හිටපු බීබීසී මාධ්‍යවේදියකු වන ඕස්ට්‍රේලියානු ජාතික පීටර් ග්රෙස්ට්, කැනේඩියානු සම්භවයක් සහිත ඊජිප්තු ජාතික මොහමඩ් ෆාමි සහ ඊජිප්තු ජාතික බහාර් මොහමඩ් යන මාධ්‍යවේදීන් තිදෙනාටයි වසර හතක සිර දඬුවම් නියම කර තිබෙන්නේ.
තමන්ට එරෙහි චෝදනා මාධ්‍යවේදීන් තිදෙනාම ප්‍රතික්ෂේප කර තිබෙන අතර තීන්දුව පිළිබඳ කම්පනයෙන් යුතුව ප්‍රතිචාරය පල කරන පීටර් ග්රෙස්ට් මාධ්‍යවේදියාගේ දෙමාපියන් පවසන්නේ එම තීන්දුව උමතු සහගත තීන්දුවක් බවයි.
මෙය ඉතා අසාධාරණ සහ කෝප සහගත තීන්දුවක් බව පවසමින් අල් ජසීරා ආයතනය එය හෙළා දැක තිබේ.
තීන්දුව සහ මාධ්‍යවේදීන්ට දුන් දඬුවම පිළිබඳ දැඩි අප්‍රසාදය පල කළ ඕස්ට්‍රේලියාවේ විදේශ ඇමතිනී ජූලී බිෂොප්, මෙය ඊජිප්තුවේ භාෂණයේ නිදහසට වැට බැඳීමේ පුළුල් වැඩපිළිවෙළක කොටසක් දැයි අවධානය පල වී තිබෙන බව ද සඳහන් කළාය.
.jpg)
.jpg)
0 comments:
Post a Comment