අනර්කලී උකුලේ තියාගෙන ඉන්න පොස්ටරයක් ගැහුවනම් අනර්කලීයි මමයි දෙන්නම දිනනවා.

දකුණේ ජනතාව ඡන්දය දී ඇත්තේ බුද්ධිමත් මිනිස්සුන්ට නොව, බල්ලෝ මරලා හරි සල්ලි හම්බ කරනකුඩු,එතනෝල් ගෙන්වන පිරිසකට බව දකුණු පළාත් සභා හිටපු සන්ධාන මන්ත‍්‍රී අජිත් ප‍්‍රසන්න මහතා පවසයි.ඒ මහතා පැවැති දකුණු  පළාත් සභා ඡන්දයේ දී එජනිසං තරග කොට පරාජයට පත්විය.  අඟහරුවාදා (01) ගාල්ලේ පැවැති  මාධ්‍ය හමුවක් අමතමින් වැඩිදුරටත් අදහස්
දැක් වු ඒ මහතා මෙසේ ද පැවසීය.

‘මම හිතුවා ගාල්ලේ ජනතාව බුද්ධිමත් කියලා. අයුක්තියට අසාධාරණයට හඩ නඟන අයට ඡන්දය දෙයි කියලා. නමුත් ජනතාවත් කැමැති අයුක්තිය,අසාධාරණය, හොරකම කරන පුද්ගලයින්ටමයි කියන එක මම මේ ඡන්දයේ දී තේරුම් ගත්තා. මමත් හොඳට හොරකම් කරලා ඡන්දේ දී සල්ලි වියදම් කළා නම් දිනන්න තිබුණා. මමත් කාට හරි ගේමක් දීලා කෝටි ගාණක් හොයා ගත්තා නම් දිනන්න තිබුණා. ඉදිරියේ දී ඡන්ද දිනන්න නම් බැංකු මංකොල්ල කාලා ප‍්‍රසිද්ද වුණා නම් හරි.

මිනිස්සු ඡන්දය දෙන්නේ පෝස්ටර්,කටවුට් වැඩිපුරම ගහන, පත්තරේ වැඩිපුරම ඇඩ්ස් දාන අයට සහ කුඩ, දුරකතන බෙදන අයට. ඒක ගාල්ලේ ඔප්පු වෙලා තියෙනවා.  අනර්කලී උකුලේ තියාගෙන ඉන්න පින්තූරයක් එක්ක පොස්ටරයක් ගහලා,ඒක ඉන්ටනෙට් එකට දැම්මා නම් අනර්කලීයි මමයි දෙන්නම දිනනවා.