එක්සත් ජනතා නිදහස් සන්ධානයෙන් වත්මන් ජනාධිපති මහින්ද රාජපක්ෂ, එක්සත් ජාතික පක්ෂයෙන් රනිල් වික්රමසිංහ, ජනතා විමුක්ති පෙරමුණෙන් අනුර කුමාර දිසානායක යන නායකයන් මෙලෙස ජනාධිපතිවරණයට තරග කිරීමට තීරණය කර ඇත.
ප්රධාන පක්ෂ තුනම ජනාධිපතිවරණය සඳහා වන ප්රචාරක කටයුතු මේ වන විට නිල නොලත් මට්ටමෙන් රට පුරා දියත් කර ඇත.
විපක්ෂයේ පක්ෂ නායකයන් දෙදෙනෙක් ජනාධිපතිවරණයට තරග කිරීම නිසා පොදු අපේක්ෂකයෙක් ඉදිරිපත් නොවනු ඇතැයි දේශපාලන ආරංචි මාර්ග ඔස්සේ 'දිවයින ඉරිදා සංග්රහය'ට වාර්තා විය.
පොදු අපේක්ෂකයකු ලෙස ජනාධිපතිවරණයට ඉදිරිපත් වීමට අපේක්ෂාවෙන් සිටි කෝට්ටේ නාග විහාරාධිපති පූජ්ය මාදුළුවාවේ සෝභිත හිමි තම ඉල්ලීම් ක්රියාත්මක කිරීමට පිළිගන්නා අපේක්ෂකයාට සහයෝගය ලබාදෙනු ඇතැයි එම ආරංචි මාර්ග වැඩිදුරටත් සඳහන් කළේය.
මේ අතර විපක්ෂයේ විරෝධය සංවිධානයට අයත් දේශපාලන පක්ෂ හා සංවිධාන, දෙමළ ජාතික සන්ධානය සහ ආණ්ඩුව නියෝජනය කරන දෙමළ සහ මුස්ලිම් දේශපාලන පක්ෂ කිහිපයක් මෙවර ජනාධිපතිවරණයේදී රනිල් වික්රමසිංහ මහතාට සහයෝගය ලබාදීමට කැමැත්ත ලබාදී ඇතැයි එම ආරංචි මාර්ග වැඩිදුරටත් සඳහන් කළේය.
මේ සම්බන්ධව ජනතා විමුක්ති පෙරමුණේ නායක අනුර කුමාර දිසානායක මහතාගෙන් 'දිවයින ඉරිදා සංග්රහය' කළ විමසුමකදී ඔහු කියා සිටියේ ජනාධිපති මහින්ද රාජපක්ෂ සහ විපක්ෂ නායක රනිල් වික්රමසිංහ යන කඳවුරු දෙකට සැබෑ විකල්පයක් ලෙස තමා ජනාධිපතිවරණයට තරග කරන බවයි.
මේ සම්බන්ධව සිය පක්ෂය ඉදිරියේදී පුළුල් ලෙස සාකච්ඡා කර තීන්දුවක් ගනු ඇති බව පැවසූ දිසානායක මහතා පක්ෂය විසින් ගනු ලබන ඕනෑම තීන්දුවක් පිළිගෙන රට මුහුණපා ඇති විනාශකාරී තත්ත්වයෙන් ගොඩ ගැනීම සඳහා කැපවී ක්රියාකරන බව වැඩිදුරටත් පැවසීය.
පියසේන දිසානායක සහ අජිත් අලහකෝන්
.jpg)
.jpg)
0 comments:
Post a Comment