භික්ෂූන් වහන්සේලා සිය ශරීර මත බුද්ධරූපය පච්ච කොටාගෙන ඇත්තේ ගෞරවයට මිස ‍අගෞරවයට නොවේ

ආගමික සංකේත සිය ශරීරයේ පච්ච කොටාගෙන පැමිණි විදේශිකයන් පිටුවහල් කිරීමට වඩා ඔවුන්ට බුදුදහම පිළිබඳ තව තවත් අවබෝධකර දීමේ වැඩ පිළිවලක් ඇරඹීම වටින්නේ යැයි ඇමරිකාවේ ලොස් ඇන්ජලීස් හි ධර්ම විජය විහාරාධිපති ඇමරිකාවේ ප්‍රධාන සංඝනායක ආචාර්ය වල්පොල පියනන්ද හිමියෝ කියති.එසේ බුදුරුව පමණක් නොව වෙනත් වෙනත් ආගමික සංකේත, පාවහන්, හා වෙනත් නුසුදුසු ස්ථානයන්හි සටහන් කර ගැනීම
කිසිසේත්ම අනුමත කරන්න බැහැ නමුත් බෞද්ධ දර්ශනයට දිනෙන් දින නැඹුරුවන විදේශිකයන් ඊට අදාළ පින්තූර ආදිය සිරුරේ වැදගත් ස්ථානවල පච්ච කොටා ගැනීමෙන් අදහස් කරන්නේ දහම කෙරෙහි ඇති ගෞරවය ප්‍රකාශ කිරීමක් යැයි උන්වහන්සේ පවසති.
ඒ නිසා දහමට අගෞරවවන ස්ථානයන්හි නොවන ආකාරයට පච්ච කොටා ගෙන පැමිණෙන විදේශිකයන් පිටුවහල් කිරීමට වඩා ඔවුන්ට දහම ගැන තව තවත් අවබෝධ කරලීමට වැඩ පිළිවෙලක් සැකසිය යුතුයි. එසේම තායිලන්තයේ බහුතර භික්ෂූන් වහන්සේලා සිය ශරීර මත බුද්ධරූපය පච්ච කොටාගෙන ඇත්තේ ගෞරවයට මිස ‍අගෞරවයට නොවේ යැයිද පියනන්ද නාහිමියෝ අවධාරණය කරති.