කිසි හිරිකිතක් නෑ.. මං හෙටත් අපුල්ලනවා..

තමන් රජය වෙනුවෙන් බයක් සැකක් හිරිකිතයක් නැතුව හෙට දිනයේත් අපුල්ලන බව ඇමති කෙහෙලිය රඹුක්වැල්ල මහතා පවසයි.

ඒ මහතා මේ අදහස් පල කලේ කුණ්ඩසාලේ කොංගල්ල මහා විද්‍යාලයේ පැවති උත්සව සභාවක් අමතමිනි.

ඇමතිවරයා එහිදී මෙසේද කීය.

‘පුවත්පත් කාටූන් සදහා වැඩියෙන්ම ඉලක්ක වූ අමාත්‍යවරයා මමයි.  ජාතික ආරක්ෂක මාධ්‍ය ප‍්‍රකාශක වශයෙන් මට විතරක් කාටුන් ඇදුණේ නැහැ වෙන කිසිම අමාත්‍යවරයෙකුට.  මම ඒ කාටුන් සියල්ල එකතු කරලා දැන් කාටුන් දහස බැගින් අඩංගු පොත් තුනක් එළිදක්වන්න බලාපොරොත්තු වෙනවා.

මෑත කාලයේදී නම් මා සම්බන්ධව ටිකක් වෙනස් විදියේ කාටුන් ඇදුනත් වැඩියෙන්ම මාව කාටුන්වල පෙන්වා තිබුණේ රෙදි අපුල්ලන්නෙක් වශයෙනුයි.  හැබැයි මම පෞද්ගලිකව සතුටු  වුණා.  මට අපුල්ලන්නා අපුල්ලාන්නා කියලා හාස්‍යට ලක් කරනකොට.  මම ඇපිල්ලූවා නම් ඒ ඇපිල්ලූවේ පුදගලයෙකුට හෝ එක් කොටසකට නොව රට ජාතිය වෙනුවෙන්. ඒකයි මම අපුල්ලන්නා කියන එකට සතුටු  වුණේ. ඒ නිසා ඒ ඇපිල්ලිල්ල කිසිම හිරිකිතයක් සැකයක් බයක් නැතුව මම කළා. හෙට දවසෙත් රට වෙනුවෙන් අපුල්ලන්න මම කැමැත්තෙන්