‘දර්ගා’ ගැටුමෙන් හිමිනමක් අපවත් වීද ? ..පොලිස්පති අදහස් පල කරයි

ඊයේ පස්වරුවේ අලූත්ගම දර්ගා නගරයේ සිදුවූ ගැටුම හේතුවෙන් භික්‍ෂුන් වහන්සේ නමක් අපවත් වී ඇතැයි  යන කටකතා සම්බන්ධයෙන් පොලිස්පති එන්.කේ. ඉලංගකෝන් මහතා අදහස් දක්වයි.

කොළඹදී මාධ්‍ය හමුවේ විශේෂ ප‍්‍රකාශයක් කරමින් ඒ මහතා මෙසේ සඳහන් කලේය.

‘ප‍්‍රදේශයේ තත්වය මේ වනවිට බොහෝ දුරට පාලනය කරල තියෙනවා. එම සිද්ධියේදී ගරුතර ස්වාමීන් වහන්සේ නමක් අපවත්වූ බවට මේ වනවිට කටකතා පැතිරී ඇති බව දැනගන්නට ලැබී තිබෙනවා.

පොලිස්පති වශයෙන් මා ඉතාමත් වගකීමෙන් මේ අවස්ථාවේ ප‍්‍රකාශ කර සිටින්නේ මේ සිද්ධියේදී කිසිම ගරු ස්වාමීන් වහන්සේ නමක් අපවත්වීමක් සිද්ධවෙලා නැති බව. මේ සිද්ධියේදී තුවාල ලත් එක් ස්වාමීන් වහන්සේ නමක් මේ වනවිට කළුතර නාගොඩ රෝහලේ ප‍්‍රතිකාර ලබනවා.

නැවත වරක් ඉතාමත්  ඕනෑකමින් සියලූ දෙනාගෙන් ඉල්ලා සිටින්නේ අසත්‍ය කටකතා වලට රැුවටෙන්නෙ නැතිව සාමය ආරක්ෂා කිරීම සඳහා මේ අවස්ථාවේදී ඔබගේ සහයෝගය පොලිසියට හා ත‍්‍රිවිධ හමුදාවට ලබාදෙන්න කියන එකයි’