‘කාබුල්’ අගනුවර ආසන්නයේ දී හාරසීයකට ආසන්න ඛනිජ තෙල් ලොරිවලට ගිනි තබා ඇතැයි ඇෆ්ඝනිස්තාන් පොලිසිය පවසයි.ලොරි ගාලක නතර කර තිබුණ තෙල් ප්‍රවාහනය කෙරෙන රථවලට ඊයේ සිකුරාදා සවසයි ගිනි තබනු ලැබ තිබෙන්නේ.
මුළු රාත්‍රිය පුරාම තෙල් ලොරි ගිනි ගනිමින් තිබුණ බව ඇෆ්ඝන් වාර්තාවන්හි දැක්වෙයි.
නිල ඇඳුමින් සැරසුණ තුවක්කු කරුවන් කණ්ඩායමක් ලොරි වලට ගිනි තබන ලද අතර ඒ සමඟ ලොරි පණගන්වමින් පළා යාමට තැත් කළ රියදුරන්ට තුවක්කු කරුවන් විසින් වෙඩි තබන ලද බවයි සිද්ධිය දුටුවන් පවසන්නේ.
තාලිබාන් ප්‍රහාරයක්
ප්‍රහාරයේ වගකීම තාලිබාන් ව්‍යාපාරය විසින් භාර ගනු ලැබ ඇති බවත් වාර්තා වෙයි.
‘නේටෝ’ යුද හවුලට ඛනිජ තෙල් සපයන කොන්ත්‍රාත්කරුවන් සිය ප්‍රහාරයේ ඉලක්කය වූ බවත් තාලිබාන් ව්‍යාපාරය කියා සිටියි.
ඇෆ්ඝනිස්තානය, පසුගියදා පැවැත්වුන ජනාධිපතිවරණයේ ප්‍රතිඵල බලා සිටියදීයි එම ප්‍රහාරය එල්ල කෙරුණේ.
ඒ අතර කාලයේ ‘කාබුල්’ අගනුවර අභ්‍යන්තරයේ සහ ඉන් පිටත වරින් වර එල්ල කෙරුණ ප්‍රහාර මාලාවේ අලුත්ම සිද්ධියයි මේ
.jpg)
.jpg)
0 comments:
Post a Comment