එයට දක්‍ෂකම පමණක් ප්‍රමාණවත් නොවේග වාසනා ගුණයල පෙර පින මෙන්ම කැපවීම ද ඒ සඳහා එක ලෙස තිබිය යුතු වෙනවා. මේ සියල්ල එක ලෙස කැටි කරගත් ක්‍රීඩකයෙක්‌ 2004 වසරේදී ශ්‍රී ලංකා ක්රිකට් පිලට එකතු වෙනවාග ඒ ලෝක ශූර ඔස්‌ට්‍රේලියාවට එරෙහිව ඔස්‌ට්‍රේලියාවේදී.
තමන්ටම ආවේණික ඉරියව්වකින් පන්දු යෑවූ මේ වේග පන්දු යවන්නා පසුව ලොව මවිත කළල පිතිකරුවන් සලිත කළ පන්දු යවන්නකු වුණා. ඒ අන් කවරෙක්‌වත් නොව ලසිත් මාලිංගයිග ශ්‍රී ලංකාවේ මේ කොල්ලාගේ දස්‌කම් ඔහුගේ උපන් පළාත වන දකුණට පමණක් නොව රටටම ආඩම්බරයක්‌, ආභරණයක්‌ වුණා. ඔහුගේ යෝකර් පන්දුවකින් පිතිකරුවන්ගේ කඩුලු ඉනි බිඳවැටෙද්දී දකුණ බටහිර විතරක්‌ නොව රටේ සිව්කොණම ප්‍රීතියෙන් ඉපිල ගියා.
ඒ අපේ කියන හැඟීමෙන්ග ආකල්පයෙන්ග ඒත් 2010 වසරෙදි ඔහු හදිසියේම ටෙස්‌ට්‌ ක්රිකට් ක්‍රීඩාවට සමුදුන්නා. ඒ වන විට ටෙස්‌ට්‌ තරග 30 කදී ඔහු කඩුලු 101 ක්‌ දවාගෙන තිබුණා. ටෙස්‌ට්‌ කඩුලු 100 කඩඉම සනිටුහන් කළ තෙවැනි ශ්‍රී ලාංකිකයා ලෙස ද ඔහුගේ නම වාර්තා පොත්වලට එකතු වී තිබෙනවා. ඒ හැම කඩුල්ලකටම ශ්‍රී ලාංකික ජනතාව හුරේ දැම්මාග ඒත් 2004 වසරේදී ජාත්‍යන්තර ක්රිකට් ක්‍රීඩාවට තමන් අත්පොත් තැබූ ටෙස්‌ට්‌ ක්‍රිකට්‌වලින් 2010 වසරේදී මාලිංග ඉවත් වුණා. ඒ තමාගේ ශාරීරික යෝග්‍යතාව පිළිබඳ ප්‍රශ්නයක්‌ මතු කරමින්ය. ඒත් එක්‌ දින තරගවලදීත්ල පන්දුවාර 20-20 තරගවලදීත් ශ්‍රී ලංකාව වෙනුවෙන් තවදුරටත් ක්‍රීඩා කරන බව මාලිංග පවසා සිටියා. මේ කෙසේ වෙතත් අයි පී එල් තරගවලට ක්‍රීඩා කිරීම ද මාලිංග අතපසු නොකර සිදුකරගෙන ගියා.
මාලිංගගේ ක්රිකට් දිවියට යම් අඳුරු පැල්ලමක්‌ එකතු වූ අවස්‌ථාවක්‌ තව වසර කිහිපයකින් සිදුවුණා. එවර ඔහු මාධ්‍යවේදීන්ට බැණවැදුණා. ඒ ක්රිකට් ක්‍රීඩකයන්ගේ වැටුප් වැඩි කිරීම සම්බන්ධයෙන් බලධාරීන් සහ ක්‍රීඩකයන් අතර මතභේදය පිළිබඳව මාධ්‍ය නැඟූ ප්‍රශ්නයකදී ජාත්‍යන්තර ක්‍රීඩකයකුට කිසිසේත් නොගැලපෙන ලෙස තම නොහැදියාව පෙන්නුම් කළ මාලිංග එදින ජනතාව අතර අප්‍රසාදයට පත්වුණාග ඒ නැති වී ගිය ජනතා ප්‍රසාදයල කීර්තිය යසස යළි එක ලෙසම ලබාගැනීමට මාලිංග මේ වසරේදී සමත් වුණාග ඒ පන්දු වාර 20-20 ලෝක ක්රිකට් කිරුළ දිනා දීමට ශ්‍රී ලංකා කණ්ඩායමට නායකත්වය දෙමින්.
1996 වසරේදී ලබාගත් ලෝක ක්රිකට් කිරුළට පසුව ශ්‍රී ලංකාව එවැනි කුසලානයක පහස විඳි එකම අවස්‌ථාවේදී මාලිංග එහි නායකයා වුණාග ඒ ලෝක කුසලාන නායකයා තවදුරටත් ශ්‍රී ලංකාවේ ක්‍රීඩාවටල තමන්ගේ රටට දක්‌වන ආදරය කුමක්‌ද යන්න අද (14 වැනිදා) ඔහු ලෝකය ඉදිරියේ පෙන්වා සිටිනවා. ඔහු තමාගේ රටට එරෙහිවල තමාගේ අන්තර් පළාත් කණ්ඩායමට එරෙහිව මුම්බායි ඉන්දියන්ස්‌ කණ්ඩායම වෙනුවෙන් ඉන්දියාවේ රායිපූර්හිදී අද තරග කරනවා.
2014 චැම්පියන්ස්‌ ලීග් තරගාවලිය ඊයේ (13 වැනිදා) සිට ඉන්දියාවේදී ආරම්භ වූ අතර ශ්‍රී ලංකාවෙන් එම තරගාවලිය නියෝජනය කිරීමට සදර්න් එක්‌ස්‌ප්‍රස්‌ කණ්ඩායම සුදුසුකම් ලැබුවා. ශ්‍රී ලංකාවේ පැවැති 20-20 සුපර් 4 තරගාවලියේ ශූරතාව ජයගත් කණ්ඩායම වන සදර්න් එක්‌ස්‌ප්‍රස්‌ කණ්ඩායමට නායකත්වය ලබාදුන්නේ මාලිංග. එදා පන්දුවාර 20-20 සදර්න් එක්‌ස්‌ප්‍රස්‌ කණ්‌ඩායමේ නායකයා මෙන්ම පන්දුවාර 20-20 ලෝක ශූර ශ්‍රී ලංකා කණ්‌ඩායමේ නායකයා ද වූ මාලිංගගේ සේවය මෙවර ශ්‍රී ලංකාවට මෙන්ම සදර්න් එක්‌ස්‌ප්‍රස්‌ටත් අහිමි වී තිබෙනවා.
එපමණක්‌ නොව ඒ මාලිංගම මෙදා සදර්න් එක්‌ස්‌ප්‍රස්‌ට සහ ශ්‍රී ලංකාවට එරෙහිව පන්දු යවනවාග පන්දු රකිනවා. පිතිහරඹයේ යෙදෙනවා. මෙවර චැම්පියන්ස්‌ කුසලාන තරගාවලියේදී සදර්න් එක්‌ස්‌ප්‍රස්‌ තෝරාගෙන රට වෙනුවෙන් ක්‍රීඩා කරනවාද එහෙමත් නැත්නම් මුම්බායි ඉන්දියන්ස්‌ නියෝජනය කරමින් ඉන්දියාවේ පැත්ත ගන්නවාද යන තීරණය මාලිංගට ගත යුතුව තිබුණා. මෙහිදී මුම්බායි ඉන්දියන්ස්‌ පැත්ත ගත් මාලිංග පසු ගිය ජුලි මස 15 වැනිදා මෙම තීරණය ශ්‍රී ලංකා ක්රිකට් බලධාරීන්ට දැනුම් දුන්නා. ඊට සතියකට පසුව මාලිංගගේ කැමැත්තට අවසර දුන් මෙරට ක්රිකට් බලධාරීන් මාලිංගව සදර්න් එක්‌ස්‌ප්‍රස්‌වලින් නිදහස්‌ කළා.
මෙවැනිම අවස්‌ථාවක්‌ 2013 වසරේදී සුපිරි පිතිකරු කුමාර් සංගක්‌කාරටත් උදාවුණා. එවර ශ්‍රී ලංකාවේ ප්‍රිමියර් තරගාවලියේ පන්දුවාර 20-20 ශූරතාව ජය ගැනීමට කඳුරට මෙරුන්ස්‌ සමත් වුණා. එම කණ්ඩායම නියෝජනය කළ කුමාර් සංගක්‌කාරගේ අයි පී එල් කණ්ඩායම වූ සන්රයිසස්‌ හයිද්‍රබාද් කණ්‌ඩායමත් චැම්පියන්ස්‌ ලීග් තරගාවලිය සඳහා සුදුසුකම් ලැබුවා. සංගක්‌කාරට කඳුරට මෙරුන්ස්‌ කණ්ඩායම හා සන්රයිසස්‌ හයිද්‍රබාද් කණ්ඩායම යන කණ්‌ඩායම් දෙකෙන් එකක්‌ චැම්පියන්ස්‌ ලීග් තරගාවලියේදී තෝරා ගැනීමට සිදු වුණා. එම කණ්‌ඩායම් දෙකේම නායකයා වුණේ ද කුමාර් සංගක්‌කාර.
සංගක්‌කාරට හයිද්‍රබාද් ක්රිකට් බලධාරීන්ගෙන් එල්ල වූ බලපෑම් ද වැඩි වුණා. ඊට අවනත නොවූ සංගක්‌කාර තම රට මවුබිම ගැන සිතා තීරණයක්‌ ගත්තා. එයින් සංගක්‌කාරට චැම්පියන්ස්‌ ලීග් තරගාවලියේදී ලැබෙන්න තිබූ ඩොලර් මලු අහිමි වුණාග ඒ විතරක්‌ නොවේ සන්රයිසස්‌ හයිද්‍රබාද් සමඟ ගිවිසුමට ඩොලර් 140000 ක පාඩුවක්‌ අත් විඳින්නත් සිදුවුණා. එය ශ්‍රී ලංකා මුදලින් රුපියල් කෝටි දෙකකට ආසන්න වුණා. ඒ අනුව සංගක්‌කාර රටල මවුබිම තෝරා ගැනීමට යැමෙන් ඔහුට එවර අහිමි වූ මුදල රුපියල් කෝටි හතරක්‌ පමණ වෙනවා.
ඒත් මුදලට වඩා රට පෙරට තබා ක්‍රියා කළ ක්‍රීඩකයෙක්‌ ලෙස සංගක්‌කාරගේ නම ඉතිහාසයට එකතු වෙනවා. එසේ නම් සංගක්‌කාරට වඩා හාත්පසින්ම වෙනස්‌ තීරණයක්‌ ගත් මාලිංගගේ නම ඉතිහාසයට එකතු වෙන්නේ කවරෙක්‌ ලෙසින් ද යන්න රටට ආරදය ඇති ජනතාව දන්නවා.
.jpg)
.jpg)
සදෙර්න් එස්ප්‍රෙස් කියන්නේ ලංකාවේ ක්‍රීඩා සමාජයක් මිසක් ශ්‍රී ලංකා කණ්ඩායම නොවේ. ලංකාවේ මාධ්‍ය වලට මාලිංග ව පෙන්න බැහැ. ඔහුගේ හැකියාව ගැන තියෙන්නේ ඉසිරිසියාවක්. මොකද වැල්ලේ කොල්ලෙක්.. එහෙම නැති නම් ත්‍රී වීලර් කාරයෙක් මේ තත්වයට ආපු නිසා. මාලිංග සෑම විටම නිවැරදි නැහැ. ශ්‍රී ලංකා ක්රිකට් ආයතනය තුල ඉන්න හොරු සත පහක් ලංකාව වෙනුවෙන් හම්බ කරන්නේ නැහැ. ක්‍රීඩකයන් හොයන මුදලින් හොරා කනවා. මාලිංග මුම්බායි ක්‍රීඩා සමාජයට ක්‍රීඩා කිරීම පිලිබඳ ප්‍රශ්නයේදී ක්රිකට් ආයතනය කැමැත්ත පල කළේ එමගින් ඔවුන්ට විශාල මුදලක් (ලක්ෂ 175) පමණ ලැබෙන නිසයි. ක්‍රීඩකයෝ තමන්ගේ වැටුප් ලැබෙන්නේ නැතුව රට වෙනුවෙන් ක්‍රීඩා කරනවා.ඒවා ගැන මේ මහත්වරු ලියන්නේ නැහැ. මාලිංග ශ්‍රී ලංකා කණ්ඩායමට ක්‍රීඩා කිරීම මග අරිය නම් වැරදි.. මෙතන නම් මම වරදක් දකින්නේ නැහැ...
ReplyDeletetrue dat
Delete