බොදු බල සේනා සංවිධානය වෘත්තීය සමිති
ක්ෂේත්රයටද පිවිසෙයි. එහි ආරම්භක පියවර වශයෙන් සෞඛ්ය සුළු සේවක වෘත්තීය සංවිධානයක් බොදු බල සේනා සංවිධානයේ මහ ලේකම් ගලගොඩඅත්තේ ඥානසාර හිමියන්ගේ ප්රධානත්වයෙන් ඊයේ (2දා) කිරුළපන බෝධි බෞද්ධ මන්දිරයේදී පිහිටුවා ගන්නා ලදී. මේ පිළිබඳ මාධ්ය දැනුම්වත් කළ ඥානසාර හිමියන් පවසා සිටියේ, සෞඛ්ය ක්ෂේත්රයේ ඇති වී තිබෙන දූෂිත තත්ත්වය තුරන් කිරීම සඳහා සෞඛ්ය ක්ෂේත්රයේ පහළ මට්ටමින් වෘත්තීය සමිති ව්යාපාරයක් ආරම්භ කිරීමට හේතුවූ බවයි.
"කිසිම රටක නැති බහුකාර්යයක් මේ රටේ තියෙන්නේ. ඒක මේ වෘත්තීය සමිති ව්යාපාරයට එකතු වෙන්නත් ප්රධානම හේතුවක් වුණා. බෞද්ධ ගුණාත්මකභාවයන් වැඩිකරලා පක්ෂ දේශපාලනයෙන් තොරව, සේවක සුබසාධනය ගොඩනඟන්න තමයි අපිට අවශ්ය. දේශපාලනයෙන් තොරව මෙයට අතගසන්න, නායකත්වය දෙන්න අපිට පුළුවන්. අපි ඒකට සූදානම්" බවද උන්වහන්සේ පැවැසූහ.
ඥානසාර හිමියෝ මෙසේද පැවැසූහ. 'මුරුත්තෙට්ටුවේ හාමුදුරුවන් අපි මේ ගැන දැනුම්වත් කළාම උන්වහන්සේත් මේකට ආශීර්වාද කළා. කාගේ හරි ලියුමකට සුළු සේවකයන්ට රැකියා දෙනවා. මෙලෝ දෙයක් දන්නේ නැහැ. ලෙඩා කානුවේ වැටෙනකන් සේවකයා දන්නේ නැහැ. වැරැද්ද සේවකයාගේ නෙවෙයි. ඉහළ බලධාරීන්ගේ හරකෙක් කරත්තේ බඳින්න කලින් පුහුණු කරනවා. ඒ වුණාට මේ සේවකයන්ට එහෙම පුහුණුවක් නෑ.
දැන් බණ කියලා විතරක් මදි. වැඩ කරන්නත් ඕනෑ. මේ ආයතන හැමදේම දේශපාලනීයකරණය වෙලා. කෝකටත් තෛලය වගේ දැන් ඉන්නේ අපි විතරයි. හැම ප්රශ්නෙම අපිට විසඳන්න වෙලා. එහෙමයි කියලා අපි බොරදියේ මාළු බාන අය නෙවෙයි.
පහළම තැන ඉඳලා සුද්ද කරන්න අපි පටන් ගන්නවා. සමහරු අපිට පෞද්ගලිකව කතා කළා. මේ දේවල් නවත්තන්න කියලා. අපි ඒ වගකීම භාර ගන්නවා."
.jpg)
0 comments:
Post a Comment