වටරැක විජිත හිමි රක්ෂිත බන්ධනාගාරයට (VIDEO) රුක්ක මූළ ගතෝවා........ සුඤ්ඤාගාර ගතෝවා.......බන්ධනාගාර ගතෝවා(VIDEO)

පොලිසියට අසත්‍ය පැමිණිල්ලක් ඉදිරිපත් කළ බවට සැකපිට අත්අඩංගුවට පත් වටරැක විජිත හිමියන් ලබන මස 2 වැනි දා දක්වා රක්ෂිත බන්ධණාගාරගත කර තිබේ.

ඒ උන්වහන්සේ අද පානදුර මහේස්ත්‍රාත් අධිකරණයට ඉදිරිපත් කිරිමෙන් අනතුරුව ය.

අධිකරණයට ඉදිරිපත් කළ අවස්ථාවේදී වටරැක විජිත හිමියන් වෙනුවෙන් පෙනී සිටි නීතිඥවරයා කියා සිටියේ, උන්වහන්සේට ප්‍රතිකාර ලබා ගැනීමට අවස්ථාව සලසන ලෙස ය.

බන්ධනාගාර රෝහලෙන් විජිත හිමියන්ට ප්‍රතිකාර ලබා දීමට කටයුතු කරන ලෙස එහිදී මහේස්ත්‍රාත් රුචිර වැලිවත්ත මහතා නියෝග කළේ ය.

මේ අතර වටරැක විජිත හිමියන් කොළඹ ජාතික ‍රෝහලේ ප්‍රතිකාර ලබා අද රෝහලෙන් පිටව ගිය අවස්ථාවේදී පොලිස් අත්අඩංගුවට පත් ව තිබේ.