පසුගියදා උන්වහන්සේ සිරුරට තුවාල සිදුකර ගනිමින් පොලීසියට ව්‍යාජ පැමිණිල්ලක් කර ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී අජිත් රෝහණ මහතා පැවසීය.
පානදුර හිරණ පාලම ආසන්නයේ ඉකුත් 19දා තුවාල සහිතව බිම වැටී සිටියදී උන්වහන්සේ පානදුර රෝහලට ඇතුළත් කිරීමෙන් පසු කොළඹ ජාතික රෝහලට මාරුකර යවා තිබුණි.
ඒ අනූව කොළඹ ජාතික රෝහලේ ප්‍රතිකාර ලබමින් සිටි උන්වහන්සේ අද රෝහලෙන් බැහැරව යාමට සුදානම් වූ අවස්ථාවේදී පොලිස් අත්අඩංගුවට ගෙන ඇත.
මෙම සිද්ධිය සම්බන්ධයෙන් ප්‍රශ්න කර ප්‍රකාශ සටහන් කර ගැනීමෙන් පසු උන්වහන්සේගේ ඥාතියෙකු විසින් හෙළි කළ තොරතුරු අනූව උන්වහන්සේ විසින්ම එම තුවාල සිදුකරගෙන ඇති ආකාරයක් දක්නට ලැබෙන බව පොලිස් මාධ්‍ය ප්‍රකාශකවරයා පසුගිය 22දා මාධ්‍ය හමුවේදී අනාවරණය කළේය.
එහිදී ඔහු කියා සිටියේ යතුරු කැරැල්ලෙන් ශරීර‍යේ ඇතැම් ස්ථානවල තුවාල සිදුකරගෙන ඇති බවකි.
ඒ අනූව තමන්ට පිරිසක් පහරදී තුවාල සිදුකළ බවට පොලීසිය නොමඟ යැවීමේ චෝදනාව මත වටරැක හිමියන්ට එරෙහිව නඩු පවරන බව ද අජිත් රෝහණ මහතා පැවසීය.
කෙ‍සේ වුවද මෙම සිද්ධියත් සමග බොදු බලසේනාවේ නම සඳහන් වූ අතර ඊට ආසන්නතම සිද්ධිය වුයේ වටරැක හිමියන් කොළඹ නිපොන් හෝටලයේදී මාධ්‍ය හමුවක් පැවැත්වීමට ගිය අවස්ථාවේදී එම සංවිධානය මැදිහත්ව එයට බාධා පැමිණවීමය.
.jpg)
.jpg)
0 comments:
Post a Comment