මෙහිදී මේ ඇවිළීගිය කැලණිය ශ්‍රී ලනිප දේශපාලන ගින්නෙන් පක්ෂයේ ඉහළ සිට ඇතැම් ජේ‍යෂ්ඨයන් මෙන්ම මර්වින් සිල්වා ඇමැතිවරයාද පාක්ෂිකයන්ගේ දැඩි දෝෂ දර්ශනයට හා විවේචනයට ලක්ව තිබේ. කැලණිය දේශපාලන ගැටුමට මැදිවූ පක්ෂයේ ඉදිරිපෙළ නායකයන් ගල් ගැසී බලා සිටි බව ආරංචි මාර්ග සඳහන් කරයි.
කැලණිය කණ්ඩායම දැනුම්වත් කිරීම සබරගමුව මහ ඇමැති මහීපාල හේරත් මහතාගේ ප්‍රධානත්වයෙන් එස්.බී. දිසානායක ඇමැතිවරයාගේ සහ පවිත්‍රා වන්නිආරච්චි ඇමැතිවරියගේ සහභාගිත්වයෙන් ආරම්භ කර ඇත.
මහීපාල හේරත් මහතා මෙම රැස්වීමේ අරමුණ පැහැදිලි කිරීමෙන් පසු ප්‍රථම ඇමැතීම කළ කැලණිය ප්‍රාදේශීය සභාවේ සභාපති ප්‍රසන්න රණවීර මහතා කැලණිය මැතිවරණ කොට්ඨාසයට නව ශ්‍රී ලනිප සංවිධායකවරයකු පත්කරන ලෙස පවසා ඇත.
එවිට මර්වින් සිල්වා ඇමැතිවරයා සමඟ පැමිණ සිටි පිරිස කැලණියේ ශ්‍රී ලනිප ප්‍රධාන සංවිධායකවරයා මර්වින් සිල්වා බවත්, තවත් සංවිධායකවරු තමන්ට අවශ්‍ය නැති බවත් කියමින් සභාපතිවරයාගේ ප්‍රකාශයට විරුද්ධත්වය ප්‍රකාශ කර ඇත.
ඉන් අනතුරුව සභාපති කණ්ඩායම සහ මර්වින් කණ්ඩායම එකිනෙකාට දූෂණ චෝදනා එල්ලකර ගනිමින් සභාව එකම ගාලගෝට්ටියක් බවට පත්කරගෙන ඇත. කැලණි ප්‍රශ්නයට නිසි විසඳුමක් ලබානොදීම සම්බන්ධයෙන් ශ්‍රී ලනිප පක්ෂ නායකත්වයට දෝෂාරෝපණය කර ඇත.
නොසන්සුන් තත්ත්වය පාලනය කර ගැනීමට මහීපාල හේරත් සබරගමුව මහ ඇමැතිවරයා සහ එස්.බී. දිසානායක ඇමැතිවරයා ගත් දැඩි උත්සාහයත් ව්‍යාර්ථ වී තිබේ.
අනතුරුව එහි පැමිණි නිමල් සිරිපාල ද සිල්වා, සුසිල් ප්‍රේමජයන්ත යන අමාත්‍යවරුන් කැලණි ප්‍රශ්නයට ඉක්මන් විසඳුමක් ලබාදෙන බව පවසා යම්තාක් දුරට දෙපිරිස නිහඬ කරවා දෙපිරිස වෙන් වෙන් වශයෙන් කැඳවීමටද තීරණයක් ගෙන කැලණි දේශපාලනයේ අනගතය ගැන සාකච්ඡා කිරීම වෙනත් දිනකට කල්දමා තිබේ.
.jpg)
.jpg)
0 comments:
Post a Comment