වාදපිටියට ආරාධනා ලැබුනේ මට.. ආවානම් හරීන්ට ගහන්නේ මං

පසුගියදා දෙරණ රූපවාහිනියේ පැවති වාදපිටිය වැඩසටහනට ආරාධනා ලැබී තිබුනේ තමන්ට බවත් එදා එන්න ලැබුනානම් හරීන් ගුටිකන්නේ තමන්ගෙන් බවත් ඌව පළාත් සභවේ හිටපු මහ ඇමති ශසින්ද්‍ර රාජපක්‍ෂ මහතා පවසයි.

ඒ මහතා මෙසේ පැවසුවේ හදපානගල උල්කන්ද මහආරගම මාර්ගයේ වැඩ ආරම්භ කිරීමට සමගාමීව පැවති ජන හමුවේදී අදහස් පල කරමිනි.

‘හරීන් එක්ක සාකච්ඡවකට එන්න කියලා ආරාධනය ලැබිලා තිබ්බේ මට.හරීන්ගේ වෙලාවට කතරගම පෙරහර තිබුණ නිසා මට යන්න බැරිවුණා.නැත්නම් හරීන් ගුටි කන්නේ මගෙන්.

එක්සත් ජාතික පක්ෂයට ජනතා විමුක්ති පෙරමුණට මහ ඇමති අපේක්ෂකයෙක් හොයා ගන්න විදිහක් නැහැ. මම අභියෝග කරා පුළුවන් නම් මාව පරද්දවලා පෙන්නන්න කියලා. පොඩි එකා පරද්දලා එපැයි මහ මැතිවරණයක් දිනන්න. හොයලා හොයලා අන්තිමේදී බදුල්ලෙන් ඔච්චරමයි හොයා ගන්න පුළුවන් වුණේ. එකත් පාර්ලිමේන්තුවෙන් අස්කරලා පළාත් සභාවට දාන්න හදන්නේ. කුණුහරුප කියන වැඩක් කරන්න බැරි. බොළද මිනිහෙක්ව මේ පළාත් සභාවේ මහ ඇමති කරන්න තරම් ඌවේ ජනතාව මෝඩ නැහැ.

වගකීමෙන් වැඩ කරන්න බැරි කොන්ද පණ නැති බොළද කතා කියන මිනිස්සු මේ පළාත් සභාවට අවශ්‍ය නැහැ. එවැනි අය පළාත් සභාවට යවන්නෙත් නැහැ. ජනතාව ඊට වඩා බුද්ධිමත්. අනාගතය ගැන හොදට හිතලා බලලා තීන්දු තීරණ ගන්න ජාතියක් තමයි ඌව වෙල්ලස්ස ජනතාව කියන්නේ. ඌවට අභියෝග කරන්න කවුරුවත් නැහැ’ යයිද ඒ මහතා වැඩිදුරටත් කීය.