පුලන් දේවි ඝාතකයාට දඬුවම්

'පූලන්' දේවිය මරා දැමීම සම්බන්ධයෙන් චෝදනා ලැබ සිටි විත්තිකරුවන්ගේ ප්‍රධානියා එම චෝදනාවලට වරදකරු වන බව අධිකරණය තීන්දු කර තිබේ.

කොල්ලකරුවන්ගේ නායිකාව යන තේරුමින් 'Bandit Queen'යනුවෙන් ප්‍රකටව සිටි පූලන් දේවි පසුව ඉන්දීය පාර්ලිමේන්තුවේ මන්ත්‍රීවරියක්ද ලෙස දිව්රුම් දෙනු ලැබීය.

2001 වසරේ ඇයව වෙඩි තබා මරා දැමුණ අතර, එම ඝාතනය සම්බන්ධයෙන් එකොළොස් දෙනකුට එරෙහිව නඩු පැවරුණ අතර, ඔවුන්ගේ ප්‍රධානියා වූ 'ෂෙර් සිං රානා' (Sher Singh Rana) චෝදනා වලට වරදකරු බවයි, උසාවිය තීන්දුව දෙමින් ප්‍රකාශ කළේ.

සෙසු සැකකරුවන් දහ දෙනා මුදා හරිනු ලැබිණ.

ඉන්දියාවේ මාධ්‍ය ප්‍රදේශ් ප්‍රාන්තයේ කොල්ල කරුවන්ගේ රැජින වූ 'පූලන් දේවිය'ගේ කතාව ඇසුරින් බොලිවුඩ් චිත්‍රපටයක් ද නිර්මාණය කෙරිණ.

හින්දු කුලවතුන් විසින් සමූහ වශයෙන් සිදු කරනු ලබන ස්ත්‍රී දූෂණ වලට එරෙහිව තමා අවි ගත් බවයි, පූලන් දේවිය ප්‍රකාශ කළේ.