අතීතයේ ඇතැම් සිදුවීම් පිළිබඳව කණගාටු වෙනවා – ජවිපෙ නායකයා

අතීතයේ ඇතැම් සිදුවීම් පිළිබඳව කණගාටුවන බව ජනතා විමුක්ති පෙරමුණේ නායක අනුර කුමාර දිසානායක මහතා ලන්ඩන් නුවරදී ජාත්‍යන්තර මාධ්‍ය ආයතනයක් සමග සාකච්ඡාවකට එක්වෙමින් ප්‍රකාශ කළේය.

ලන්ඩන් නුවර සිටින අනුර දිසානයක මහතාගෙන් අප මේ පිළිබඳව තව දුරට ත් විමසීමක් කළේය.

ප්‍රශ්නය -

ජනතා විමුක්ති පෙරමුණ ඉතිහාසයේ සිදුකළ ඇතැම් ක්‍රියා සම්බන්ධයෙන්
ඔබ කණගාටුව පල කරන්නේ අවංක චේතනාවෙන් ද?

ජනතා විමුක්ති පෙරමුණේ නායක අනුර කුමාර දිසානායක මහතාගේ පිළිතුර

අනිවාර්යෙන්ම අවංකව සහ හෘද සාක්ෂියට එකඟව. මොකද මීට පෙරත් අපේ පක්ෂය විවිධ අවස්ථාවල මේ පිළිබඳව මේ ආකාරයෙන් පැහැදිලි කිරීම් කර තිබෙනවා. පැවති එක්සත් ජාතික පක්ෂ ආණ්ඩුවට ජනතාව මර්දනය කරමින් තරුණයන් ඝාතනය කිරීමෙන් හැසිරීමට හැකියාව තිබුණා. මේ රටේ පොදු ජනතාවට ආදරය කරන ජනතාවගේ උස් නිදහස වෙනුවෙන් සටන් වැදපු දේශපාලන ව්‍යාපාරයක් අපි.එවැනි දේ සිදුවීම් පිලිබඳව අපිට බරපතල කණගාටුවක් තිබෙනවා.