රනිල් අපේ සිංහල පංතියට යයි...........සිසුන්ගෙන් උණුසුම් ප්‍රතිචාර

තමාගේ මූලික බලාපොරොත්තුව හෙට දවස භාරගන්න ඉන්න තරුණ තරුණියන්ට යහපත් සමාජ ක‍්‍රමයක් බිහිකරදීම බව විපක්ෂ නායක රනිල් වික්‍රමසිංහ මහතා පවසයි.

මෙවර උසස්පෙළ විභාගය සඳහා සහභාගී වීමට නියමිත උපුල් ශාන්ත සන්නස්ගල මහතාගේ ‘අපේ සිංහල පංතියේ ’ සිසු සිසුවියන්ට සුභපැතීමට අද දින 28 නුගේගොඩ රෝටරි අධ්‍යාපන ආයතනයට පැමිණි විපක්‍ෂනායක රනිල් වික‍්‍රමසිංහ මහතා එසේ පැවසීය.

විපක්ෂ නායකවරයා රටේ අනාගතය කෙබඳු විය යුත්තේදැයි සිසු සිසුවියන් සමග සංවාදාත්මක අයුරින් අදහස් හුවමාරු කර ගත්තේය.

මෙම අවස්ථාවට බස්නාහිර පළාත්සභා මන්තී එස්.එම්. මරික්කාර් මහතාද සහභාගී විය.
විපක්ෂ නායක රනිල් වික්‍රමසිංහ මහතා වෙත සිසු සිසුවියන්ගෙන් ලැබුණු උණුසුම් ප්‍රතිචාරය කැපී පෙනුණි.