රණතුංග මහතා මේ බව කියා සිටියේ තමා ක්‍රිකට්‌ බැට්‌ එකකින් පහර දුන් බවට චෝදනා කරමින් පැමිණිල්ලක්‌ කළ රාජගිරිය මැල්වත්ත පදිංචි ජී. ඩබ්ලිව්. පියසේන මහතාට එරෙහිව නීතිය ක්‍රියාත්මක කරන ලෙස ඉල්ලමින් ඊයේ කුරුඳුවත්ත පොලිසියට පැමිණිලි කිරීමෙන් අනතුරුව මාධ්‍ය වෙත අදහස්‌ දක්‌වමිනි. මෙහිදී ප්‍රසන්න රණතුංග මහතා මෙසේද කීය.
මේ පැමිණිල්ල ගැන සුළුවෙන් තැකිය යුතු නෑ. පැමිණිල්ල දැම්මට පස්‌සේ මේ පුද්ගලයා හෘදයාබාධයකින් හෝ මියගියා නම් නොකළ වරදකට මට හිරේ යන්න වුණත් තිබුණා. දේශපාලනඥයෙක්‌ විදියට මට විතරක්‌ නෙවේ මේ රටේ පොදු ජනතාවටත් බලපාන කාරණාවක්‌. ඒ නිසා නීති අංශවල අවධානය මේ සඳහා යොමු විය යුතුයි. මම දේශපාලනඥයෙක්‌ නිසා මේ සිද්ධියට වැඩි අවධානයක්‌ යොමුවුණා. මේ නිසා මා ඉල්ලනවා සමාජයෙන් මා මතුකරන කාරණා පිළිබඳව විශේෂ අවධානය යොමු කරන්න කියලා. එහෙම නොවුණොත් ඒක මට ඡන්දය දීපු ලක්‍ෂ දෙකහමාරකට ආසන්න පිරිසට කරන බලවත් අසාධාරණයක්‌.
22 වැනිදා දහවල් මාධ්‍ය ඔස්‌සේ මේ සිද්ධිය දැනගන්න ලැබුණු වෙලාවේ ඉඳන් මේ වෙනකන් මම පොලිසියට කිසිදු බලපෑමක්‌ කළේ නෑ. දැන් ඇත්ත එළිවෙලා තියෙනවා. මගේ නිර්දොaෂීභාවය ඔප්පුවෙලා තියෙන්නේ. මම පොලිසියෙන් ඉල්ලා සිටින්නේ මහ ඇමැතිවරයා විදියට මගේ කීර්ති නාමයට සිදුවූ හානිය වෙනුවෙන් සාධාරණය ඉටුකරන්න කියලයි.
.jpg)
.jpg)
0 comments:
Post a Comment