බොදුබල සේනාවෙනුත් ජනපති අපේක්ෂකයෙක්

ඉදිරි ජනාධිපතිවරණයේ දී බොදු බල සේනාවෙන්ද ජනාධිපති අපේක්ෂකයෙකු ඉදිරිපත් කිරීමට නියමිත බව එහි මහ ‍ලේකම් ගලගොඩඅත්තේ ඥානසාර හිමියෝ පවසති. ඒ අනුව බොදු බල සේනාව විසින් ජනාධිපති අපේක්ෂකයෙකු සඳහා අදාළවන යෝජනාමාලාවක් ඉදිරිපත් කිරීමට නියමිතය. එම යෝජනාමාලාව මහින්ද රාජපක්ෂ ජනාධිපතිවරයාටත් විපක්ෂ නායක රනිල් වික්‍රමසිංහටත් ඉදිරිපත් කරන බව උන්වහන්සේ කීය. සිංහල බෞද්ධකම මූලික කරගත් තම යෝජනාව ගැන එකඟ නොවන්නේ නම් බොදු බල සේනාව විසින් වෙනමම අපේක්ෂකයෙකු ඉදිරිපත් කරන බව උන්වහන්සේ වැඩිදුරටත් කීය.