නිරුවත් ඡායාරූප පලකළ ෆේස් බුක් පෙම්වතාට අත්හිටවු සිර දඬුවම්

විසි හතර හැවිරිදි පෙම්වතියගේ නිරුවත් ඡායාරූප ෆේස්බුක් වෙබ් අඩවිය ඔස්සේ ප්‍රචාරය කිරීම , ඇයට සාපරාධිව තර්ජනය කිරීම  හා කෙළෙසීම යන චෝදනා වලට වරද පිළිගත් 19 හැවිරිදි තරුණයකුට දඹුල්ල මහේස්ත්‍රාත් සංජීව රම්‍ය කුමාර මහතා මාස තුනක හා මාස හයක සිර දඩුවම් නියම කර වසර පහකට අත් හිටුවීය.
පැමිණිලිකාරිය පෞද්ගලික අංශ සේවිකාවකි.මාස දහයකට පෙර
දෙදෙනා ෆේස් බුක් වෙබ් අඩවියෙන් හමු වී ‘චැට්’ කර ඇතැයි ද ඇගේ ඡායාරූප අන්තර්ජාලයට මුදා හැරීමත් සමඟ ගිය වසරේ නොවැම්බර් 22 දා පොලිසියට පැමිණිළි කැර ඇතැයිද නඩුවේදී කියැවිණි.
පසුගිය 18 වැනිදා කුරුණෑගල නගරයේදී මොහු අත්අඩංගුවට ගනු ලැබීය.
ඇහැලියගොඩ පරකඩුවේ තරුණයකුට මේ දඬුවම නියම විය.මහේස්ත්‍රාත් ඔහුට තරයේ අවවාද කළේය.
යළි මෙවැනි දෙයකට හසු වුවහොත් එදින සිට සිර දඬුවම ක්‍රියාත්මක කරන බව ප්‍රකාශ කළේය.