රාජ්‍ය බුද්ධි අංශයේ නිලධාරීන්ගේ තොරතුරු හෙළි කිරීමට සැලසුමක් පවතින බවට යුදහමුදා මාධ්‍ය ප්‍රකාශක බ්‍රිගේඩියර් රුවන් වනිගසේකර මහතා ප්‍රකාශ කර පැය 6ක කාලයක් ගතවීමටත් මත්තෙන් මෙය සිදුව තිබේ.
ජාතික බුද්ධි ප්‍රධානී, රාජ්‍ය බුද්ධි අංශ ප්‍රධානී හා ප්‍රධාන සම්බන්ධීකරණ නිලධාරියා ලෙස යුද හමුදා බුද්ධි අධ්‍යක්ෂකගේ නම් සඳහන් කරමින් ඔවුන් තිදෙනා එම සිදුවීම් පිටුපස සිටින බවත් ඔවුන් අන්තවාදී ත්‍රස්තවාදීන්ට උදව් කරන බවටත් මන්ත්‍රී මංගල සමරවීර මහතා චෝදනා කර ඇත.
රාජ්‍ය බුද්ධි අංශ සාමාජිකයන් පිළිබඳව රටට හෙළි නොකළ යුතු වුවත්, රාජ්‍ය බුද්ධි අංශයට වී බොදුබල සේනාවට හා සිංහල රාවයට සහයෝගය දක්වමින් රට තුළ ජාතිවාදී ගිනිදැල් දැල්වීමට කටයුතු කරන සියලුම බුද්ධි අංශ නිලධාරීන් රටට හෙළිකිරීම මහජන නියෝජිතයෙකු වශයෙන් තමාගේ වගකීමක් බවද එක්සත් ජාතික පක්ෂ පාර්ලිමේන්තු මන්ත්‍රී මංගල සමරවීර මහතා සඳහන් කළේය.
අලුත්ගමදී සිදුවූ සිද්ධියේදී අත්අඩංගුවට ගත් සැකකරුවන් ක්ෂණිකව මුදාහැරීමට මෙම නිලධාරීන් බලපෑම් කර තිබෙන බවද ඊයේ පැවති මාධ්‍ය හමුවක දී මංගල සමරවීර මන්ත්‍රීවරයා සඳහන් කර තිබේ
.jpg)
.jpg)
0 comments:
Post a Comment