට ආණ්‌ඩුව පරදින්නටත් ඉඩකඩ තිබුණු බවයි. වෙනත් විදිහකට කිව්වොත් ආණ්‌ඩුවේ සිංහල බෞද්ධ ඡන්ද පදනම දැන් සංකෝචනය වෙමින් යනවා.

ආණ්‌ඩුවත් සමග ගැටුණු පසුගිය හැම ඡන්දයකදීම එජාපය අන්ත පරාජයක්‌ ලැබුවත් මෙවර ඌව ඡන්දයේදී ආණ්‌ඩුවත් සමග කරට කර සටනක්‌ දීමට එජාපයට හැකිවුණා?

එක්‌සත් ජාතික පක්‌ෂය සාපේක්‌ෂක ජයග්‍රහණයක්‌ මේ ඡන්දයේදී ලබාගත්තා. සියයට 26 කට බැස්‌ස එජාපය අද සියයට 40 කට නැගල. සියයට 40 කියන්නෙ ජයග්‍රාහී ජන්ද ප්‍රතිශතයක්‌ නොවන බව ඇත්ත. 1994 දී ශ්‍රීමා දිසානායක මහත්මිය යටතේ එජාපය ඉතාමත් අමාරු තත්ත්වයක සිට චන්ද්‍රිකා කුමාරතුංග මහත්මියට විරුද්ධව තරග කරද්දී පරාජය වෙමින් ගත් ඡන්ද ප්‍රතිශතය සියයට තිස්‌ අටයි දශම ගණනක්‌. ඌවේදී එජාපය ගත්තෙ ඊට වඩා සියයට එකක වගේ ප්‍රමාණයකුයි. මෙය මහා ජයග්‍රහණයක්‌ නොවුණත් මෙයින් අදහස්‌ කරන්නේ ආණ්‌ඩුවේ සිංහල බෞද්ධ ඡන්ද පදනම පවා සංකෝචනය වෙමින් යන අතර විපක්‌ෂයේ අත්තිවාරම් ඡන්ද පදනම යළිත් පණ ගැන්වී තිබෙන බවයි. එනම් ආණ්‌ඩුවේ බහින කලාව දැන් ආරම්භ වී තිබෙන බවයි.

මීළඟට පවත්වන ඡන්දය ජයග්‍රහණය කිරීම ආණ්‌ඩුවට දුෂ්කර විය හැකි බවද ඔබ කියන්නේ?

ඊළඟ ජාතික ඡන්දයකදී ආණ්‌ඩුවේ පරාජය අනිවාර්ය බව මා ඉන් අදහස්‌ කරන්නේ නෑ. ආණ්‌ඩුව ජයග්‍රහණය කරන්න පුළුවන්. ආණ්‌ඩුව ඊළඟ ඡන්දය ජයග්‍රහණය කළත් දිගුකල් බලය රැකගෙන සිටිමින් සහ පවුලේ එක්‌ පුද්ගලයකුගෙන් පසු පවුලේ තවත් පුද්ගලයකුට ආණ්‌ඩු බලය මාරුවීම සහ ශ්‍රී ලංකාව රාජධානියක ලෙස පාලනය කිරීමේ සිහිනය දැන් හමාරයි. ඌවේදී වළලනු ලැබුවේ ඒ සිහිනයයි.

ආණ්‌ඩුවේ කථිකයන් ඌවේ ඡන්දයේදී රජයේ සංවර්ධන ව්‍යාපෘති හෝ ආර්ථික ජයග්‍රහණයන්ට වඩා දිගින් දිගටම වර්ණනා කළේ ජනාධිපතිතුමාවයි. ජනතාවට කියන්න ආණ්‌ඩුවට වෙනත් දෙයක්‌ නැද්ද?

ශ්‍රී ල.නි.ප. යේ ඉතිහාසය පුරාම සැබෑ, ජනහිතෛෂී ආර්ථික සංවර්ධන පිළිවෙතක්‌ තිබුණෙ නෑ. එම නිසා තම කාලපරිච්ඡේදයේදී ජනතාවට දැනෙන සෞභාග්‍යයක්‌ සිදුවුණා කියල ශ්‍රී ල.නි.ප. යට කියන්න බෑ. ශ්‍රී ල.නි.ප. යේ දුර්වලම තැන ආර්ථිකය. ශක්‌තිමත්ම තැන ජාතිකත්වය. ජාතිකත්වය නියෝජනය කළ හැකි නායක නායිකාවන් මත ශ්‍රී.ල.නි. ප ආණ්‌ඩුව රඳා පැවතිලා තියෙන්නේ ඒ නිසයි. එජාපයේ ශක්‌තිමත්ම තැන ආර්ථිකය. දුර්වලම තැන ජාතිකත්වය. ඒ දුර්වල තැන වඩාත්ම දුර්වල වී තිබෙන්නේ රනිල් වික්‍රමසිංහ මහතාගේ නායකත්වය යටතේ. ඒ නිසා ශ්‍රී.ල.නි.ප. ය පසුගිය දශක දෙක තුළදී සිය ඡන්ද ව්‍යාපාරය කළේ චන්ද්‍රිකා කුමාරතුංග සහ මහින්ද රාජපක්‌ෂ නමැති විශේෂ නායකත්ව චරිත දෙක ඉදිරියට දමමිනුයි. රනිල් වික්‍රමසිංහ මහතා ජාතිකත්වය පැත්තෙන් විශාල ඌනතාවයක්‌ දක්‌වන නිසා යුද්ධය ජයග්‍රහණය නොකළත් 1999 දී චන්ද්‍රිකා කුමාරතුංග මහත්මියට මැතිවරණය ජයග්‍රහණය කරන්නට හැකියාව ලැබුණා. අද මේ ආණ්‌ඩුව ඕනෑම මැතිවරණයක්‌ ජයගන්නේ මහින්ද රාජපක්‌ෂ ජනාධිපතිතුමාගේ පෞද්ගලික ජනප්‍රියත්වය සහ යුද්ධය ජයග්‍රහණය කිරීමේ ඔහුගේ ඓතිහාසික කාර්යභාරය යොදවමින්. ඒ හැර මේ ආණ්‌ඩුවට කියන්න කිසිම දෙයක්‌ නෑ. මහින්ද රාජපක්‌ෂ සාධකය හැරුණුවිට අද ආණ්‌ඩුවේ සමස්‌ත පාලනයේම තිබෙන්නේ පිරිහීමක්‌. ඌවේදී ආණ්‌ඩුවේ ඡන්ද සංකෝචනයෙන් පෙනෙන්නේ ඒ පිරිහීමයි. සිංහල බෞද්ධ ඡන්ද කියන්නෙ ආණ්‌ඩුවේ අත්තිවාරම් ඡන්ද. ඒ ඡන්දත් අද සංකෝචනය වෙන්න පටන් අරන්.

ඌව කියන්නෙ දරිද්‍රතාවයෙන් පෙළෙන මිනිසුන් ජීවත්වෙන පළාතක්‌. මේ ජනතාව ආකර්ෂණය කරගන්න ජ.වි.පෙ. ට නොහැකි වුණා පමණක්‌ නොවෙයි දකුණෙදී හෝ බස්‌නාහිරදී ඔවුන් පෙන්වූ ජන්ද පිබිදීම ඌවේදී බිඳවැටුණා?

බිඳවැටීමක්‌ම කියන්න බෑ. ජවිපෙට පුළුවන් වුණා සියයට පහක හයක ඡන්ද ප්‍රතිශතයක්‌ ගන්න. ඔවුන්ගෙත් ප්‍රගතියක්‌ තියෙනවා. නමුත් එය සෑහීමකට පත්වෙන්න බෑ. ජ.වි.පෙ. නව නායකත්වයේ දක්‌ෂතාව දෙස බලන විට අඩුතරමින් සියයට දහයක පමණ වත් ඡන්ද ප්‍රතිශතයක්‌ ලබාගත යුතුව තිබුණා. එහෙම නොවුණේ හේතු කිහිපයක්‌ නිසා. ජ.වි.පෙ. නව නායකත්වය ආකර්ෂණීය වන නමුදු පක්‌ෂය තුළ ඇතිවූ පිපිරීම් දෙකෙන් එනම් දකුණට නැතහොත් රැඩිකල් ජාතිවාදී දිශාවට විතැන් වූ විමල් වීරවංශ ප්‍රමුඛ ජාතික නිදහස්‌ පෙරමුණත් අධි වාම ස්‌ථාවරයකට විතැන් වූ පෙරටුගාමී සමාජවාදී පක්‌ෂයත් නිසා ජ.වි.පෙ. තුළ සිදුවූ සංවිධානාත්මක දුර්වලවීම සම්පූර්ණයෙන්ම පියවාගන්න ජනතා විමුක්‌ති පෙරමුණ තවම අසමත් වී තිබෙනවා. එසේම ජනතා විමුක්‌ති පෙරමුණ විරෝධාකල්ප දේශපාලනයේ සිට සැබෑ වෛකල්පිත දේශපාලනයට තවත් පරිපූර්ණ වශයෙන් සංක්‍රමණය වී නෑ. වඩාත් සරලව කිව්වොත් ජ.වි.පෙ. කළ යුතුව තිබුණේ ආණ්‌ඩුවට දක්‌ෂ හා තියුණු ලෙස පහරදීම පමණක්‌ම නොවේ, යුද්ධය ජයග්‍රහණය කිරීමට තමුන් කළ දායකත්වයත් එසේම පරිවාස ආණ්‌ඩු කාලයේ තමුන්ගේ නායකයන් කටයුතු කළ ආදර්ශමත් ආකාරය ගැනත් යළි යළිත් මතක්‌ කිරීමයි. එවැන්නක්‌ නොකළ බැවින් ඕනෑම රටක සාමාන්‍යයෙන් රැඩිකල් වමේ ව්‍යාපාරයකට ලැබෙන සියයට පහක්‌ වැනි ඡන්ද ප්‍රතිශතයකින් සෑහීමකට පත්වෙන්නට ජනතා විමුක්‌ති පෙරමුණටත් සිදුවී තිබෙනවා. ඇත්තවශයෙන්ම මෙය ශෝචනීය තත්ත්වයක්‌. මෙය වෙනස්‌ කරගැනීමට ජනතා විමුක්‌ති පෙරමුණ පියවර ගත යුතුයි.

මේ ඡන්ද ප්‍රතිඵලත් සමග ජෙනරල් සරත් ෆොන්සේකාගේ දේශපාලන ජීවිතය හමාර වී ඇති බව ඇතැමුන් දරන මතයක්‌?

ප්‍රජාතන්ත්‍රවාදී පක්‌ෂයේ දේශපාලන ව්‍යාපෘතිය විඩාවට පත්වී ඇති බව පෙනෙන්නට ඇතත් ජෙනරල් සරත් ෆොන්සේකාගේ දේශපාලන ජීවිතය හමාර වී නෑ. මේ රට වෙනුවෙන් ඔහුට කළ හැකි විශාල කාර්යභාරයක්‌ තිබෙනවා. ජෙනරල් තුමා සහ තවත් දෙතුන් දෙනෙක්‌ හැර රට හඳුනන පිරිසක්‌ එම පක්‌ෂයේ අපේක්‌ෂකයන් අතර නොසිටීම මේ ප්‍රතිඵලයට හේතුවක්‌. ප්‍රධාන විපක්‌ෂයේ කොටස්‌කරුවකු වුවහොත් සරත් ෆොන්සේකා මහතාට විශාල සේවයක්‌ කරන්න පුළුවන්. නමුත් ප්‍රධාන විපක්‌ෂය විසින් නායකත්ව මට්‌ටමෙන් ඔහුට ප්‍රසිද්ධියේ ආරාධනයක්‌ කළ යුතුයි. ඒ ඇරයුමේදී සඳහන් කළ යුත්තේ අනාගත එක්‌සත් ජාතික පක්‌ෂ ප්‍රමුඛ සභාග ආණ්‌ඩුවක ආරක්‌ෂක උප ඇමැතිකම දරන්නේ ජෙනරල් ෆොන්සේකා බවයි. එබඳු ප්‍රතිඥාවක්‌ තුළ ජෙනරල් ෆොන්සේකාට විපක්‌ෂයේ ප්‍රධාන ප්‍රවාහයට එක්‌වීමට අවකාශය විවෘත වනු ඇත.

ප්‍රධාන පක්‌ෂ තුනම ඌව පළාත් සභා මැතිවරණයට මුහුණදුන්නේ මීළඟ ජනාධිපතිවරණයට සිදුකරන පෙරහුරුවක්‌ ලෙසටයි. එක්‌ එක්‌ පක්‌ෂ ලබාගත් මේ ප්‍රතිඵල අනුව ඉදිරි ජනාධිපතිවරණය කෙබඳු මුහුණුවරක්‌ ගනීද?

මීළඟ ජනාධිපතිවරණයේදී මහින්ද රාජපක්‌ෂ මහතා ජයග්‍රහණය කරන බවත් රනිල් වික්‍රමසිංහ මහතා පරාජය වන බවත් මේ ප්‍රතිඵල අනුව පැහැදිලියි. ඇත්තවශයෙන්ම අනාගත ජනාධිපතිවරණයකදී සිදුවන්නේ 1982 ඔක්‌තෝබරයේ ඡේ. ආර්. ජයවර්ධන සහ කොබ්බෑකඩුව ඡන්දය වැනි ප්‍රතිඵලයකි. එදා ඡේ. ආර්. ජයවර්ධන මහතා ලබාගත්තේ සියයට පනස්‌ දෙකයි දශම ගණනකි. ඔහු එම ඡන්ද ප්‍රතිශතය ලබාගත්තේ පාර්ලිමේන්තුවේ හයෙන් පහක බලයක්‌ද අතැතිව, මහවැලි ක්‍රමයත් ක්‍රියාත්මක කර, සිරිමාවෝ බණ්‌ඩාරනායක මැතිනියගේ ප්‍රජා අයිතිවාසිකම් අහෝසි කර සිය බලයේ උච්චම අවස්‌ථාවේදීය. එබඳු අවස්‌ථාවකදී පවා ලබාගත්තේ සියයට පනස්‌ දෙකයි දශම ගණනකි. ඌවේදීත් ආණ්‌ඩුවට සියයට පනස්‌ එකක්‌ තිබේ. මහින්ද රාජපක්‌ෂ යනු ශ්‍රී ලංකා නිදහස්‌ පක්‌ෂයට වඩා ජනප්‍රිය පුද්ගලයකි. රනිල් වික්‍රමසිංහ යනු හරීන් ප්‍රනාන්දු මහතා ඌවේදී ලබාගත් ජනප්‍රියත්වයට වඩා අඩු ජනප්‍රියත්වයක්‌ ඇති පුද්ගලයකි. ඇත්තවශයෙන්ම එක්‌සත් ජාතික පක්‌ෂය රනිල් වික්‍රමසිංහ මහතාට වඩා ජනප්‍රියයි. ශ්‍රී ල.නි.ප. නායකයා එම පක්‌ෂයට වඩා ජනප්‍රියයි. ජනාධිපතිවරණය යනු ද්වන්ධ සටනක්‌ බැවින් එහිදී ජනප්‍රියත්වයෙන් වැඩි පුද්ගලයා නිසැකවම ජයගනී. නමුත් එදා ඡේ. ආර්. ජයවර්ධන මහතා දෙවැනිවර ජනාධිපතිවරණය ජයග්‍රහණය කළත් අර්බුදය ජයගන්නට නොහැකිවූවා සේම මීළඟ ජනාධිපතිවරණයෙදී මහින්ද රාජපක්‌ෂ මහතා ජයග්‍රහණය කළත් දැනටමත් ඔහු මුහුණ දී සිටින දරුණු අර්බුදය එනම් ඔහුගේ පාලනයට එරෙහිව විවෘත වී ඇති ජාත්‍යන්තර පෙරමුණ සහ රට අභ්‍යන්තරයේ තමාගේ පසුබිමේ සිංහල බෞද්ධ බහුතරයක්‌ සිටින ප්‍රදේශවල පවා සම්ප්‍රදායික විපක්‌ෂය අලු දූවිලි ගසා නැගිට සිටීමෙන් සමාජ මානසිකත්වයේ ඇතිවෙමින් පවතින වෙනස යන අර්බුද දෙක ජයගැනීම මහින්ද රාජපක්‌ෂ මහතාට දුෂ්කර විය හැකියි. වර්තමාන ආණ්‌ඩුවේ පාලනය අභ්‍යන්තර හා බාහිර යන පෙරමුණු දෙකකින් අර්බුදයකට ලක්‌වී තිබෙනවා. මෙම නිසා මීළඟ ජනාධිපතිවරණය මහින්ද රාජපක්‌ෂ මහතා ජයග්‍රහණය කළත් පාර්ලිමේන්තු ජන්දයේදී එම ජනාධිපතිවරණ ජයග්‍රහණයේ ජවය කොතෙක්‌ යොදන්නට උත්සාහ දැරුවත් ජනතා තීන්දුව වෙනත් රජයක්‌ විය හැකියි. අවුරුදු විස්‌සක්‌ පැවති පිළුණු ආණ්‌ඩුවක්‌ තුනෙන් දෙකක බහුතරයක්‌ ලබාගනීවි යෑයි සිතිය නොහැකියි.

සාකච්ඡා කළේ පාලිත සේනානායක

චන්ද්‍රානි බණ්ඩාර පාර්ලිමේන්තු මූලාසනයේ සිටිද්දී මර්වින් සිල්වා කියූ ගීතය(VIDEO)

සමලිංගික සම්බන්ධතාවලට වේවැල් පහර සීයක්

ඉන්දුනීසියාවේ අචේ පළාතේ සමලිංගික සම්බන්ධතා පවත්වා අසු වන්නන්ට වේවැල් පහර සියයක දඬුවමක් විඳීමට සිදුවනු ඇත.
සමලිංගිකත්වය තහනම් කෙරෙන නව නීතියක් එම පළාත් ආණ්ඩුව විසින් පනවනු ලැබ තිබීම එයට හේතුවයි.
පළාත තුළ දැඩි ඉස්ලාම් නීති රීති ස්ථාපිත කිරීමේ පියවරක් වශයෙන් විවාහයට පරිබාහිර ව කෙරෙන ලිංගික ක්‍රියාකාරකම් සඳහා ද මෙම දඬුවම බලපානු ඇත.
ඉන්දුනීසියාවේ අනෙකුත් ප්‍රදේශවල සමලිංගිකත්වය නීතිවිරෝධී ක්‍රියාවක් ලෙස නොසැලකුව ද බෙදුම්වාදීන් සහ රජය අතර ගැටුම් නිමා කිරීමේ අරමුණින් ඇතිකරගත් සම්මුතියට අනුව අචේ පළාතට තමන් ගේ අභිමතය පරිදි ශාරියා නීතිය ක්‍රියාත්මක කිරීමට අවසර දී තිබේ.
ජාත්‍යන්තර ක්ෂමා සංවිධානය මෙම නව නීතිය හඳුන්වා තිබුණේ මානව හිමිකම් වල පසුබෑමක් ලෙසටයි.

ජයලලිතාගේ නඩු තීන්දුවෙන් පසු ගුටි කෙළි...

බුරුම ජාතික විරතු හිමි ශ්‍රී ලංකාවට

බොදු බල සේනා සංවිධානයේ ආරාධනයෙන් සංඝ සමුළුවක් සඳහා බුරුම ජාතික අශින් විරතු හිමියන් ශ්‍රී ලංකාවට වැඩම කිරීම සම්බන්ධයෙන් ශ්‍රී ලංකා මුස්ලිම් කවුන්සලය විරෝධය පළ කරයි.
තම සංවිධානයේ විරෝධය ඇතුළත් ලිපියක් ජනාධිපතිවරයා වෙත යොමු කරන ලද බවයි, ශ්‍රී ලංකා මුස්ලිම් කවුන්සලයේ වැඩබලන සභාපති හිල්මි මොහමඩ් බීබීසී යට ප්‍රකාශ කළේ.
විරතු හිමියන් බුරුමයේ මුස්ලිම් ජන සංහාරයකට මුල් වූ තැනැත්තකු වන හෙයින් ජාතිවාදී හැඟීම් ඉස්මතු වී පවතින මෙවැනි මොහොතක එවැනි හිමි නමක් ශ්‍රී ලංකාවේ සංචාරය කිරීම රට තුළ නොසංසුන් තත්වයක් මතු වීමට හේතු විය හැකි බවයි, ශ්‍රී ලංකා මුස්ලිම් කවුන්සලයේ වැඩබලන සභාපතිවරයා පෙන්වා දෙන්නේ.
බුරුම මුස්ලිම් සංහාරය
එහෙත් බුරුම ජාතික විරතු හිමියන් කිසිදු ප්‍රචණ්ඩ ක්‍රියාවකට වරදකරු වී නැති අතර, බෞද්ධ නායකයකු ගේ සංචාරයට එරෙහිව කිසිවකුට වැට බැඳිය නොහැකි බවයි බොදු බල සේනා මහ ලේකම් ගලගොඩ අත්තේ ඥානසාර හිමියන් බීබීසියට ප්‍රකාශ කළේ.

සැප්තැම්බර් 28 වෙනි දින පැවැත්වෙන සංඝ සම්මේලනයක් සඳහා බොදු බල සේනා සංවිධානය බුරුමය ද ඇතුළුව රටවල් කීපයක බෞද්ධ සංවිධානවලට ආරාධනා කළ බව සඳහන් කළ ගලගොඩ අත්තේ ඥානසාර හිමියන් අශින් වීරතු හිමියන් ශ්‍රී ලංකාවට වැඩම කළොත් මහත් ඉහළින් පිළිගනු ලබන බවයි කියා සිටියේ.
“විරතු හාමුදුරුවෝ කිසිදු අපරාධ ක්‍රියාවකට වැරදිකරු වී නැහැ. කිසිවකුට උන්වහන්සේ වැනි බෞද්ධ නායකයකුට අවහිර කරන්න බැහැ. කවුරුත් මතක තබා ගත යුතුයි, මේක සිංහල බෞද්ධ රට. අපි උන්වහන්සේ ඉතාම ඉහළින් පිළි ගන්නවා” ගලගොඩ අත්තේ ඥානසාර හිමියෝ පවසති.
බැතියෙන් පිළිගැනීම
එහෙත් බුරුමයේ මුස්ලිම් සංහාරයකට හේතු වූ කුපිතකාරී අදහස් වැපිරීම සම්බන්ධයෙන් චෝදනා ලබන අශින් විරතු හිමියන් බෞද්ධ සාරධර්ම වලට පටහැනි චරිතයක් වන බවයි, ශ්‍රී ලංකා මුස්ලිම් කවුන්සලයේ වැඩබලන සභාපති හිල්මි මොහමඩ් පවසන්නේ.
“ලංකාව බෞද්ධ රටක්. නමුත් විරතු හිමියන් වැනි කෙනෙක් බෞද්ධ නායකයෙක් කියල බෞද්ධයන් වත් පිලි ගනු ඇතැයි මම හිතන්නේ නැහැ. බුදු දහම කියන්නේ කිසිදාක ප්‍රචණ්ඩත්වය අනුමත කරන දහමක් නොවෙයි .බුදු හාමුදුරුවෝ කවදාවත් ප්‍රචණ්ඩත්වය අනුමත කළේ නැහැ” හිස්මි අහමඩ් පවසයි.
අශින් විරතු හිමියන් ‘ෆේස් බුක්’ මගින් සහ සිය ධර්ම දේශනා මගින් පළ කරන මුස්ලිම් විරෝධී අදහස් කුපිතකාරී මතවාදයක් හැටියට බලවත් දෝෂ දර්ශනයකට ලක් වූ අතර බුදු දහම පාවා දුන්නකු හැටියටයි වරක් ‘ටයිම්’ සඟරාව විසින් උන්වහන්සේ නම් කරන ලද්දේ.
‘බුරුමයේ මුස්ලිම් ඝාතකයා’ හැටියටත් උන්වහන්සේ දෝෂ දර්ශනයට ලක් වී ඇත.
එහෙත් උන්වහන්සේ ‘සැබෑ බුද්ධ පුත්‍රයකු’ හැටියට බුරුම ජනාධිපතිවරයා විසින් හඳුන්වනු ලැබ ඇති බවයි, බීබීසී බුරුම සේවයේ සෝ වින් තැන් පවසන්නේ.

රත්නපුරදී පොලිසිය කාන්තාවකට අමානුෂිකව පහරදුන් හැටි

පසුගිය කාලයේ වාරියපොඉල බස් නැවතුම්පොළ අසල තරුණියක් විසින් ඇයට අවලාද නැගු තරුණයෙකුට ප්‍රසිද්ධියේ පහරදුන් සිදුවීම ලංකාවේම ආන්දෝලනයට ලක්විය.

එයට හාත්පසින්ම වෙනස් සිදුවීමක් රත්නපුර බස් නැවතුම්පල ඉදිරිපිටදී සිදුවී තිබේ.

ෆේස්බුක් වෙත එක්කරන ලද මෙම වීඩියෝවෙන් පෙනෙන්නේ පොලිසියේ නිලධාරියෙකු විසින් අසභයය වදන් පවසමින් දෙනෝ දාහක් ඉදිරියේ කාන්තාවකට බිම දමා පහරදෙන ආකාරය වේ.

ජයලලිතාට වසර හතරක සිර දඬුවමක්

ඉන්දීය සිනමාවේ මෙන්ම දේශපාලනයේ ද තාරකාවක් වන තමිල්නාඩු ප්‍රාන්තයේ මහ ඇමතිනී ජයලලිතා ජෙයරාම් දූෂණ චෝදනා යටතේ පැවරුණ නඩු විභාගයක දී ඇයට එරෙහි චෝදනාවලට වැරදිකාරිය හැටියට තීන්දු කෙරිණ.
මේ අනුව මහ ඇමතිවරිය වසර හතරක සිර දඬුවමකට යටත් කෙරුණ අතර ඊට අතිරේකව ඉන්දියානු රුපියල් කෝටි සීයක දඩයක් ද නියම කරනු ලැබුණි.
එම නඩු තීන්දුව ප්‍රකාශයට පත් කරන ලද්දේ බැංගලෝර් නගරයේ විශේෂ අධිකරණයක් විසිනි.
හෙළි නොකරන ලද ක්‍රියාමාර්ග වලින් ඇමෙරිකානු ඩොලර් කෝටියක පමණ මුදල් සම්භාරයක් උපයා ගැනීම සම්බන්ධයෙනුයි, මහ ඇමැතිවරියට එරෙහිව චෝදනා ගොනු කරනු ලැබ තිබුණේ.
රුපියල් කෝටි සීයක දඩයක්
වසර දහ අටක කාලයක් විභාගයට ගනු ලැබීමෙන් අනතුරුවයි, නඩු තීන්දුව ප්‍රකාශයට පත් කෙරුණේ.
මේ නඩු තීන්දුවත් සමඟ ජයලලිතාට මහ ඇමති පදවියෙන් ඉවත් වීමට සිදු වනු ඇත.
නඩු තීන්දුව ප්‍රකාශයට පත් කරනු ලැබීමත් සමඟ උසාවි භූමියේ රැස් වී සිටි ජයලලිතාගේ ආධාරකරුවන් හඬා වැළපෙමින් විලාප නගන්නට පටන් ගත් බවයි වාර්තා වන්නේ.
ජයලලිතාගේ ආධාරකරුවන් සහ ප්‍රතිවාදී දේශපාලන පක්ෂ වල ආධාර කරුවන් අතර ගැටුම් ඇති වූ බවත් ඉන්දියානු වාර්තා මගින් පැවසෙයි.

බොරුවට ළමයින් වඩා ගන්නේ නැහැ, බොරුවෙන් ජනතාව රවටන්නේ නැහැ, ජනතාව වශී කර ගන්නට ඔහු අතේ වශී කුන්තයක් නැහැ.ඔහු මිනී මරාගෙන දුටුගැමුණු රජතුමාගේ කඩුව හොයන්නේ නැහැ

'බොරුව රජ කරන' ශ්‍රී ලංකා සමාජයේ දේශපාලනය සමඟ රනිල් වික්‍රමසිංහ විපක්ෂ නායකවරයාට නොගැලපෙන තැන් ඇතත් රටට පැහැදිලි දැක්මත් ඇති නායකයා ඔහු පමණක් යයි එක්සත් ජාතික පක්ෂ පාර්ලිමේන්තු මන්ත්‍රී රන්ජන් රාමනායක පවසයි.

හරින් ප්‍රනාන්දු ඌව පළාත් සභා මැතිවරණයට දුන් ආකර්ෂණීය නායකත්වය ඉදිරි ජනාධිපතිවරනයකදී විපක්ෂ නායක රනිල් වික්‍රමසිංහට ලබා දිය හැකිදැයි සංදේශය යොමු කල ප්‍රශ්නයකට පිළිතුරු දෙමිනුයි මන්ත්‍රීවරයා එම ප්‍රකාශය කළේ.
"කුඩු විකුනන්න පුළුවන්, ඒත් ලංකාවේ කිරි විකුණන්න අමාරුයි. මම හිතනවා රනිල් වික්‍රමසිංහ 'කිරි වගේ' කියලා, ඔහු බොරුවට ළමයින් වඩා ගන්නේ නැහැ, බොරුවෙන් ජනතාව රවටන්නේ නැහැ, ජනතාව වශී කර ගන්නට ඔහු අතේ වශී කුන්තයක් නැහැ.ඔහු මිනී මරාගෙන දුටුගැමුණු රජතුමාගේ කඩුව හොයන්නේ නැහැ" රන්ජන් රාමනායක මන්ත්‍රීවරයා පවසයි.
" රනිල් තමයි රටක් ගොඩනගන්න සුදුසු නායකයා" ඔහු වැඩි දුරටත් කියා සිටියේය.
'කොතරම් දක්ෂ වුවත් බලය ලබාගැනීමට නොහැකිනම් එම දක්ෂතාවයෙන් ජනතා සේවයක් කිරීමට නොහැකි නේදැයි' සංදේශය මන්ත්‍රීවරයාගෙන් විමසූ විට ඔහු කියා සිටියේ, ඉදිරි ජනාධිපතිවරණයේදී ජනතාවට මේ පිළිබඳව කරුණු කියා දී රනිල් වික්‍රමසිංහට බලය ලබා දීමට තම පක්ෂයට හැකි බවයි.
මහින්ද රාජපක්ෂ ජනාධිපතිවරයාට තවත් ජනවරමක් ලබාදු දුන්නොත් ඉදිරියේදී ශ්‍රී ලංකාව චීනයට අයත් දුපතක් වනු ඇති බවයි රන්ජන් රරාමනායක මන්ත්‍රීවරයා ආණ්ඩුව විවේචනය කරමින් පැවසුවේ.
"අද රට චීනයට උකස් තියලා, චීන ජනාධිපතිවරයාගේ පැමිණීමෙන් පසු රුපියල් 3,91000 මට්ටමක තිබුණ අලුත උපන් දරුවකුගේ ණය දැන් රුපියල් 591,000 දක්වා ඉහල ගොස් තිබෙනවා" මන්ත්‍රීවරයා පෙන්වා දෙයි.

සජිත්ගේ අනාගතය

සජිත් ප්‍රේමදාස මන්ත්‍රීවරයාට නියෝජ්‍ය නායක තනතුර ලබාදීම සම්බන්ධයෙන් තමන් එකගවන බව පැවසූ රන්ජන් රාමනායක මන්ත්‍රීවරයා ඔහුගේ ප්‍රතිපත්ති සමග තමන් තවමත් 100%කම එකග නොවන බවයි කියා සිටියේ.
" ඔහු ගම් මට්ටමේ අපේ ජනප්‍රියම නායකයා, ජනතාව අතරම ඉදගෙන උදේ හතරට අවදී වෙලා සේවය කරන පුද්ගලයෙක්, ඔහුගේ ඒ ජනප්‍රියතාවය හා දක්ෂතාවයෙන් අපේ පක්ෂය යොදා ගත යුතුයි" ඔහු පවසයි.
සජිත් ප්‍රේමදාස නියෝජය නායකත්වයට පත් කිරීමට විරෝධය පළ කළ නායකයන් ඉදිරි කාලයෙහි ඔහු පක්ෂ නායකත්වයට පත්කරන ලෙස ඉල්ලා සිටින පුද්ගලයන් අතර ඉදිරියෙන්ම සිටිනු ඇතැයි පැවසූ මන්ත්‍රීවරයා එම නායකයන් දිනා ගැනීමට සජිත් ප්‍රේමදාස මන්ත්‍රීවරයාද උපක්‍රමශීලි විය යුතු බවයි පවසන්නේ.
ඌව මැතිවරණයේදී පක්ෂය වෙනුවෙන් කැපවීමක් කරමින් පාර්ලිමේන්තුවෙන් ඉල්ලා අස් වූ හරීන් ප්‍රනාන්දු හිටපු මන්ත්‍රීවරයා ජාතික ලැයිස්තුවෙන් පාර්ලිමේන්තුවට කැදවිය යුතු බව පැවසූ රන්ජන් රාමනායක මන්ත්‍රීවරයා, තමා සබරගමුව මහ ඇමති ධුරයට තරඟ කොට සබරගමුව විපක්ෂ නායක ලෙස පත් වූ අවස්ථාවේ පක්ෂයේ පිරිස් තමා පළාත් දේශපාලයේ තනි කල බවයි කියා සිටියේ.

රාලහාමි ගුටි කාපු එකෙ ඔරිජිනල් එක (VIDEO)

බොදු බල සමුළුවට බුරුමයේ චිරතු හිමි ලංකාවට.. මුස්ලිම් කවුන්සිල දැඩි විරෝධය..

ලබන 28 වන දා පැවැත්වෙන බොදු බල සේනා සමුළුවට බුරුමයේ චිරතු හිමියන් පැමිණීමට නියමිත බවත් ඊට දැඩි විරෝධය පල කරන බවත් ශ‍්‍රී ලංකා මුස්ලිම් කවුන්සිලය පවසයි.

මියන්මාරයේ මුස්ලිම් ජනතාව ඝාතනය කිරීමට විරතු හිමි මූලිකත්වය ගෙන කටයුතු කළ අයෙකු බවත් මුස්ලිම්වරුන් සිය ගණනක් ඝාතනය කරනු ලැබුවේ උන්වහන්සේ විසින් බවත් එම කවුන්සිලය ජනාධිපති මහින්ද රාජපක්ෂ මහතාට හා ආරක්ෂක ලේකම් ගෝඨාභය රාජපක්ෂ මහතාට ලිපියක් යොමුකරමින් පෙන්වා දී ඇත.

එම සම්පූර්ණ ලිපිය මෙසේය.

බොදු බල සේනාවේ අලූත් ජාතික නායකයා ගෝඨාභයලූ

ලබන 28 වන දින බොදු බල සේනා සංවිධානය විසින් හඳුන්වා දෙන බව කියන ජාතික නායකයා ආරක්‍ෂක ලේකම් ගෝඨාභය රාජපක්‍ෂ මහතා යයි එජාප උප නයක රවි කරුනානායක මහතා පවසයි.

ගුවන් විදුලි නාලිකාවක් හා සාකච්චාවකට එක්වෙමින් ඔහු සඳහන් කලේ අග්‍රාමාත්‍ය ධූරය සඳහාද ගෝඨාභය රාජපක්ෂ මහතා පත් කිරීමේ සූදානමක් පවතින බවයි.

සචිත්‍රට නැවත ක්‍රීඩා කිරීමට වරම්

අන්තර්ජාතික ක්‍රිකට් පාලක මණ්ඩලයේ තරඟ තහනමකට ලක් වී සිටින ශ්‍රී ලංකා ක්‍රිකට් ක්‍රීඩක සචිත්‍ර සේනානායකගේ පන්දු යැවීමේ ඉරියව්ව නිවැරදි කිරීම සඳහා විශේෂ පුහුණුවක් ලබා දෙන අතරතුරේ ලංකාව තුල ක්‍රිකට් තරඟ වලට සහභාගී වීමට අවසර ලබාදීමට ශ්‍රී ලංකා ක්‍රිකට් ආයතනය කටයුතුකොට තිබේ.

සචිත්‍රගේ පන්දු යැවීමේ ඉරියව්ව සම්බන්ධයෙන් ජගත් ක්‍රිකට් පාලක මණ්ඩලය ලබා දී ඇති වාර්තාව අධ්‍යයනය කොට ඔහුගේ ඉරියව්ව නිවැරදි කිරීම සඳහා අවශ්‍ය පියවර ගන්නා ලෙස පුහුණුකරුවන්ට උපදෙස් ලබා දී ඇතිඅතර western Australia විශ්ව විද්‍යාලයේ සිටින විශේෂඥයන්ගේ උපදෙස් ලබාදීමද සිදුකරනු ලබයි.

මේවනවිටත් වැඩි කාලයක් තුල ලංකාවේ පුහුණුකරුවන් යටතේ පුහුණුවීම් වල යෙදීමෙන් සචිත්‍ර සිය පන්දු යැවීමේ නිවරදි කරගැනීමේ ක්‍රියාවලියේ විශාල ප්‍රගතියක් ලබාගෙන ඇතැයි වාර්තා වේ. ඒ අනුව ඉදිරි දිනයකදී පන්දු යැවීම නැවත පරීක්ෂා කිරීමට අන්තර්ජාතික ක්‍රිකට් කවුන්සිලය වෙත යොමු කිරීමට නියමිත බව වාර්තා වේ.

මෙම තීරණයත් සමග සචිත්‍ර සේනානායක එළඹෙන ඔක්තෝබර් මස Mercantile Cricket තරඟාවලිය සඳහා සහභාගී වීමට නියමිත වේ.

එක් දින ජාත්‍යන්තර තරඟ තිස් නවයකට සහභාගි වී ඇති සචිත්‍ර සේනානායක කඩුලු හතළිහක් රැස් කොට තිබේ.

කොල්ලෝ තුනයි ගංජායි එක්ක සුපිරි බාලිකා සිසුවිය පාළු ගෙයක

කොළඹ ජනප‍්‍රිය පාසලක සිසුන් තිදෙනෙකු සමඟ කොළඹ උසස් බාලිකා විදුහලක 16 හැවිරිදි ශිෂ්‍යාවක් ගම්පහ ප‍්‍රදේශයේ පාළු නිවසක සිටියදී පොලීසිය විසින් අත් අඩංගුවට ගෙන ඇත.

ඔවුන් ළඟ තිබී කේරළ ගංජා පැකට්ටුවක් ද පොලීසියට හමු වී ඇත.

ශිෂ්‍යාවගේ මව විදේශගතව ඇති අතර පියා සහ ඥාතීන් සමඟ කොළඹ ප‍්‍රදේශයේ නිවසක පදිංචිව සිටින බවට මූලික පරීක්ෂණ වලින් හෙළි වූ බව පොලීසිය පවසයි.

දි.මු. ඉවතට.. අගමැතිකම බැසිල්ට හෝ පවිත‍්‍රාට

අගමැති දි.මු. ජයරත්න මහතා අගමැති ධුරයෙන් ඉවත් කොට එම ධුරය ඇමති බැසිල් රාජපක්‍ෂට මහතාට හෝ ඇමතිනී පවිත‍්‍රා වන්නිආරච්චි  මහත්මියට ලබා දීමට රජයේ අවධානය යොමුව ඇතැයි වාර්තා වෙයි.

අගමැති ධුරයෙන් දි.මු. ජයරත්න මහතා ඉවත් කිරීමෙන් පසුව මධ්‍යම පළාතේ මහ ඇමති ධුරය ඒ මහතාගේ පුත් අනරාධ ජයරත්න මහතාට ලබා දීමටද සාකච්චා වෙමින් ඇත.

කුරුණෑගල තරුණියක් ඩුබායි රටේදී සමූහ දුෂණය කරයි..

කුරුණෑගල ප්‍රදේශයේ පදිංචිකාරිනියක් වන 18 හැවිරිදි ශ්‍රී ලාංකික තරුණියක් ඩුබායි රාජ්‍යයේදී සමූහ දූෂණයකට ලක්ව ඇතැයි විදෙස් මාධ්‍ය වාර්තා කරයි.

මේ සම්බන්ධයෙන් අදහස් පල කරන විදේශ සේවා නියුක්ති කාර්යංශයේ සාමාන්‍යාධිකාරී මංගල රන්දෙණිය මහතා පවසන්නේ මෙසේ සමූහ දුෂණයය ලක්ව ඇත්තේ සංචාරක වීසා මත ඩුබායි රාජ්‍යයට ගොස් සිටි තරුණියක බවයි.

ඩුබායි වෙත ඇය යැවීම සඳහා ක්‍රියා කළ පුද්ගලයින් පිළිබඳව පරීක්ෂණ පවත්වන බවද ඔහු කියා සිටියේය.

කාන්තාවන් ගැන බොදු බලෙන් සමීක්‍ෂණයක්

අද දියණිවරුන් වැඩිහිටියන්ගේ අවවාද නොතකන බව බොදු බල සේනා සංවිධානයේ මහ ලේකම් ගලගොඩ අත්තේ ඥානසාර හිමියෝ පවසති.

රත්මලාන අත්තිඩිය පාර පියරතනාරාම විහාරස්ථානයේදී පැවති උත්සව සභාවක් අමතිමින් උන්වහන්සේ වැඩිදුරටත් මෙසේද පැවසූහ.

‘දියණිවරුන් අද වැඩිහිටියන්ගේ අවවාද අනුශාසනාවලට ඇහුම්කන් දෙන්නේ හරිම අඩුවෙන්. අපේ දියණිවරුන් ගිල ගැනීමට මාන බලා සිටින සටකපට කුමන්ත්‍රණකාරයෝ හැමතැනම පිරිලා. 80,000කට වැඩි කාන්තාවන් පිරිසක් අද මැදපෙරදිග ගෘහ සේවයේ ඉන්නවා. එම අයගෙන් බොහොමයක් අද මුස්ලිම්කරණය වෙලා. පානදුරේ සිට කළුතර දක්වා අපි කළ සමීක්ෂණයකින් සොයාගෙන තියෙනවා සිංහල කාන්තාවන් 351ක් මුස්ලිම්කරණය වී ඇති බව. මෙය තත්ත්වයක්. මේ රට තුළ ක්‍රිස්තියානි මූලධර්මවාදී සංවිධාන 400ක්ද ක්‍රියාත්මක වන බව අප සොයාගෙන තියෙනවා’

අයිෆෝන් 6 ගන්න පෙම්වතිය විකුණන පෙම්වතා

මුලු ලෝකයම ආසාවෙන් බලන් හිටිය අයිෆෝන් 6 දුරකථනය මේ වෙනකොට පාරිභෝගිකයන් අතරට ඇවිත් තියෙනවා. කවුරු වුනත් කැමතිනේ අලුතින්ම ආව ෆෝන් එකක් පාවිච්චි කරන්න. ඒත් ඉතිං ගාණ තමයි සැර.

මේ විදියට ආව අයිෆෝන් 6 දුරකථනය මිලදී ගන්න සල්ලි නැති නිසා තමන්ගේ පෙම්වතිය අලෙවිකල තරුණයෙක් ගැන විදෙස් මාධ්‍ය වාර්තා කරනවා.

 Xiao Ai කියන පෙම්වතා තමයි මේ විදියට එයාගේ  පෙම්වතිය බෙදාගැනීමට කැමති බව දන්වලා Songjiang​ විශ්ව විද්‍යාලය ඉදිරිපිට දැන්වීමක් ප්‍රදර්ශනය කරලා තියෙන්නේ..

ඒ දැන්වීමේ සඳහන් වෙලා තියෙන විදියටඅනවශ්‍යය ක්‍රියාවන් සඳහා කිසිදු ඉඩක් නැති අතර පෙම්වතිය බෙදාගැනීම ඔහු සීමාකොට ඇත්තේ ඇය සමග ආහාර ගැනීම, පාඩම් කිරීම, වැනි කරුණු වලට විතරයිලු.

ඒ වෙනුවෙන් මෙයා පැයකට පවුමක්, දවසකට පවුම් පහක්, මසකට පවුම් 50 ද වගේ ගාස්තු අයකරනවා කියලත් ප්‍රසිද්ධ කරලා තියෙනවා. පෙම්වතියට කැමති අය වෙනුවෙන් මෙයා ඇගේ ඡායාරූපත් පෙන්නවා කියලා තමයි වැඩිදුරටත් ආරංචි වෙන්නේ.