අන්තර්ජාලය හරහා ළමා අපයෝජනයන් සිදු කළ බව කියන රුහුණ විශ්වවිද්‍යාල ක්‍රීඩා හා ශාරීරික අභ්‍යාස උපදේශන පිළිබඳ කථිකාචාර්යවරයකු 25 දා අත්අඩංගුවට ගත් බව ජාතික ළමා රක්‍ෂණ අධිකාරිය පවසයි.සැකකරු 55 හැවිරිදි මාතර පදිංචි අයකු බවත් මොහු කරාපිටිය ශික්‍ෂණ රෝහලේ ශාරීරික අභ්‍යාස උපදේශකවරයකු ලෙස ද කටයුතු කරන අයකු බවත් හෙළිවිණැයි ද එම
අධිකාරිය කියයි.
අධිකාරියේ විශේෂ පොලිස්‌ කණ්‌ඩායමක්‌ අන්තර්ජාලය ඔස්‌සේ සැකකරු හා සම්බන්ධ වෙමින් සිදු කළ විමර්ශනයකින් පසු මොහු අත්අඩංගුවට ගෙන තිබේ.
අන්තර්ජාලය හරහා ළමා අපයෝජනයන් සිදු කරන ලද පුද්ගලයන් සිව්දෙනකු දැනට අත්අඩංගුවට ගෙන ඇති බවත් එම පිරිස අතර මිනින්දොaරුවකු ද වන බවත් එම අධිකාරිය පවසයි.
මොවුන් අන්තර්ජාලය හරහා බාලවයස්‌කාර දරුවන් දැන හැඳිනගෙන පසුව ඔවුන්ව නගරබද ස්‌ථානවලට කැඳවාගෙන අනතුරුව ලැඟුම්හල් වෙත රැගෙන ගොස්‌ අතවර කර ඇති බව හෙළිවූ බවද එම අධිකාරිය ප්‍රකාශ කරයි.
පොලිස්‌ ළමා හා කාන්තා කාර්යාංශයේ අධ්‍යක්‍ෂ ජ්‍යෙෂ්ඨ පොලිස්‌ අධිකාරි සෙනරත් සඳුන්ගහවත්ත මහතාගේ අධීක්‍ෂණය යටතේ ජාතික ළමා රක්‍ෂණ අධිකාරියේ ස්‌ථානාධිපති පොලිස්‌ පරීක්‍ෂක පී. ඩබ්. බෝවිටිගොඩ මහතාගේ උපදෙස්‌ පරිදි වැඩිදුර පරීක්‍ෂණ සිදුකෙරේ.
.jpg)
.jpg)
0 comments:
Post a Comment