අලුත්ගම සිදුවීම ගැන අසත්‍ය ලීවායැයි අල්ජසීරා මාධ්‍යවේදියා‍ගෙන් පොලිසිය ප්‍රශ්න කරයි

අලුත්ගමදී ඉකුත් දා ඇතිවු සිද්ධිය අලලා අල්ජසීරා ප්‍රවෘත්ති සේවයේ මෙරට මාධ්‍යවේදී දිනුක්කොළඹගේ මහතා විසින් සපයන ලද වාර්තාවක් සම්බන්ධයෙන් ඒ මහතාගෙන් පොලීසිය ප‍්‍රශ්න කර තිබේ.

‘මාධ්‍යවේදී දිනුක් කොළඹගේ මහතා විසින් පළ කළ ලිපියක සඳහන් වී තිබෙනවා අලූත්ගම බේරුවල සිද්ධීන් ආශී‍්‍රතව 9දෙනෙක් මියගිය බව. නමුත් සත්‍යවශයෙන්ම ඒ සිද්ධීන්වලින් මියගියේ පුද්ගලයින් තිදෙනෙක්. මේ ප‍්‍රශ්න කිරීමසිදු කළේ ඊට අදාළව 9 දෙනෙක් මියගියා නම් ඉතිරි හය දෙනා කවුරුන්ද යන්න දැනගැනීම සඳහායි. නමුත් කිසිම ආකාරයක පුද්ගලයින් 9 දෙනෙක් එම සිද්ධිවලින්මියයාමක් සිදු වුණේ නැහැ. මෙම තත්ත්වය පිළිබඳ දැනගැනීම සඳහායි ඔහුගෙන්ප‍්‍රකාශයක් ලබා ගැනීමට කටයුතු කළේ’

යැයි  පොලිස්මාධ්‍ය ප‍්‍රකාශක ජ්‍යෙෂ්ඨ පොලිස් අධිකාරි අජිත් රෝහණ මහතා සඳහන් කරයි.