තීන්දුව පිලිගන්නේ නෑ.. ඇපීල් කරනවා

කුරාම් ෂෙයික් ඝාතනය කර ඔහුගේ පෙම්වතිය සමූහ දූෂණයට ලක් කල තංගල්ල ප්‍රාදේශීය සභාව් හිටපු සභාපති සම්පත් චන්ද්‍රපුෂ්ප විදානපතිරණ ඇතුළු විත්තිකරුවන් සිව්දෙනෙකුට මහාධිකරණය විසින් පැනවූ වසර 20ක සිරදඬුවම පිළි නොගන්නා බව විත්ති පාර්ශ්වයේ නීතීවේදීහු පවසති.

මාධ්‍ය අමතමින් නීතිවේදී විජයසිරි අඹවත්ත මාධ්‍ය අමතමින් මෙසේ කියා සිටියේය.

‘මේ නඩුවේ චෝදනා සාධාරණ සැකයෙන් තොරව ඔප්පු වී නොමැති බව අපි නඩු විභාගයේදී කරුණු පෙන්වා දුන්නා. එහෙත් ඒවා විනිසුරුවරිය සැලකිල්ලට භාජනය කර නැහැ. මෙම දඬුවමට එරෙහිව අභියාචනයක් ඉදිරිපත් කරන්න අපි බලාපොරොත්තු වෙනවා’

තීන්දුවට එරෙහිව අභියාචනයක් ඉදිරිපත් කිරීම සදහා ප්‍රබල නීතිමය පසුබිමක් තිබෙන බව විත්තියේ නීතිවේදී උදය රොහාන් ද සිල්වා සඳහන් කරයි.

‘විනිසුරුවරිය විත්තිකරුවන් වරදකරුවන් කිරීමට හේතුවූ කරුණු විවෘත අධිකරණයේ ප්‍රකාශ කළේ නැහැ. දඬුවම් ලිහිල් කිරීම සදහා කරුණු දැක්වීම සඳහා විත්තියේ නීතිවේදින්ට අවස්ථාව ලබා දුන්නේ නැහැ. තීන්දුව ප්‍රකාශ කළ විනිසුරුවරිය එක්වරම විනිශ්චය ආසනයෙන් නැගිට ගියා’ යයි ඔහු සඳහන් කලේය.