පසුගියදා අලුත්ගමදී ඇතිවූ සිද්ධිය සම්බන්ධයෙන් ශ්රී ලංකා මුස්ලිම් කොංග්රසය හා මැදපෙරදිග මුස්ලිම් රටවල මෙරට තානාපතිවරුන් අතර පෙරේදා (16දා) රාත්රියේ එම කොංග්රසයේ නායක රවුෆ් හකීම් මහතාගේ නිවෙසේ පැවැති හදිසි හමුවකදී එම තානාපතිවරුන් මෙම පොරොන්දුව ලබාදී ඇතැයි දැනගන්නට ඇත.
ඉරානය, කටාර්, ඇෆ්ගනිස්තානය, කුවේටය, පාකිස්තානය හා මැලේසියාව යන රටවල තානාපතිවරුන් මේ හමුවට සහභාගි වී ඇති අතර ශ්රී ලංකා මුස්ලිම් කොංග්රසය පාර්ශ්වයෙන් එහි නායක රවුෆ් හකීම්, පාර්ලිමේන්තු මන්ත්රි හසන් අලී, නැඟෙනහිර පළාත් සභා මන්ත්රි ඒ.එම්. ජමීල්, නීතිඥ එම්.එම්. ෆායිස් යන මහත්වරුන් සහභාගි වී තිබේ.
අලුත්ගම සිද්ධිය පිළිබඳ සවිස්තර ප්රකාශයක් මෙහිදී රවුෆ් හකීම් මහතා තානාපතිවරු හමුවේ කර ඇති අතර ඒවාට වගකිවයුතු යැයි කියන ඇතැම් සංවිධාන පිළිබඳ එම තානාපතිවරුන්ගේ අවධානය යොමු කර තිබේ.
හකීම් මහතාගේ කරුණු දැක්වීමට ප්රතිචාර දක්වමින් තානාපතිවරුන් ප්රකාශ කර ඇත්තේ මේ පිළිබඳ තම රටවල් ශ්රී ලංකා රජය සමඟ සෘජුව කතා කිරීමට පියවර ගන්නා බවයි.එසේම අලුත්ගම සිද්ධියේදී ජීවිත හා දේපළ හානි වූ ජනතාවට සහන හා ආධාර උපකාර කිරීමට අවශ්ය පියවර ගන්නා බවද එම තානාපතිවරුන් එහිදී පොරොන්දු වූ බව කොංග්රසයේ අභ්යන්තර ආරංචි මාර්ග සඳහන් කරයි.
.jpg)
0 comments:
Post a Comment