දිනිඳුගේ පැහැර ගැනීම නිසා දුරකතන සමාගමකට ටොෆිය හම්බවෙයි

සිවු හැවිරිදි දිනිදු යෂේන් දරුවා පැහැරගැනීමේ සිද්ධියට එහි සැකකරුවන් භාවිත කොට ඇති දුරකතන සබඳතා අයිති සමාගමට එරෙහිව නීතිමය පියවර ගැනීමට පොලිසිය පියවර ගන්නා බව පොලිස් මාධ්‍ය ප‍්‍රකාශඛ අජිත් රෝහණ මහතා පවසයි.

ඒ මහතා කොළඹදී මාධ්‍ය අමතමින් කියා සිටියේ එම සිම්පත් සියල්ල එකම ජාලයේ සිම්පත් බවත් ඒවා නියෝජිතයන් මගින් පාරිභෝගියන් වෙත අලෙවියේදී අන්‍යතාව තහවුරු කර නොගෙන එක් පුද්ගලයකුගේ ජාතික හැදුනුම්පත් පිටපත් ගණනාවකින් නිකුත් කර ඇති බව හෙළි වී ඇති බවයි.

පැහැර ගැනීමේ සිද්ධියට යොදාගෙන තිබූ සිම්පත් අටක සම්බන්ධයෙන් තොරතුරු රැස්කොට ඇති  බවත් සිද්ධියට අනුබල දුන්නේ යැයි කියන චෝදනාව මත අදාළ දුරකතන සමාගමට එරෙහිව නඩු පැවරීමට පියවර ගෙන ඇතැයිද ඒ මහතා කීය.