කනේ හිලා සජිත් පිටුපස පන්නයි

බොහෝ කලකට පසුව විවේකයක් ගනිමින් වන සතුන් අතර කාලය ගත කිරීමට ගිය සජිත් ප්‍රේමදාස මන්ත්‍රීවරයා ඉකුත් සතියේ දඹුල්ල ප්‍රදේශයේත්, මින්නේරිය ජාතික වනෝද්‍යානයේත් සැරිසරමින් අලි ඇතුන්ගේ හා වෙනත් වන සතුන්ගේ ඡායාරූප රැසක් සිය කැමරාවට හසු කර ගත්තේය. මේ අතර මින්නේරිය වනෝද්‍යානයේදී ඔහුට බියකරු අත්දැකීමකට මුහුණ දීමට සිදු වුණේ ‘කනේ හිලා’ නමැති ඇතින්නිය ජීප් රථය පසුපස හඹා ඒමත් සමගය. සිය පැටවෙකු දුම්රියේ හැපී මිය යාමෙන් පසුව වියරු වැටී සිටින ඇතින්න මිනිසුන් පසුපස එළවා පහර දීමට පෙළඹී සිටින බව ඔහුට දැනගන්නට ලැබුණේ පසුවය. කෙසේ නමුදු මේ සිද්ධියෙන් අනතුරක් නොවන ලෙස ජීප් රථය ක්ෂණයෙන් ඉවත් කර ගැනීමට  සජිත්ගේ රියැදුරා සමත් විය. සජිත් කීවේ “කකුල් දෙකේ අලි මදිවට කකුල් හතරේ අලිත් මගේ පස්සෙ එන්න හදන එක නම් හොඳ අනාගත ලකුණක්” කියාය.