චාල්ස් කුමාරයා කට වරද්දා ගනී

 දෙවැනි ලෝක යුද්ධයේ විරුවන් සැමැරීමේ කැනඩා උත්සවයකට සහභාගීව සිටි බි‍්‍රතාන්‍යයේ ඔටුන්න හිමි චාර්ල්ස් කුමාරයා පැවසුයේ රුසියා ජනපති දැන් කටයුතු කරමින් සිටින්නේත් එදා ඇඩොල්ෆ් හිට්ලර් කටයුතු කළ ආකාරයට බවයි.
කුමරාගේ ප‍්‍රකාශය ලොවම මවිතයට පත්කිරීමට සමත්ව තිබේ.රජ පවුලේ සාමාජිකයින් අන්තර්ජාතික තලයේ කටයුතු සම්බන්ධයෙන් මෙවැනි ප‍්‍රකාශ කිරීමෙන් සාමාන්‍යයෙන් වැළකී සිටීම ඊට හේතුවයි.
රුසියාවේ කි‍්‍රමියා ආක‍්‍රමණය 1945 වසරින් පසු ලෝකයේ ප‍්‍රධාන බලවත් රටක් එවැනි ආක‍්‍රමණයක් සිදුකළ
පළමු අවස්ථාව වේ.
විචාරකයින් පවසන්නේ හිට්ලර් චෙකොස්ලෝවැකියාව අත්පත් කර ගත් ආකාරය හා දැන් පුටින් කි‍්‍රමියාව හා යුක්රේනය අත්පත් කරගනිමින් සිටින ආකාරය එකිනෙක හා සමාන බවයි.
දැන් පුටින් කරන්නා සේ හිට්ලර්ද එකළ චෙකොස්ලෝවැකියාවේ කැළඹුම්කාරී තත්ත්වයන් ඇතිකිරීමට වෙස් ගැන්වූ විශේෂ හමුදා භට පිරිස් යෙදවූයේයැයි ඔවුහු පවසති.
බි‍්‍රතාන්‍යය රජය චාර්ල්ස් කුමරුගේ ප‍්‍රකාශය සම්බන්ධයෙන් අදහස් දක්වමින් ප‍්‍රකාශ කර ඇත්තේ ඔහුටද නිදහසේ අදහස් ප‍්‍රකාශ කිරීමට හැකියාව තිබෙන බවයි.
බි‍්‍රතාන්‍යය නියෝජ්‍ය අගමැති නික් ක්ලෙග් මේ සම්බන්ධයෙන් බිබීසි පුවත් සේවය වෙත විශේෂ ප‍්‍රකාශයක් ලබා දෙමින් සදහන් කර තිබුණේ චාර්ල්ස් කුමරු පෞද්ගලික සාකච්ඡාවකදී මේ බව ප‍්‍රකාශ කර තිබෙන හෙයින් කලබල විය යුතු නැති බවයි.චාර්ල්ස් කුමරුටද නිදහසේ අදහස් ප‍්‍රකාශ කිරීමට අයිතිය ඇතැයි ඔහු පවසා තිබුණි.
ඇමරිකා රාජ්‍ය ලේකම් හිලරි ක්ලින්ටන්ද මීට පෙර අවස්ථාවකදී රුසියා ජනපති ව්ලැදිමිර් පුටින් හිට්ලර්ට සමාන කරමින් ඔහු විවේචනය කළාය.