මෙම හිමිවරුන්ගේ මානසික අසහනය සුවකොට මනසේ සමබරතාව ආරක්ෂා කර දෙන ලෙස තමන් වෛද්‍ය වෘත්තියකයින්ගෙන් ඉල්ලා සිටින බවද ඔහු අද දෙරණට කියා සිටියේය.
මෙම හිමිවරුන් දෙදෙනාගේම ක්‍රියා කලාපය හේතුවෙන් සිදුවන්නේ බුදු දහමට අවැඩක් මිස යහපතක් නොවන බවත්, මොවුන් දෙදෙනාම එකම කාසියේ දෙපැත්ත
බවත් ඔහු පෙන්වා දුන්නේය.
පූජ්‍ය වටරැක විජිත හිමියන් ප්‍රමුඛ ජාතික බලසේනා සංවිධානයේ මාධ්‍ය හමුවකට හදිසියේ කඩාපැන්න ගලබොඩඅත්තේ ඥානසාර හිමියන් ඇතුළු බොදුබල සේනා පිරිස් විජිත හිමියන්ට අසභ්‍ය වචනයෙන් බැණ තර්ජනය කිරීමේ සිදුවීම පිළිබඳ හෙතෙම මෙම අදහස් පළ කළේය.
විශේෂයෙන්ම බොදුබල සේනා සංවිධානයේ මහලේකම් වන ඥානසාර හිමියන් විසින් මේ මොහොතේ ඉටුකරමින් සිටින්නේ නවිනීදන් පිල්ලෙයි ප්‍රමුඛ බටහිර අධිරාජ්‍යවාදීන්ගේ කොන්ත්‍රාත්තුවක් බව අමාත්‍යවරයා කියා සිටියේය.
මෙරට ආගමික සංහිඳියාවක් නොමැති බවටත්, බෞද්ධයින් හිංසාකාරී පිරිසක් බවටත් අධිරාජ්‍යවාදීන් විසින් ගෙනයන මතය තහවුරු කරනු පිණිස බල සේනා සංවිධාන විසින් කටයුතු කරන බව ඩිලාන් පෙරේරා මහතා සඳහන් කළේය.
බෞද්ධයින් තුළ පවත්නා අවිහිංසාවාදී ප්‍රතිරූපය මෙන්ම මෙරට සිංහල,ද්‍රවිඩ,මුස්ලිම් ආදී ජන කොටස් සහයෝගයෙන් ජීවත්වීම නොඉවසන බටහිර අධිරාජ්‍යවාදීන්ගේ වුවමනාව ඉටුකිරීම සඳහා ඥානසාර හිමියන් ප්‍රමුඛ පිරිස කටයුතු කරන බැවින් ඔවුන්ගේ ක්‍රියාකලාපය දැඩිව හෙළාදකින බව අමාත්‍යවරයා අවධාරණය කළේය.
මෙම පිරිස් කටයුතු කරමින් සිටින්නේ බොදු බලය නැංවීමට නොව බුදු දහමට නිග්‍රහ කිරීමට බවත්, මොවුන් ශ්‍රී ලාංකිකයින් සියලුදෙනාට ලෝකය හමුවේ අපහාස කරමින් සිටින බවත් ඩිලාන් පෙරේරා මහතා වැඩිදුරටත් කියා සිටියේය.
.jpg)
.jpg)
0 comments:
Post a Comment