මහ ඇමතිකම බෙදා ගන්න උනත් ලෑස්තියි .............ජනතා විමුක්ති පෙරමුණ සමඟ එක්ව කටයුතු කිරීමට කැමති

ජනතා විමුක්ති පෙරමුණ සමඟ එක්ව කටයුතු කිරීමට තමා කැමති බව එක්සත් ජාතික පක්ෂයේ ඌව මහ ඇමති ධුරාපේක්‍ෂක හරින් ප්‍රනාන්දු පවසයි.

යම් පක්ෂයක් සමඟ එකතු වී කටයුතු කිරීමේදී යම්කිසිවෙකු ඉල්ලීමක් කළහොත් තම මහ ඇමතිකම වුවද බෙදා ගැනීමට තමා සුදානම් බවයි හරින් ප්‍රනාන්දු බීබීසීයට පැවසුවේ.

කිසිම මහ ඇමතිවරයෙකුට නොතිබුණු තරමේ ශක්තියක් ඌවේ හිටපු මහ ඇමතිවරයාට පැවතුණු නමුත් ජනතාවට දැනෙන සේවයක් කිරීමට ඔහු අසමත් වී ඇතැයි ද හරින් ප්‍රනාන්දු චෝදනා කළේය.

මීට ප්‍රතිචාර ලබා ගැනීම සඳහා ඌව හිටපු මහ ඇමති ශෂින්ද්‍ර රාජපක්ෂ සම්බන්ධ කර ගැනීමට කිහිප විටක්ම උත්සාහ කළ නමුත් එය සාර්ථක වූයේ නැත.

අවශ්‍ය වුවහොත් විපක්ෂය සමඟ එක් වන බවට හිටපු හමුදාපති ජෙනරාල් සරත් ෆොන්සේකා කළ ප්‍රකාශයද හරින් ප්‍රනාන්දුගේ අගය කිරීමට ලක් විය.