දිනූ බව කියන්නැයි ජනපති ඉල්ලයි

මෙවර පළාත් සභා මැතිවරණයේදී එක්සත් ජනතා නිදහස් සන්ධානය ලැබූ ජය පිළිබඳව ජනතාව දැනුවත් කරන ලෙස ජනාධිපතිවරයා මැති ඇමතිවරුන්ගෙන් ඉල්ලා ඇත. ඊයේ (01) පැවැති ශ්‍රිලනිප මධ්‍යමකාරක සභා රැස්වීමේදී මෙලෙස ඉල්ලා සිටි බව වාර්තා වේ.

විපක්ෂය විසින් ආණ්ඩුවේ පරාජය පිළිබඳව රට තුළ ප්‍රබල මතයක් ගොඩනැගීමට කටයුතු කර ඇති අතර මැතිවරණ ජයග්‍රහණයේ
සත්‍ය තත්වය පිළිබඳව ජනතාව දැනුවත් කළ යුතු බවට ජනාධිපතිවරයා මැති ඇමතිවරුන්ට වැඩිදුරටත් පවසා තිබේ.

තමන් මෙම ජයග්‍රහණය පිළිබඳව සතුටුවන බවත් 2009 ප්‍රතිඵලය සමග සැසඳීමට විපක්ෂය උත්සාහ කරන බවත් එය එසේ නොකළ යුතු බවත් ජනාධිපතිවරයා පවසා ති‍බේ. ඒ පිළිබඳව ජනතාවට අවබෝධ‍ කර දිය යුතු බවද මැති ඇමතිවරුන්ට පවසා තිබේ.
කෙසේ වෙතත් 2009 පළාත් සභා මැතිවරණය සමග සැසඳීමේදී මෙම පළාත් සභා දෙකෙහිදී ආණ්ඩුව ආසන 17ක් සහ ඡන්ද 247,103ක් අහිමිකරගෙන තිබේ.