සිය පෙම්වතා සමඟ ශ්‍රී ලංකාව පැමිණ සිටි බ්‍රිතාන්‍ය ජාතික 20 හැවිරිදි තරුණියක පොතුවිල් අරුගම්බේ කුඩාකල්ලි වෙරළ තීරයේදී බරපතළ ලිංගික අපයෝජනයකට ලක්කර තිබේ. පොලිස් මාධ්‍ය ඒකකය සඳහන් කෙළේ පෙරේදා (29දා) සවස මේ තරුණිය පෙම්වතා නොමැතිව එම වෙරළ තීරයේ ඇවිදගෙන යද්දී පසුපසින් පැමිණි තරුණයන් තිදෙනකු ලිංගික කරුණු පිළිබඳව කතා කිරීමට ඇය පොලඹවා ගැනීමට සූදානම් වී ඇති නමුදු ඇය එයට විරෝධය පළකර ඇති බවයි.
එම අවස්ථාවේ තරුණයන් තිදෙනාගෙන් දෙදෙනකු ආපසු ගොස් ඇති අතර එක් තරුණයෙක් පමණක් තවදුරටත් ඇය පසුපස ලුහුබැඳ ගොස් ඇති බවද පොලිසිය පැවැසීය. පසුව එම සැකකරු ඇයව බරපතළ ලිංගික අපයෝජනයකට ලක්කර පලාගොස් ඇති අතර සැකකරු පොලිසිය විසින් අත්අඩංගුවට ගනු ලැබ තිබේ. මේ සිද්ධියට මැදිවූ බි්‍රතාන්‍ය ජාතික තරුණිය අම්පාර රෝහලට ඇතුළත් කර ඇති අතර පොතුවිල් පොලිසිය වැඩිදුර පරීක්‍ෂණ පවත්වයි.
.jpg)
.jpg)
0 comments:
Post a Comment