නවුසර් ෆවුසිට ප‍්‍රසාද ආසනයක්

බස්නාහිර පළාත් සභාව සඳහා වු ප‍්‍රසාද ආසන දෙක කොළඹින් තරග කළ නවුසර් ෆවුසි මහතාටත් ගම්පහෙන් තරග කළ ලලන්ත ගුණසේකර මහතාටත් ලබා දීමට එක්සත් ජනතා නිදහස් සන්ධානය තීරණය කොට තිබේ. කෙසේ වෙතත් අදාල ප්‍රසාද ආසන දෙකෙන් එකක් හිමි විය යුතුව තිබුණේ කලුතර දිස්ත්‍රික්කයට වන අතරඑම දිස්ත්‍රික්කයෙන් ප්‍රසාද අසුන සඳහා සුදුසුකම් ලබා සිටියේ
තෙබුවන පියනන්ද හිමියන්ය.
එහෙත් බස්නාහිර පළාත් සන්ධාන ජයග්‍රාහී ලැයිස්තුවේ කිසිදු සුළු ජාතික නියෝජනයක් නොමැති වීම හේතුවෙන් නවුසර් ෆවුසි මහතාට අදාල ප්‍රසාද අසුන ලබා දීමට එක්සත් ජනතා නිදහස් සන්ධානය තීරණය කොට තිබේ.
මේ අතර දකුණ පළාත් සභාව සඳහා වු ප‍්‍රසාද ආසන දෙක ලබා දීමට තීරණය වී ඇත්තේ ගාල්ලෙන් තරග කළ දුල්ෂාන් කාරියවසම් මහතාට සහ හම්බන්තොටින් තරග කළ ආනන්ද පතිරණගේ මහතාටය. කෙසේ වෙතත් දකුණ පළාත් සභාවේ ප‍්‍රසාද ආසන බෙදා දී ඇති ආකාරය සම්බන්ධයෙන් එම පළාත් සභාවට මාතරින් තරඟ කළ චන්දන සිරිබද්ධන මහතා චෝදනා නගයි. තමාට එම ප්‍රසාද අසුන හිමිවිය යුතු බව ඒ මහතා කීය. එක්සත්ජනතා නිදහස් සන්‍ධානයට මාතරින් හිමි වූ මන්ත‍්‍රී ආසන සංඛ්‍යාව 10ක් වන අතර මනාපප‍්‍රතිඵල අනුව චන්දන සිරිබද්ධන මහතා 11 වැනි ස්ථානයේ පසුවෙයි.