මාතර සිට කොළඹ බලා දකුණු අධිවේගී මාර්ගය ඔස්සේ වේග සීමා උල්ලංඝණය කරමින් පැයට කිලෝ මීටර 140ක පමණ වේගයෙක් ගමන් කර ඇති නියෝජ්‍ය ඇමතිවරයාට කොට්ටාව පිටවීමේදී පොලීස් නිලධාරියෙකු විසින් රතය නවත්වා දඩ මුදලක් නියම කර තිබේ.
එහිදී නියෝජ්‍ය ඇමතිවරයා පොලිස් නිලධාරියාට තර්ජනය කර ඇති අතර දණගසා වැඳ තමන්ගෙන් ගත
යුතු බවද පවසා තිබේ. පොලිස් නිලධාරියා එසේ කටයුතු කර නොමැති අතර එදිනම පොලිස් නිලධාරියා කොට්ටාව පිවි‍සුමෙන් වෙනත් ස්ථානයකට මාරුකර යවා ඇතැයිද වාර්තා වෙයි.
කෙසේ වෙතත් මේ සම්බන්ධයෙන් අදහස් දක්වන චෝදනා එල්ල වී ඇති නියෝජ්‍ය අමාත්‍ය හේමාල් ගුණසේකර මහතා පවසන්නේ පොලිස් නිලධාරියාට තමාගෙන් සමාව ගන්නා ලෙස ප්‍රකාශ නොකළ බවයි.
වේගසීමා උල්ලංඝනය කිරීම හේතුවෙන් පොලිස් කොස්තාපල්වරයා ලබා දුන් දඩ කොලය තම රියැදුරු සතුව තිඛෙන බවත් සඳහන් කලේය.
ගුණසේකර මහතා වැඩිදුරටත් කියා සිටියේ කොස්තාපල්වරයා ගිනි අවියද අතැතිව තමාට ඉතා අශෝභන ලෙස ප්‍රකාශ නිකුත් කළ බවත් තමන් ඒ සම්බන්ධයෙන් අධිවේගී මාර්ගයේ රථවාහන අධ්‍යක්ෂවරයා වෙත පැමිණිලි කළ බවත්ය.
.jpg)
.jpg)
0 comments:
Post a Comment