තම අමාත්යංශය ඉදිරිපිටට පැමිණ කිරිපිටි මිල අඩුකරන්නැයි උද්ඝෝෂණය කරන විපක්ෂය රට දියර කිරෙන් පෝෂණය කිරීමේ වැඩපිළිවෙළට අකුල් හෙළන බව සමූපකාර හා අභ්යන්තර වෙළද කටයුතු අමාත්ය ජොන්ස්ටන් ප්රනාන්දු මහතා පවසයි.
ඒ මහතා මෙසේ පැවසුනේ කුරුණෑගල පැවති උත්සවයකදීය.
‘කිරිපිටි සදහා බදු පැනවූයේ දේශීය කිරි ගොවියා ආරක්ෂා කිරීමටයි. කිරිපිටි ආනයනය කිරීම සදහා කෝටි ගණනක මුදලක් වැය කරනවා. රජය ගොවි
ජනතාවට සහන රැුසක් ලබාදී තිබෙනවා.සහලින් රට ස්වයං පෝෂිතයි. කුකුල් මස්,බිත්තර,විදේශීය රටවලින් ආනයනය කර සාධාරණ මුදලකට අලෙවි කරනවා.
බඩ ඉරිගු වලින් රට ස්වයං පෝෂිත වී තිබෙනවා. දියර කිරෙන් රට ස්වයං පෝෂිත කිරීමටයි අපි සැලසුම් කර ඇත්තේ. දැන් දියර කිරි ලීටරයක් රුපියල් 50කට මිලදී ගන්නවා. දියර කිරි ලීටර් මිලියන 300ක් වර්තමානයේ නිෂ්පාදනය කරනවා. හැබැයි ලංකාවේ ඇතැම් පිරිස් දියර කිරි බොන්න අකමැතියි.සෙම හැදෙනවා කියනවා.
විපක්ෂය කිරිපිටි මිල අඩු කරන්න කියලා ජනතාව පාරට බස්සනවා. කිරිපිටි මිල අඩුකළොත් දියර කිරි නිෂ්පාදනය පහත වැටෙනවා. එවිට දේශීය කිරි ගොවියාගේ ආර්ථිකය කඩා වැටෙනවා’ යයිද ඇමතිවරයා එහිදී කීය.
.jpg)
.jpg)
0 comments:
Post a Comment