w3lanka -ආණ්ඩුව රාජ්‍ය නොවන සංවිධාන මර්දනය කිරීමට ගෙන තිබෙන ක්‍රියාමාර්ගවලට එකහෙළා විරෝධය පළ කරමු. මේ මොහොතේ ආණ්ඩු විරෝධී අරගලයේ ප්‍රධාන බලවේගය රාජ්‍ය නොවන සංවිධාන බව විපක්ෂයට නැති විරෝධයක් රාජ්‍ය නොවන සංවිධානවලට එල්ල වීමෙන් පෙනේ. රාජ්‍ය නොවන සංවිධාන විසින් මතු කරනු ලබන දූෂණයට, මානව හිමිකම් උල්ලංඝනයන්ට, ප්‍රකාශනයේ නිදහසට, ප්‍රජාතන්ත්‍රවාදයට අදාළ කාරණා ඉතා වැදගත් බව අමුතුවෙන් කිව යුතු නැත.
එහෙත්, ඒ සමගම මේ ටිකත් ලිවිය යුතු ය.
රාජ්‍ය නොවන සංවිධාන වෙනුවෙන් පෙනී සිටීමට බැරි හිරිකිතයක් දීර්ඝ කාලීන සමාජ ක්‍රියාකාරිකයකු ලෙස රාජ්‍ය නොව සංවිධාන ඇසුරු කළ අයකු ලෙස මට තිබේ.
රාජ්‍ය නොවන සංවිධාන තරම් ප්‍රජාතන්ත්‍ර විරෝධී අභ්‍යන්තර ව්‍යූහයක් රජයටවත් නැත.
රාජ්‍ය නොවන සංවිධාන තුළ තරම් ඥාති සංග්‍රහ, පවුල්වාදයන්, කට්ටිවාදයන් රාජපක්ෂ පවුලේ හෝ ආණ්ඩුවේවත් නැත.
රාජ්‍ය නොවන සංවිධානවල තරම් වැඩවසම් ස්වාමි සේවක සම්බන්ධතා පැරණි වලව්වලවත් නැත.
රාජ්‍ය නොවන සංවිධානවල තරම් දූෂිත මුදල් ගනුදෙනු මුදල් අමාත්‍යාංශයේවත් නැත.
රජ පැටව්වත් රාජ්‍ය නොවන සංවිධාන තරම් මහජන මුදල් නාස්ති කරන්නේ නැත.
රාජ්‍ය නොවන සංවිධානවල තරම් අඩුවෙන් වැඩ කර, වැඩියෙන් පඩි ගන්නා සේවකයන් ඇමති කාර්ය මණ්ඩලවලවත් නැත.
රාජ්‍ය නොවන සංවිධානවලට අරමුදල් රැස් කරන්නේ බොහෝ විට ලංකාව වැනි රටවල සිටින දුප්පතුන් විකුණා ය. එහෙත්, ඒ අරමුදල්වලින් වැඩි හරියක් වැය වන්නේ රාජ්‍ය නොවන සංවිධාන නිලධාරීන්ගේ සුඛ විහරණය සඳහා ය. ලෝක බැංකුවවත් රාජ්‍ය නොවන සංවිධාන තරම් දුප්පතුන් විකුණාගෙන කන්නේ නැත.
රාජ්‍ය නොවන සංවිධාන නිලධාරීන් තරම් අනුන්ගේ මුදලින් සුපිරි හෝටල්වලින් කන, බොන, සැතපෙන සේවකයන් සුපිරි හෝටල්වලවත් නැත.
විදේශ ඇමති ජී.එල්. පීරිස්වත් අනුන්ගේ සල්ලිවලින් රාජ්‍ය නොවන සංවිධාන නිලධාරීන් තරම් රට සවාරි යන්නේ නැත. මේ සවාරිවලින් වැඩි හරියක් ඇමති බිරියන්ගේ රට සවාරි වැනි ය. බල්ලාට ඇති වැඩකුත් නැති ය. හෙමින් ගමනකුත් නැති ය.
මේ සියල්ල මැද රාජ්‍ය නොවන සංවිධාන තරම් මහින්ද රාජපක්ෂවත් ප්‍රජාතන්ත්‍රවාදය, දූෂණය, මානව හිමිකම් ගැන කතා කරන්නේ නැත.
ඉහත සඳහන් කළ කරුණුත්, තවත් දේත් ඔප්පු කරන්නට සාධක අවශ්‍ය නම් කියන්න.
ලෝකයේ ඔබ පතන වෙනස ඔබම වන්නැයි ගාන්ධි කළ ප්‍රකාශය සිහිපත් කරමින් අපි මේ රටේ ජනතාව වෙනුවෙන් රාජ්‍ය නොවන සංවිධාන වෙත පහත අවවාදය කරන්නෙමු.
කරුණාකර අවංක හා පාරදෘෂ්‍ය වන්න. රෙද්දක් ඇඳගෙන ඔබ වෙනුවෙන් පෙනී සිටින්නට අපට පුළුවන් එවිට පමණි.
එහෙත්, මේ ආණ්ඩුවට එරෙහිව අපි ඔබත් සමග හෙළුවැල්ලෙන් 17දා පාරට එන්නෙමු. එන්න අපි නිරුවතින් පාරේ නටමු.
අද බැරිනම් හෙටවත් හැදෙමු.
අප කියන්නේ මෙයයි: වඩා යහපත් ලෝකයක් හැදීම යනු ජීවනෝපාය කර ගත හැකි සටන් පාඨයක් නො විය යුතු ය. එය අපේ ජීවිතය විය යුතු ය.
w3lanka
.jpg)
.jpg)
0 comments:
Post a Comment