හඡ්ජි උත්සවයට සහභාගි වීමට යැමේදී ඇතැම් බැතිමතුන්ට අසාධාරණයක්‌ වී ඇති බව පවසමින් ඊට එරෙහිව ක්‍රියාමාර්ගයක්‌ ගන්නා ලෙස මුස්‌ලිම් සංවිධානයක්‌ බොදුබල සේනා සංවිධානයෙන් ඉල්ලීමක්‌ කර ඇත. රජයට සම්බන්ධ ඇමැතිවරුන් කිහිප දෙනකු හඡ්ජි වන්දනා කෝටාව අයුතු ලෙස භාවිතා කරන බව එම මුස්‌ලිම් සංවිධානය බොදුබල සේනා සංවිධානයේ ප්‍රධාන විධායක නිලධාරී දිලන්ත විතානගේ මහතාට පෙන්වා දී තිබේ. බෞද්ධ සංවිධානයකට මුස්‌ලිම් ආගමික කටයුතුවලට සෘජුවම මැදිහත් වීමට ගනොහැකි බව දිලන්ත විතානගේ මහතා එහිදී ප්‍රකාශ කර ඇති අතර, මේ සම්බන්ධයෙන් සියලු තොරතුරු ලබාදුන හොත් සහ ඊට එරෙහිව මුස්‌ලිම් බැතිමතුන් ගන්නා ක්‍රියාමාර්ගයකට සහාය දීමට හැකියාවක්‌ ඇති බව ඒ මහතා ප්‍රකාශ කර ඇත.
අදාළ මුස්‌ලිම් සංවිධානය බොදුබල සේනා සංවිධානයේ මහලේකම් ගලගොඩඅත්තේ ඥනසාර හිමිපාණන් වහන්සේ හමුවී මෙම සියලු තොරතුරු හෙළිකිරීමට බොදුබලසේනා මූලස්‌ථානයට පැමිණ තිබෙන අතර, එහිදී උන්වහන්සේ නියෝජනය කරමින් එහි ප්‍රධාන විධායක නිලධාරී දිලන්ත විතානගේ මහතා අදාළ සාකච්ඡාවට සහභාගි වී තිබේ.
එසේම මෙම හ-ජි වන්දනා කෝටාව සම්බන්ධයෙන් ශ්‍රේෂ්ඨාධිකරණයෙන් තීන්දුවක්‌ ලබාදී ඇති බවද, එම තීන්දුවට පටහැනිව අදාළ ඇමැතිවරුන් ක්‍රියාකරමින් සිටින බව ද එම මුස්‌ලිම් සංවිධානය දිලන්ත විතානගේ මහතාට වැඩිදුරටත් ප්‍රකාශ කර ඇත.
.jpg)
.jpg)
0 comments:
Post a Comment