සැකකාර සිසුවා රුපියල් ලක්‍ෂයක්‌ වටිනා ශරීර ඇප මත මුදාහැරීමට අධිකරණයෙන් නියම විය.
පැමිණිලිකාර ගුරුවරිය අපරාධ පරීක්‍ෂණ දෙපාර්තමේන්තුවට කරන ලද පැමිණිල්ලක්‌ අනුව සැකකාර සිසුවා අත්අඩංගුවට ගෙන අධිකරණයට ඉදිරිපත් කර තිබිණි.
පැමිණිලිකාරිය සිය පැමිණිල්ල ඉදිරිපත් කරමින් පවසා ඇත්තේ තමාගේ මුහුණ සහිත නිරුවත් ඡායාරූපයක්‌ facebook ගිණුමක තිබෙන බව පැමිණිලිකාරියගේ හිතවත් ගුරුවරියක්‌ ඇයට දැනුම් දීමෙන් පසු තමන් ඒ පිළිබඳව සොයා බැලූ බවයි.
එමfacebook ගිණුමේ පෙනී සිටින පුද්ගලයා කවුරුන්ද යන්න පිළිබඳව හඳුනාගැනීම සඳහා පැමිණිලිකාරිය සිය facebook ගිණුම හරහා එකී පුද්ගලයා සමග අදහස්‌ හුවමාරු කරගෙන ඇති බවත්, පසුව එකී පුද්ගලයා පැමිණිලිකාරියගේ දුරකථන අංකය ඉල්ලා සිටි නිසා ඇය සිය ඥතියකුගේ දුරකථන අංකයක්‌ ලබා දී ඇති බවත් අනාවරණය විය.
පැමිණිලිකාරිය ලබාදුන් දුරකථන අංකයට සැකකාර පුද්ගලයා ඇමතුම් ලබාදී ඇති බවත්, ඉන් පසුව පැමිණිලිකාරිය එම දුරකථන අංකය හරහා එකී පුද්ගලයා කවුද යන්න පිළිබඳව සොයා බැලීමේදී ඔහු තම පාසලේ ඉගෙනුම ලබන බාල වයස්‌කාර සිසුවකු බව අනාවරණය කරගෙන ඒ පිළිබඳව අපරාධ පරීක්‍ෂණයට දන්වා ඇති බවත් පැමිණිල්ලේ සඳහන් වේ.
අපරාධ පරීක්‍ෂණ දෙපාර්තමේන්තුව අධිකරණය හමුවේ කියා සිටියේ සැකකාර සිසුවා "ප්‍රනාන්දු" නමැති ව්‍යාජ නමකින් පෙනී සිටිමින් මේ කටයුත්ත කර ඇති බවත්, තවත් එම විද්‍යාලයේ ගුරුවරියන් කීප දෙනකුටද මෙවන් අපහාසයන් කර ඇති බව අනාවරණය වන බවත්ය. සැකකාර සිසුවාගේ විදෙස්‌ ගමන් තහනම් කිරීමටද පරිවාස වාර්තාවක්‌ කැඳවන ලෙසට ද අධිකරණයෙන් නියම කෙරිණි.
.jpg)
.jpg)
0 comments:
Post a Comment