කැසිනෝ නැත්තම් මට බෑ..

පාර්ලිමේන්තුවේ සම්මත කරන ලද ක‍්‍රමෝපාය සංවර්ධන ව්‍යාපෘති පනතට කැසිනෝ පිහිටුවීම යන්න පැහැදිලිව ඇතුළත් නොකරන්නේ නම් තමන් ශ‍්‍රී ලංකාවේ තරු පහේ හෝටල් සංකීර්ණයක් ඉදි කිරීමට ගත් තීරණය අවලංගු කරන බව  ඕස්ටේ‍්‍රලියාවේ ප‍්‍රධාන කැසිනෝ රජු ලෙස හදුන්වන ජේම්ස් පැකර් දැනුම් දී ඇතැයි වාර්තා වෙයි.

ජේම්ස් පැකර් මෙරට ආයෝජන ප‍්‍රවර්ධන ඇමති ලක්ෂ්මන්
යාපා අබේවර්ධන මහතා සමග පසුගිය සැප්තැම්බර් මාසයේදී ඩොලර් මිලියන 400කට අධික දැවැන්ත ආයෝජනයක් ඒ වෙනුවෙන් මෙරට සිදු කිරීමට ගිවිසුමක් අස්සන් කර ඇත.

යෝජිත සුපිරි හෝටල් සංකීර්ණයේ කැසිනෝ ව්‍යාපෘතියක්ද ආරම්භ කිරීමට සැලසුම් කර තිබූ අතර පසුගියදා පාර්ලිමේන්තුවට ඉදිරිපත් කොට 25දා සම්මත කරන ලද පනතෙහි කැසිනෝ යන්න සදහන් නොවේ.

මෙම පනත් කෙටුම්පත පාර්ලිමේන්තුවට ඉදිරිපත් කළ දිනයේම ජේම්ස් පැකර් තමන්ගේ නියෝජිතයෙකු හරහා ආණ්ඩුවට දැනුම්දී ඇත්තේ කැසිනෝ යන්න නිශ්චිතව සදහන් නොකරන්නේ නම් තමන්ගේ ඇමෙරිකානු ඩොලර් මිලියන 400ක ආයෝජනය මෙරට ඇති නොකරන බවයි.