ගෝඨාභය දැන් දේශපාලනය කරන්න සුදුසුයි

නාගරික සංවර්ධන අමාත්‍යංශය බාර ගත් නිසා ආරක්ෂක ලේකම් ගෝඨාභය රාජපක්ෂ මහතා දේශපාලනයට පැමිණීමට සුදුසුකම් සපුරා ඇති බවත් දැන් ඔහු දේශපාලනයට සුදුසු බවත් කොළඹ නගරාධිපති ඒ.ජේ.එම් මුසම්මිල් මහතා පවසයි.

ඔහු මෙසේ පැවසුවේ කොළඹ අගනගර ආශි‍්‍රත ව්‍යාපෘතියේ අත්‍යවශ්‍ය උපයෝගීතා වාහන හා යන්ත්‍රෝපකරණ තොගයක් කොළඹ මහ නගර සභාවට ප‍්‍රදානය කිරීමේ උලෙළ අමතමිනි.

‘පේ‍්‍රමදාස මහත්තයා අගමැති වෙන්න කලින් ඉල්ලූවේ නාගරික සංවර්ධන අධිකාරියත්, නිවාස අමාත්‍යංශයත්. එතැනින් තමයි ජනතාවට සමීප වෙන්න පුළුවන්. ගෝඨාභය මහත්මයාත් දේශපාලනය එන්න කලින් නාගරික සංවර්ධන අමාත්‍යංශය භාරගත්තෙ දේශපාලනයට කලින් සුදුසුකම් හදාගන්නයි. දැන් ඔහු දේශපාලනයටත් සුදුසුයි කියලා මම හිතනවා’ යයිද පුරපතිවරයා කීය.